سكوووووت

ماذا يحدث اذا صمتت الأفواه ولو لمدة دقيقة واحدة ؟؟ يصمت جميع الخلائق على مستوى الكون بامتداده الجغرافى الهائل لمدة دقيقة واحدة .. يستمع الجميع خلال هذه الدقيقة لصوت الطبيعة فقط سواء كانت تلاطم أمواج أو خرير جدول مائى أو حتى حفيف أوراق الشجر

أتمنى السكوت ولكنى لا أناله .. أرغب فى الكلام ولكنه ممنوع .. حقا الممنوع مرغوب والصمت أحيانا أفضل كثيرا من الكلام

14 comments:

Eno said...

احيانا كتير لحظات الصمت بتكون ابلغ بمراحل عن كل الكلمات

بس ياترا ايه هو الكلام الممنوع المرغوب ؟؟؟

Foxology said...

Eno

الصمت الأبلغ من كل الكلمات لا يفهمه الا أولوا الألباب عسى الله أن نكون منهم

الكلام الممنوع المرغوب هو كل مالا يقال خشية احداث الألم بالآخرين أو حتى بالنفس من قبيل جلد الذات

شكرا لمرورك وتعليقك

tarek momen said...

قالوا: اذا كان الكلام من فضة فالسكوت من ذهب
والكلام بقي ببلاش و الذهب صعب المنال

maf2ou3a said...

السكوت اللي بالمزاج مافيش احسن منة اسمة حالة هدوء لكن الخرس من الخوف هو الموت بعينة

~ISLAM~ said...

الصمت والكلام كلاهما سلاح ذو حدين
المهم ايه فيهم ينفع امتى
هنا الحكمه اللى مش عند كل الناس ولا حتى نصهم ولكن القليل بس منهم

Foxology said...

maf2ou3a

الخرس ربنا يكفينا شره ياما عانينا منه والمفروض اننا غيرناه بس للأسف كتير فاهمين التغيير ده غلط وبقت مكلمة عظيمة والمحصلة صفر كبير ولا صفر المونديال

شكرا لمرورك وتعليقك

Foxology said...

islam

الله ينور عليك : ايه فيهم ينفع امتى

اجاية السؤال ده اللى يعرفها يبقى بيفهم

نورت الكيت كات فى أول زيارة

شمس النهار said...

الصمت داااااائما ابلغ من الكلام
وساعات بيكون في مشاعر لو طلعت الكلام هيسفها
غلوها في صمتها
يارب تكون بخير انت وام يوسف ويوسف

Foxology said...

دعاء مواجهات

تعليق جديد ممكن تفسيره بأكتر من معنى لكن المعنى الحقيقى فى صمته :)

شكرا لمرورك وتعليقك

Foxology said...

شمس النهار

الصمت أفضل طبعا فى الحالات اللى مينفعش الواحد يتكلم فيها لأنه لو اتكلم ممكن يخسر أكتر ما هيخسر لو سكت

كلنا بخير الحمد لله ربنا يكرمك :)

شكرا لمرورك وتعليقك

givara said...

فى حكمه قديمه بتقول
اذا اردت ان يهابك الناس فعليك بالصمت
وساعات بيكون الصمت ابلغ من كل الكلام
بوست رائع احسنت

Foxology said...

givara

وكان فى مثل انجليزى بيقول : يظل المرء محترما حتى يفتح فمه ليتكلم :)

تحياتى لك وشكرا لتعليقك بأول مرور للمدونة

دعاء مواجهات said...

أصل بما انك ترغب فى الصمت فلا يجب علينا كسر هذا الصمت بأى كلمه

ميرسى ليك بجد

Foxology said...

دعاء مواجهات

أرغب فى الصمت لمدة دقيقة واحدة وكانت أمنية صعبة وبعيدة المنال ولكن التعليقات مفتوحة بالطبع لكل الزوار فلا يصح أن ننادى بالديموقراطية ونمنعها فى بيوتنا :))

شكرا لمرورك وتعليقك ولا شكر على واجب :)