الكــيــت كـــات

من سنة فاتت

2012-01-25T08:09:00.002+02:00

من سنة فاتت .. كنا بنبوس ايد الكسلانين انهم ينزلوا الشوارع .. يصرخوا صرخة ألم مكتومة من 30 سنة واكتر فى وش العسكر اللى لابسين اسود ومعاهم خرزان وقنابل مسيلة للدموع .. فى وش الحزب الوطنى الفاسد فساد اخطبوطى سرطانى محصلش قبل كدة .. من سنة فاتت كنا بنتهم البرادعى انه عميل .. انه انتهازى .. وتهم كتير من نفس النوعية القذرة دىالسنة دى بأة فى حاجات متشابهة كتيرة .. بنبوس ايد الناس برضه علشان ينزلوا بس

ورحل مالك الحزين

2012-01-08T09:39:00.003+02:00

فى هدوء شديد - كرسمه وكأحداث مؤلفاته - رحل عن عالمنا أحد أعمدة الأدب العربى العم (ابراهيم أصلان) صاحب الرواية الشهيرة (مالك الحزين) التى تحولت الى فيلم أشهر (الكيت كات) وكذلك رواية (عصافير النيل) التى تحولت الى فيلم بنفس الاسمرحل ابراهيم أصلان متعجلا اللحاق برفيقه المبدع الراحل العم (خيرى شلبى) والذى كان آخر من هاتفه ليلة وفاته هو العم أصلان حسبما حكى لنا فى مقال الأهرام بعد أسبوع من رحيل

افتقاد وأشياء أخرى

2012-01-07T09:26:00.002+02:00

أولا : أفتقد المدونة بشدة .. أفتقد أصدقائى المدونين بشدة أيضا .. أشكر كل من سأل عنى وعن أحوالى فى الفترة الماضية وأشكر من لم يسأل أيضاثانيا : الافتقاد والابتعاد كانا رغما عن ارادتى تماما اما لظروف عائلية عصيبة كنت أمر بها أو لظروف العمل الجديد الذى التحقت به ويتطلب منى أن أكون متفرغا تماما كل دقيقة فى اليوم تقريبا واما لظروف عادية يضطر المرء فيها الى المتابعة فقط دون ابداء الرأى أو حتى المشاركة

هوجة 25 يناير

2011-12-16T15:51:00.003+02:00

ناس هتزعل منى انى بقول عليها هوجة .. ونفس الناس هى هى مزعلتش واحنا بقالنا اكتر من 50 سنة بنقول على ثورة 52 ثورة وهى فى الاصل انقلاب عسكرى !! معلش عادى اهى شيزوفرينيا منغمسين فيها من أيام الفراعنة وملهاش علاج عند فرويد ذات نفسهانا سميتها " هوجة " لسبب بسيط جداااااا ... اى ثورة فى الدنيا بيقوم بيها الشعب بيبقى ليها هدفين :الهدف الأول : القضاء تماما ونهائيا على النظام الحاكم الحالى بكل أذرعه

الخالة نزيهة

2011-11-30T10:02:00.002+02:00

هذه الأيام عادت الينا بسلام الخالة ( نزيهة ) والتى دوما اقترن اسمها بما يسمى فى بلدنا ( الانتخابات البرلمانية ) ومن أسف أن اسمها مازال مقترنا بهذه الانتخابات حتى بعد ( هوجة 25 يناير ) وسأشرح فيما بعد فى تدوينة منفصلة سبب تسميتى لثورة 25 يناير بـ ( الهوجة ) ولكن دعونى الآن أكمل حديثى عن الخالة نزيهةفى العهد شبه البائد ( عهد مبارك وأعوانه وليس عهد فاروق وحاشيته كما تعودنا ) كانت الخالة نزيهة عندما

انهم لا يفهمون

2011-11-23T13:30:00.002+02:00

المجلس العسكرى وقادته .. والنخبة كما يطلق عليهم .. وأصحاب السترات الأنيقة الذين دائما يحلون ضيوفا فى برامج ليلية يتفوهون بكلام لا يفهمه من بالشارع .... كل أولئك لا يفهمون اننا لم نعد عبيدا .. وأننا لم نعد أطفالا نصدق كل الهراء والكذب والتضليل الذى يوجهه نحونا قاطنو ماسبيرو تماما كما يوجه إلينا وحوش الداخلية والشرطة العسكرية بنادقهم وقنابل غازاتهم نحو وجوهنا وأطرافناانهم لا يفهمون .. وويل لنا

خريطة الطريق لإنتخابات مجلس الشعب 2011

2011-10-25T10:40:00.002+02:00

لا شئ يعجبنى - محمود درويش

2011-10-15T20:52:00.001+02:00

هرطقة وسفسطة وعبث ليس له مثيل

2011-10-06T10:13:00.003+02:00

ما يحدث فى مصر الآن ليس له الا مسمى واحد فى سياق جملة مفيدة تصف الوضع الحالى فى كلمات : هرطقة وسفسطة وعبث ليس له مثيل ، الأمثلة كثيرة ولا حصر لها ، سأسرد بعض المواقف التى حدثت فى الفترة الأخيرة والتى كانت سببا رئيسيا فى ابتعادى عن التدوين اما لأنها قد مست تفاصيل يومى مباشرة أو لأنها سببت لى نوعا من الاكتئاب وعدم الرغبة فى الكلام من الأساسأتحدث أولا عن المجلس العسكرى وأدائه فى الفترة الأخيرة وما

زهــــور - أمل دنقل

2011-09-19T09:53:00.003+02:00

وسلالٌ منَ الورِد,ألمحُها بينَ إغفاءةٍ وإفاقهوعلى كلِّ باقةٍاسمُ حامِلِها في بِطاقه***تَتَحدثُ لي الزَهراتُ الجميلهْأن أَعيُنَها اتَّسَعَتْ - دهشةً -َلحظةَ القَطْف,َلحظةَ القَصْف,لحظة إعدامها في الخميلهْ!تَتَحدثُ لي..أَنها سَقَطتْ منْ على عرشِها في البسَاتينثم أَفَاقَتْ على عَرْضِها في زُجاجِ الدكاكينِ, أو بينَ أيدي المُنادين,حتى اشترَتْها اليدُ المتَفضِّلةُ العابِرهْتَتَحدثُ لي..كيف جاءتْ إليّ..

الكواكب السيَارة فى أحداث السفارة

2011-09-11T11:24:00.002+02:00

بما انى أسجل لنفسى وللتاريخ فقد قررت بعون الله وتوفيقه تسجيل ملاحظاتى الأثرية عن أحداث يوم التاسع من سبتمبر أمام وحول السفارة الصهيونية .. فقد بلغ اليوم مبلغه وتصاعدت الأحداث بشدة حتى ظن الناس الهلاك وانتشار الفوضى وانسحاب الأمن كما حدث منذ شهور عدَةكانت الشمس جميلة صافية بالنهار .. تحالفات وطنية وشباب ثورى ملأ الميدان منذ الفجر .. انسحبت الشرطة والعسكر وأخلوا الميدان للبشر القادمين الذين شكلوا

تهنئة متأخرة

2011-09-03T00:50:00.001+02:00

كل عام وأنتم بخير بمناسبة عيد الفطر المبارك أعاده الله علينا وعليكم بالخير واليمن والبركات تهنئة متأخرة ولكن واجبة

لا عنوان

2011-08-09T09:00:00.003+02:00

الغموض يسيطر على تفكيرك .. لا تستطيع الوصول الى نقطة النهاية عند امساكك لأى طرف خيط مبتدئا التفكير فى موضوع ما .. قد يكون عقلك مرهق .. وقد يكون مضربا عن التفكير للصيام أو حتى احتجاجا على ظروفك المعيشية الغير مستقرة تحاول البوح .. ثم تتراجع .. ثم تحاول .. ثم تتراجع للمرة الأخيرة معتبرا البوح مجرد مضيعة للوقت ليس أكثر .. وهل هناك أفضل من الحديث اللامنتهى لإضاعة الوقت ؟ تمسك الورقة والقلم فتضبط نفسك

رمضان كريم

2011-07-31T11:11:00.003+02:00

كل عام وأنتم بخير .. تقبل الله صيامنا وصيامكم وقيامنا وقيامكم .. رمضان كريم

شيوخ المسخرة

2011-07-23T09:47:00.002+02:00

باﻷمس أعلنت الجماعة الإسلامية أنها ستفض اعتصام التحرير ولو بالقوة لأن الإعتصام يحدث فيه ما يغضب الله من تناول الخمور والمخدرات وممارسة الجنس ... ثم أعلنت جماعة الإخوان المسلمون أن الإعتصام لا فائدة منه وأنه يعطل مصالح البلاد العليا وأن الثورة قد تحققت مطالبها ولا داعى من التصعيدأرد عليهم وأقول ... يا شيوخ المسخرة .. هل رأيتم بأعينكم تناول المخدرات والخمور وممارسة الجنس ؟؟ ولماذا لم تقوموا بإبلاغ

نفس الصباع

2011-07-13T09:48:00.003+02:00

امبارح المجلس العسكرى طلع بيان .. هدد فيه وتوعد وأرغى قائله وأزبد .. وسبحان الله نفس الصباع .. فى آخر البيان سمعنا صوت حد بيقول : هايل ... وهناك تكهنات بأنه صوت مبارك مهو مفيش حاجة بعيد عن شرم الشيخ ولا ايه ؟؟ من ضمن التعليقات الطريفة اللى طلعت على البيان .. توقعات بأن البيان الجديد للمجلس العسكرى هيكون التخلى عن ادارة البلاد لصالح الرئيس السابق محمد حسنى مبارك والله الموفق والمستعان

شكلك هتوحشنا يا شرف

2011-07-10T08:53:00.002+02:00

بعد البيان اللى قاله الدكتور عصام شرف رئيس الوزراء امبارح بالليل واللى لبى فيه 7 مطالب من مطالب الثوار المعتصمين فى ميدان التحرير من يوم الجمعة 8 يوليو أقدر أقول مع احترامى الكامل للدكتور شرف ولشخصه المحترم والنزيه .. شكلك هتوحشنا يا دكتور شرفالمجلس العسكرى مقدمش حاجة غير عودة منصب وزير الاعلام وللأسف اللى مرشح له أسامة هيكل أحد الأبواق المتعفنة من الزمن الماضى وأحد الحناجر اللى كانت بتهاجم

النهاردة 8 يوليو

2011-07-08T10:38:00.002+02:00

تدوينة سافلة

2011-07-06T14:33:00.003+02:00

تـــحـــذيــــــــــر : التدوينة دى سافلة بمعنى الكلمة ومضطر اطلع الكلام اللى جوايا هنا بدل ما اطلعه فى حاجة تانيةهو لا مؤاخذة القضاء النزيه ( اللى بيفكرنى بنزيهة بتاعة الانتخابات اياها) هو لا مؤاخذة عاوز مننا ايه ؟؟؟ نولع ف نفسنا يعنى ؟؟؟ حد يقدر يفهمنى ازاى الظباط ولاد الحرام اللى قتلوا أهالينا بدم بارد فى أحداث الثورة ازاى ياخدوا اخلاء سبيل ؟؟ هما بروح امهم على دماغ اللى جايبينهم ريشة ؟؟ ممنوع

مجرد سؤال

2011-06-26T09:31:00.002+02:00

هو ليه كل لما المجلس العسكرى يطلع بيان بيحذر فيه من الفتنة الطائفية بتحصل فعلا مواجهات طائفية بعدها بيومين او تلاتة بالكتير ؟؟؟اخر بيان اهو بتاريخ 23 يونيووالمواجهات اهى بتاريخ امبارح 25 يونيوحد فاهم حاجة ؟ لو حد فاهم يكسب فيا ثواب ويفهمنى لأنها مش أول مرة

ثورة الشك

2011-06-24T15:25:00.005+02:00

ثورة الشك مش أغنية كوكب الشرق الراحلة أم كلثوم .. ده الاسم الجديد اللى قررت أسميه لثورة 25 يناير وعندى أسبابى اللى ممكن تتفقوا معايا فيها واللى برضه باينة انها منطقية ولو بعضها مش كلهاأولا : حد عرف الشهداء خدوا حقهم ولا لأ ؟؟ثانيا : حد عرف المصابين اللى متبهدلين بين المستشفيات مش عارفين يتعالجوا خدوا حقهم ولا لأ ؟؟ثالثا : حد من رؤوس النظام الفاسد السابق اتحكم عليه بأى حكم حتى لو تنضيف حمامات

سكوووووت

2011-06-11T20:10:00.002+02:00

ماذا يحدث اذا صمتت الأفواه ولو لمدة دقيقة واحدة ؟؟ يصمت جميع الخلائق على مستوى الكون بامتداده الجغرافى الهائل لمدة دقيقة واحدة .. يستمع الجميع خلال هذه الدقيقة لصوت الطبيعة فقط سواء كانت تلاطم أمواج أو خرير جدول مائى أو حتى حفيف أوراق الشجرأتمنى السكوت ولكنى لا أناله .. أرغب فى الكلام ولكنه ممنوع .. حقا الممنوع مرغوب والصمت أحيانا أفضل كثيرا من الكلام

انا لله وانا اليه راجعون

2011-06-05T18:57:00.002+02:00

توفيت أمى اليوم .. سبقها أبى بخمس وتسعين يوما .. دفنا سويا بنفس المقبرة .. رحمهما الله برحمته الواسعة .. انا لله وانا اليه راجعون

غيبوبة

2011-05-25T10:13:00.002+02:00

أفضل وصف لليومين دول ... غيبوبة ... دولة كاملة بشعبها عايشة فى غيبوبة .. فى ناس قصدها ان الدولة دى تعيش فى غيبوبة .. فى شعوب كل أهدافها ان شعب الدولة دى يعيش فى غيبوبةأول القصيدة كفر زى ما بيتقال .. ده طبعا عن ما يسمى ( الحوار الوطنى ) اللى المفروض انه جلسان نقاش موسعة بتضم كل أصحاب الرأى واتخاذ القرار فى البلد علشان ننور النفق اللى دخلناه ونتفق على خطوات الخروج من النفق المظلم والنهوض بالبلد بعد

النشيد الوطنى المصرى

2011-05-11T19:13:00.001+02:00

مجرد أسئلة

2011-05-01T21:54:00.002+02:00

أسئلة بتلف وتدور فى دماغى اليومين دول وخصوصا من يوم الجمعة بعد أنباء عن احتشاد الآلاف من السلفيين فى مسيرة من مسجد النور بعد ما استولوا على المنبر ومنعوا خطيب الأوقاف للمرة السابعة ( أيوة السابعة ) من انه يقوم بمهام عمله ويلقى خطبة الجمعة بحجة ان الشيخ حافظ سلامة معاه حكم محكمة بالتمكين من ادارة المسجد وبالتبعية المنبر وخطبة الجمعة والامامة ... المسيرة انطلقت حتى الكاتدرائية بالعباسية وكان طبعا

افتقاد

2011-04-20T12:53:00.006+02:00

مر شهران على وفاتك والدى العزيز .. لم أكن أعرف أنى سأفتقدك بهذه الدرجة المؤلمة .. صورتك لا تفارق ذهنى فى الصحو والغفلة .. خاصة أيام مرضك الأخيرة والتى كنت دائما تحرص فيها على ذكر الله وعلى الاطمئنان علينا جميعا .. تماما كما كنت تفعل .. أقرأ سورة الكهف كل ليلة جمعة .. أقرأها من مصحفك الأخضر وأهدى ثواب قرائتها لك .. علها تنير قبرك حتى الجمعة التاليةبالطبع تدرك الآن أنك ميت .. ولكنك تسمعنا وتشعر

ليه؟؟؟

2011-03-25T15:58:00.003+02:00

هو احنا ليه بقينا كدة ؟؟؟؟؟؟البلد مبقتش بلدنا .. مش منتمى لاى فكر او توجه .. غريب حتى فى بيتىمكتئب جدااااااا ومش هكتب مؤقتا

ده كان حلم وﻻ بجد ؟؟

2011-03-20T09:18:00.003+02:00

امبارح كان معادنا كمصريين مع اﻻستفتاء على التعديﻻت الدستورية وبغض النظر عن اللى قالوا نعم واللى قالوا ﻷ والنتيجة المبدئية اللى بترجح كفة نعم على مستوى معظم المحافظات اﻻ انى شخصيا كنت حاسس انى فى حلم جميل اوى ومش عاوز اصحى منهامبارح كانت اقرب لجنة استفتاء فى نفس الشارع اللى ساكن فيه وعاوز اقولكم انه من الصبح بدرى والشارع اللى هادى بطبعه كان مليان ناس كتيييييييييييرة جدااا من مختلف اﻷعمار والطبقات

الاستفتاء والزمر وأشياء أخرى

2011-03-15T14:03:00.002+02:00

عبود الزمر ... أشهر وجه اعلامى مصرى حاليا بعد عقده أكثر من لقاء تلفزيونى مصرى فيما يشبه الاحتفاء الاعلامى به وكأنه أحد أبطال الثورة المصرية الأخيرة .. هذا الرجل الذى يعد أقدم سجين سياسى بالعالم ومصر بعد قضائه فترة عقوبة بالمعتقل لمدة 30 سنة تنفيذا للعقوبة الموقعة عليه فى أحداث اغتيال الرئيس الراحل أنور السادات .. هذا الرجل كان ولا يزال أحد أعمدة تنظيم الجماعة الاسلامية وفيما يتردد بأنه مسؤول

زمن الفتن

2011-03-12T08:52:00.002+02:00

نحن الآن نعيش أزهى عصور الفتن بلا منازع !!! عندما نعود للوراء مجددا ونلغى عقولنا تماما ولا نكلف أنفسنا عناء البحث عن الأسباب الحقيقية ونتهم النظام البائد بأنه العقل المدبر وراء حوادث الاعتداء على الكنائس وانه السبب وراء المشاجرات بين المصريين بعضهم البعض فنحن نعيش أزهى عصور الفتن عندما يتحد الأخوانى مع السلفى مع الشيوعى بداعى مواجهة الفتنة الطائفية - الغير موجودة ولو حاليا على أفضل تقدير - فنحن

وداعــا أبى وداعــا

2011-02-27T00:57:00.002+02:00

انا لله وانا اليه راجعونتوفى والدى الثلاثاء الماضى .. ادعوا له وﻷموات المسلمين بالرحمة والمغفرةأتذكر يا أبى سؤالك لى منذ أسبوعين تقريبا : هل ستحزن علىّ عندما أموت ؟ .. لم أجب وقتها ﻷن الطبيعى أن نحزن عند موت آبائنا ولكنى لم أدرك كم الحزن والألم الذى تسبب به رحيلكاللهم اغفر لأبى وارحمه واغسله بالثلج والماء والبرد ووسع مدخله ووسع عليه قبره واجعله مدّ بصره وآنسه بالقرءان واجمعنا به وبأموات المسلمين

فرحنا ؟ طيب يلا نبدأ

2011-02-12T10:59:00.003+02:00

الحمد لله انتهت الثورة بتنحى الرئيس مبارك وسقوط نظام ديكتاتورى استمر لمدة 30 سنة بيتغذى بالكذب والتزوير ودماء الشعب المقهور .. مليون تحية وتقدير لأرواح الشهداء الورد اللى فتح فى الجناين وفجر الثورة .. مليون تحية وتقدير للقوات المسلحة اللى وقفت مع الشعب وحمت الثورة زى ما الشعب وقف معاها وحمى انقلاب سنة 1952 .. فرحنا الحمد لله بس دلوقتى بدأت مرحلة اعادة البناء والصورة اللى فوق الكلام ده ابسط دليل

حمد الله على سلامة مصر

2011-02-11T20:02:00.002+02:00

النهاردة بعد تنحى مبارك عن رئاسة مصر وتولى القوات المسلحة لزمام الأمور وأصبحت مصر تعيش ثورة اللوتس البيضاء بكل معانى الثورة .. انتهاء فترة كئيبة سوداء من حكم ديكتاتورى متعفن .. نستطيع أن نقول بكل ثقة : حمد الله على سلامة مصرمن حقنا نفرح .. من حقنا نرتاح شوية .. من حق أهالى الشهداء انهم يرتاحوا ولو قليل .. بس مننساش اننا مطلوب مننا من اول النهاردة مش من بكرة .. مطلوب مننا اننا نصلح اللى اتكسر ..

بحب مصر البلد والناس

2011-02-10T10:26:00.002+02:00

بحب مصر .. مصر البلد والارض والناس الطيبة .. الناس اللى وقفت فى الشوارع بالليل تحمى بيوتها واموالها واعراضها .. الناس اللى كان فيهم محمد ومينا وعم احمد والمقدس بطرس واقفين كلهم زنهار مستنيين اى حد يفكر ييجى ناحية شارعنا بس .. بحب الناس الحرة اللى بايتين ليل ونهار فى التحرير .. بحبهم اوى لانهم السبب الوحيد اللى يخلينا نقول بفخر .. انا مصرى .. الناس اللى رجعولنا كرامتنا جوة بلدنا قبل برة بلدنا ..

بدون عنوان

2011-02-02T22:39:00.003+02:00

الثورة حققت اهدافها وتقريبا محدش خد باله من الناس اللى عمالة تصعد مطالبها ومن المعارضة اللى ركبت الثورة وعاوزة تعمل فيها ابطالاولا القضاء على فكرة التوريثثانيا انتهاء حكم مبارك الأبثالثا التخلص من رموز الفساد المتمثلة فى بعض وزراء تمت اقالتهمرابعا والأهم كسر حاجز الخوف بالرغم من وجود قانون الطوارئخامسا تعديلات دستورية مطلوبة منذ ست سنواتسادسا تعيين نائب للرئيس لأول مرة منذ عام 81اللى حصل من تخريب

حجبو الفيس بوك؟؟ ولا يهمك هتفتحه

2011-01-27T21:56:00.003+02:00

الحكومة حجبت اول امبارح موقع تويتر ومجلس الوزراء نفى ان الحكومة قامت بالحجب بالرغم من ان موقع تويتر نفسه قال ان تم حجبه من مصر ده غير البى بى سى والسى ان ان وغيرهم ... طبعا هنصدق مجلس الوزراء ونكدب تويتر نفسهالنهاردة بأة الجديد ان الفيس بوك اتحجب برضه والسبب معروف طبعا لأنه هو سبب المصايب من وجهة نظر الناس العاقلين لأنه كان السبب فى التظاهر والتجمعات الخارجة عن القانون فى أيام الغضب المستمرة من

حصيلة يوم الغضب

2011-01-26T10:23:00.002+02:00

انا فخور وحزينفخور باخواتنا اللى نزلو الشارع .. فخور بالآلاف اللى قالو كفاية .. قالو لأ .. قالو بطلنا نخاف وزهقنا من الصوت الواطىحزين علشان مقدرتش اشارك فعليا لكن نظريا قدرت انقل اخبار عرفتها من مواقع النت المختلفة سواء عربية أو اجنبيةوهلخص اهم احداث يوم الغضب- آلاف المصريين رجال ونساء وشباب وبنات تجمعو لأول مرة فى حدث هام بخلاف مباراة كرة قدم فى ستاد القاهرة- آلاف المصريين كرهو الصوت الواطى

حافظ مش فاهم

2011-01-19T09:44:00.002+02:00

فى أقل من 48 ساعة قام ثلاثة مواطنون بمحاولة لاحراق أنفسهم أمام مجلس الشعب المصرى فى وسط المدينة وهم على التوالى .. المواطن الأول صاحب مطعم بمنطقة القنطرة بمحافظة الاسماعيلية وكان الدافع لمحاولة احراق نفسه هو عدم حصوله على الحصة المقررة من الخبز المدعم اللازم لتشغيل المطعم الذى يملكه وحينما كل ومل من كثرة الشكاوى والتذلل أمام عتبات السادة المسؤولين حاول احراق نفسه أمام مجلس الشعب لعل وعسى أن يتحرك

تونس كما لم نعرفها من قبل

2011-01-15T10:48:00.002+02:00

توالت الأحداث فى تونس سريعا خلال الشهر الحالى من مجرد احتجاج مواطن بسيط على أوضاعه المعيشية الصعبة باشعال النار فى نفسه أمام مقر الحكومة بمحافظته التى يعيش بها حتى وصلت الأحداث الى تنحى الرئيس عن الحكم ومغادرة البلاد شبه مطرود وغير مرغوب به من أصدقاء الأمس سواء فرنسا أو بلدان عربية أخرى رفضت استقباله ناقوس الخطر يدق ويشكل صداعا رهيبا فى رؤوس الأنظمة العربية المشابهة لنظام تونس المنهار والحدث جليل

الوقفة الصامتة بالملابس السوداء حدادا على ضحايا الإرهاب

2011-01-05T09:24:00.003+02:00

الوقفة الصامتة ... الصامتة علشان محدش يقول مظاهرات وشغب وبتاع ... الوقفة بالملابس السوداء حدادا على ضحايا الحادث الارهابى الذى حدث فى الدقائق الأولى من العام الجديد أمام كنيسة القديسين بالاسكندرية وتضامنا مع أهالى الضحايا والمصابين شهداء الوطن المظلوم مواطنيه مسلمين ومسيحيين على حد سواءلمزيد من المعلومات اضغط هنا من فضلك

اقتلونا يرحمكم الله

2011-01-03T09:12:00.004+02:00

حادث الاسكندرية الأخير اضافة جديدة لسلسة اخفاقات الوطن الداخلية قبل الخارجية .. اخفاق رهيب وكبير من جانب النظام الحاكم لأنه ببساطة شديدة لم يعد قادرا على حماية أرواح أبناء الوطن .. حماية أرواح الشعب .. الحادث الأخير ليس بدافع دينى وانما بدافع سياسى خبيث النية وكلنا يعلم ذلك مسحيين قبل مسلمين والدليل الانفجار حدث فى الشارع ونتج عنه قتلى مسلمون ومسيحيون يعنى حادث ارهابى ... المطلوب زيادة الاحتقان

متعودة دايماااااا

2010-12-14T10:42:00.008+02:00

مش عارف ليه لما بتابع الأخبار والحوادث المهمة اللى بتحصل فى البلد اليومين دول بلاقى نفسى بكرر جملة الفنان عادل امام فى المسرحية الشهيرة ( شاهد مشافش حاجة ) لما كان بيقول عن جارته الرقاصة اللى اتقتلت ... متعودة دايماااااااامثلا لما حصلت حادثة هجوم اسماك القروش على السياح فى شرم الشيخ وملقتش تعليق حكومى رسمى بأن اسماك القرش هاجمت السياح علشان مختلة عقليا أو بسبب ماس كهربائى فى البحر فقلت .. متعودة

البلياتشو

2010-12-07T09:17:00.003+02:00

البلياتشو هو الشخص الذى يرتدى سترات مزركشة مبعثرة الألوان المبهجة ذات درجات الاضاءة المرتفعة أو كما يقال بالعامية ( الوان فاقعة) بهدف جذب الانتباه اليه ... ليس ذلك فحسب ولكن يقوم بتلوين وجهه بألوان لافتة للنظر جدا تخفى المعالم الحقيقية للوجه بهدف جذب الانتباه واثارة الضحكات أيضاالبلياتشو انسان كل مهمته فى الحياة تنحصر فى ايصال الضحكات الينا بطرق مختلفة سواء بالحركات الكوميدية أو الحديث المخرف

أب للمرة الأولى

2010-11-28T10:11:00.003+02:00

احساس غريب وقشعريرة تسرى فى جسدك وانت تحمل طفلك الأول للمرة الأولىاحساس جميل عبارة عن مزيج من الدهشة والفرحة والحنين وانت تلمس جلد طفلك الناعم الجميل للمرة الأولىاحساس لا يوصف بالقلق والترقب لأى عارض يطرأ على طفلك وأنت لم تزل جاهلا بمعاملة الأطفال الرضعاحساس جميل ملئ بالعرفان والمودة لوالدك ووالدتك لأنهم تحملوك كثيرا وعانى كلا منهما فى سبيل راحتك ووصولك الى الدنيا بسلاماحساس حقيقى بالخوف على

بلاها نادية وخد سوسو

2010-11-21T13:35:00.002+02:00

الحزب الوطنى - باعتباره مسئولا عن النظام الحاكم فهو الحزب الحاكم ومدير شئون البلاد والعباد - قرر فجأة أن يستعين بالداعية الأسلامي الشهير الأستاذ عمرو خالد كدعاية انتخابية لمرشح الحزب الوطنى عن دائرة الرمل اللواء عبد السلام المحجوب محافظ الاسكندرية الأسبق - وان كان الرجل لا يحتاج الى دعاية فانجازاته مازال السكندريون يتحدثون عنها حتى الآن - وبالرغم من النفى القاطع من الجميع سواء الحزب أو اللواء

عيد سعيد ان شاء الله

2010-11-15T18:09:00.003+02:00

كل عام وانتم بخير وعيد اضحى سعيد علينا وعليكم ياربهدنة بأة لحد يوم الجمعة اللى جاية ان شاء اللهالكل بأة يحاول يسترخى ويستجم ويعمل هدنة ولو مؤقتةسلام مؤقت

علامات استفهام

2010-11-07T09:10:00.002+02:00

تستيقظ من نومك مبكرا كالعادة فلا يدهشك أصوات الصغار المتوجهين الى مدارسهم ولكن تظهر علامات التعجب فوق رأسك تماما حول امكانية حصول هؤلاء الصغار على وطن يحترم أبنائه ، تصلى فرضك وتفطر وترتدى ملابسك تأهبا للخروج من البيت متجها الى عملك فلا يدهشك كم الزحام الرهيب على محطات الأتوبيس وسيارات النقل الجماعى أو حتى الخاص ولكن علامات الاستفهام تظهر مباشرة أمامك اذ كيف يمكن لذلك الشعب أن يصمت عن حقه الأصيل

موال البـيات و النـوم

2010-10-30T19:44:00.003+02:00

موال البيت والنوم رواية عظيمة لكاتب عظيم وهو الأستاذ خيرى شلبى الحائز على جائزة الدولة التقديرية فى الآداب بسبب هذه الرواية الضخمةالأستاذ خيرى شلبى انا بعتبره كاتب من طراز خاص متخصص فى سرد حكايا المهمشين اللى بنقابلهم كتير جدااا فى حياتنا كل يوم مرة على الأقل لكن بعبقريته بيقدر يحكى لنا رواية ضخمة عن واحد من المهمشين دول نكتشف انهم لهم عوالم موازية تماما لعالمنا يمكن عوالم اضخم واعمق من عوالمنا

بـسـرعـة

2010-10-21T14:21:00.002+02:00

البوست النهاردة هتكون حدث وتعليق على الحدث وبسرعةاول حاجة : البلطجة والاحداث المؤسفة اللى بتحصل فى المجمعات الانتخابية للحزب الوطنى واللى الهدف الرئيسى منها انتخابات داخلية لاختيار مرشحين الحزب الوطنى عن كل دائرة انتخابيةالتعليق : اذا كانت انتخابات الحزب الحاكم الداخلية لاختيار المرشحين اللى طبعا هيكسبوا فى انتخابات مجلس الشعب بالمنظر ده يبقى الاعضاء عاملين ازاى وحال الحزب ايه وبالتالى اظن اننا

الدال على الخير كفاعله : هام وعاجل

2010-10-16T09:33:00.003+02:00

بسم الله الرحمن الرحيمالتدوينة دى يا جماعة منقولة من مدونة ( كوكب آبى ) والدال على الخير كفاعلهاحيانا ينتاب المرء منا حالة من العجز عن التفكير او الشعور بالتقصير تجاه الاخرينواحيانا اخرى تتقاذفنا امواج الحياة وتجذبنا بعيدا عن شاطىء الحياة ولكن عندما يريد الله لنا خيرا يرسل من ياخذ بايدينا او من يدلنا الى فعل الخير اومساعدة شخص ما وتلك نعمة من الله نحمده ونقدسه عليها فالشكر للاخ الكريم صاحب مدونة

دخلنا عصر التعبيرية

2010-10-13T09:58:00.005+02:00

طبعا موضوع فبركة الأهرام لصورة قادة مفاوضات السلام بواشنطن الفترة اللى فاتت كانت حديث وكالات الأنباء العالمية وكانت فضيحة بجلاجل كمان خصوصا ان السيد المحترم أسامة سرايا فسر الفبركة بأنها " تعبيرية " والحقيقة انا بقوله بلاش مداراة يا استاذ سرايا كلنا عارفين انها متفبركة ومعمولة بالأمارة ببنرنامج مشهور جداااا اسمه " الفوتوشوب " واللى عمل الفبركة للأسف مش ذكى وكشف نفسه بنفسه بعد ما غير فى اهم معالم

ايه فى أمل

2010-10-10T20:14:00.002+02:00

ايه فى امل البوم السيدة فيروز ... الحقيقة مش هقدر اقول مقدمة لأن المطربة هى فيروز .. صوت السماء بالنسبة لى .. صوت هدوء النهر وقوة البحر وصفاء الذهن فى كوكتيل عجيب غريب لما بسمع صوتها بحس انى انا .. فعلا دى حقيقة برجع لنفسى اوى لما بسمعها كأنى سامع نفسى من جوة نفسىايه فى امل كان رسالة واضحة اوى للى بيفهم وللى بيحب فيروز .. ناس تفسر العنوان بأنه تحدى من فيروز وعشاقها للناس اللى حاولت تكتم صوتها

سيدى القاضى

2010-10-01T13:19:00.003+02:00

بسم الله الرحمن الرحيمسيدى القاضى .. تحية طيبة وبعدابدأ حديثى وخطابى معك بآية من القرءان الكريم تلك الآية تعرفها أنت جيدا فأنت تراها يوميا معلقة فوق رأسك تماما فى قاعة المحكمة وفوق منصة القضاة ... قال تعالى (( واذا حكمتم بين الناس أن تحكموا بالعدل )) صدق الله العظيم . سيدى القاضى لماذا لم تطبق هذه الآيه فى أحكامك الأخيرة ؟ أرى نظرات الدهشة والاستنكار معا فى وجهك ولكن صدقنى انا مواطن عادى فى هذه

صباح الخير

2010-09-27T20:38:00.002+03:00

الحقيقة انا مش عارف ابدأ منين الكلام عن الحالة ( المزرية ) اللى وصلنا فيها بعقولنا وافكارنا بسبب ( قرفى الشديد ) من اللى بيحصلالناس مغيبة بفعل فاعل والفاعل معروف للجميع ولما الناس تعرفه بتمصمص شفايفها وتقول : هنعمل ايه ؟؟ ربنا ينتقم من الظالم والمفروض ان الظالم هو الفاعل اللى قلنا عليه لكن المفاجأة ان الظالم هما الناس اللى بتمصمص شفايفهاالأسبوع اللى فات كان معركة حامية الوطيس بين الأنبا بيشوى

واجب عزاء

2010-09-17T15:28:00.003+03:00

انا لله وانا اليه راجعونتوفيت الى رحمة الله تعالى والدة الأستاذة : سحر غريب الكاتبة وصاحبة مدونة حماتى ملاك والعزاء غدا ان شاء الله السبت الموافق 18 سبتمبر بمسجد آل رشدان بمدينة نصر أمام بوابة مقصورة ستاد القاهرةالخبر منقول من مدونة صيدلانية طالعة نازلة

يـوم مـشـمـس

2010-09-16T11:50:00.003+03:00

اهدى وزوجتى تلك الورود الى زهرتنا الهادئة التى استمتعنا بمجالستها للمرة الأولى ... شمس النهار ... او شمس المدونات كما احب ان اطلق عليها لأنها شمس بحق فعندما تجلس اليها تشعر بالدفأ الأسرى المصرى الجميل .. كرم الضيافة الممزوج بالاحتفال الجميل بالضيف .. هدوء الصوت الموحى بالطمأنينة اليك .. وصفات اخرى عديدة لا يتسع المجال لذكرها فهى تحتاج الى صفحات عدة يكفى أن اقول ان الوقت مر مرور الرياح فى الصيف لا

هى فوضى

2010-09-14T09:55:00.002+03:00

ايوة هى فوضى بمعنى الكلمة حالة البلد فوضى بمعنى الكلمة المرور - تصريحات المسؤلين - الحوادث العجيبة اللى مبتحصلش غير فى مصر ولازم أيام العيد - راجع حادثة انقلاب الصندل المحمل بالسولار فى مياه نيل أسوان - والحقيقة مش عارف منين المسؤلين بيجيلهم وش يكدبو علينا وهما عارفين اننا عارفين انهم كدابين تانى ايام العيد كان عندى فرح فى مصر الجديدة والحقيقة اقدر اقول بالفم المليان لأى كداب زفة فى المرور :::

كل عام وأنتم بخير

2010-09-08T19:07:00.004+02:00

كل عام وكل مصرنا وعالمنا العربى والاسلامى بخيرتقبل الله منا ومنكم الصيام والقيام وقراة القرءان وجعل الله عيدنا سرورا وكفانا شر السفه والسفهاء من اقوامنا

اللهم انى صائم - الجزء الثانى

2010-08-24T22:54:00.004+02:00

مفيش فايدة ... عاوزين يفطرو الشعب اللى اساسا جزء كبير منه فاطر ولله الحمد اخر حاجتين حصلوا ويندرجو تحت باب .. اللهم انى صائم كالتالىاول حاجة : فضيلة المستشار المحافظ ... ايوة فضيلة المحافظ مش فضيلة المفتى ... قال فى ملتقى الفكر الاسلامى اللى بيتعمل كل رمضان .. قال بالحرف الواحد : انقطاع المياه والكهرباء يزيد من ثواب صيام المواطنين !!!!! محدش يستغرب لان اللى خللى محافظ يبقى موجود فى ملتقى الفكر

اللهم انى صائم - الجزء الأول

2010-08-16T10:50:00.004+02:00

مش عارف ليه كل يوم فى نهار رمضان تخبطنى حاجة ف دماغى تخلينى اقول بالفم المليان وانا ماسك أعصابى ... اللهم انى صائممثلا مثلا ادى عينة من اللى الحاجات اللى بتكلم عليهاعدد مسلسلات رمضان ( التافهة اللى مليانة مخدرات وخمور ورقص ومسخرة ) وصل لعدد 60 مسلسل تكلفة انتاج المسلسلات المصرية ( فقط ) وصل لمبلغ 750 مليون جنيه مصرى جنيه ينطح جنيه رئيس الوزرا بيقول ان انتاج القمح ممكن التوسع فيه رأسيا ومش أفقيا

رمـضـان كـريـم

2010-08-10T10:05:00.002+03:00

كل عام وأنتم جميعا بخير وصحة وسعادة بمناسبة حلول شهر رمضان المعظم اعاده الله علينا بالأمن واليمن والبركات والطمأنينة فينا وفى أهلنا وأوطاننااللهم تقبل منا الصيام والقرءان والقيام وسائر الأعمال وارزقنا عملا صالحا يقربنا الى وجهك الكريم ويقربنا الى عرشك العظيم ليظلنا بظلك الحليم يوم لا ظل الا ظلك يا غفور يا رحيم

ثقافة القطيع

2010-08-06T12:10:00.003+03:00

الأسبوع الماضى انطلقت حملة شعواء من قناة الرحمة الفضائية الاسلامية ضد كاتب مغمور يدعى ( أنيس الدغيدى ) والحملة هاجمته بضراوة وشراسة غير معهودة بسبب واحد فقط ... عنوان روايته الجديدة !!! العنوان يحمل جملة ( محاكمة النبى محمد صلى الله عليه وسلم ) .. العنوان لأول وهلة هو استفزاز صريح لمشاعر المسلمين الغيورين على النبى محمد صلى الله عليه وسلم وعلى آل البيت بصفة عامة ولكن حينما قام الشيوخ الأشاوس

فيلم السيد لا أحد

2010-07-31T09:24:00.003+03:00

شاهدت من أيام قليلة فيلم (Mr.Nobody)الفيلم عبارة عن خيال طفل ولد فيه مدينة بأكملها بأشخاص طبيعيين جدا ولكن الأحداث متداخلة بشكل مذهل يجعلك كل دقيقة تدرك ان هناك شيئا غامضا لا تفهمه وعندما تهم بترك الفيلم لأنك لا تفهم المعنى تفاجأ بمشهد يشرح لك كل ما غاب عن ذهنك فجأة وكأن المخرج يطل عليك من الفيلم ويقول لك .. انتظر ما غاب عن ذهنك تفسيره كذا وكذاالفيلم عبقرى الفكرة .. المونتاج .. التصوير .. الإخراج

كبار بدأنا .. كبار لم نستمر

2010-07-27T09:36:00.003+03:00

يحتفل التلفزيون المصرى هذه الأيام بمرور 50 عام على بدء البث لأول مرة عام 1960 ومن مظاهر الاحتفال الفقير اطلاق قناة تلفزيونية اسمها ( التلفزيون العربى ) ومهمتها هى اعادة بث اجزاء من التراث التلفزيونى المصرى منذ بداية البث عام 1960 باذاعة برامج ومسلسلات وخلافهالى هنا والموضوع عادى جدا ليس به اى اخطاء بل على العكس فكرة اطلاق تلك القناة كانت جيدة الى حد ما ولكنها للأسف الشديد كما يقول الكاتب سليم

قـريـة ظـالمـة

2010-07-20T20:59:00.003+03:00

قرأت مؤخرا رواية عظيمة لأديب عظيم وكبير لا أظن أن كثيرا من قراء الروايات وفن الأدب يعلمون عنه شيئا خصوصا فى دولة لا تمجد الا الأرجل التى ترقص على النغمات أو تراقص الكرات فى الملاعب . الرواية اسمها هكذا ( قـريـة ظـالمـة ) لمؤلفها الطبيب والأديب والمفكر الراحل الدكتور محمد كامل حسينالدكتور محمد كامل حسين كما نشر فى صدر الرواية الصادرة عن الهيئة المصرية العامة للكتاب فى طبعتها الثانية الصادرة عام

كتب وموسيقى وبعض الاكتئاب والحنق

2010-07-18T10:21:00.002+03:00

فى فترة الهدنة التى قررت مسبقا القيام بها لم أشغل نفسى كثيرا بما يحدث خارج حدود جسدى بخلاف العمل طبعا ومتطلباته التى لا تنتهى متحملا سخافات لا حصر لها من العملاء ومن غيرهم بالاضافة الى الزحام المرورى الرهيب الذى تعانى منه القاهرة منذ بداية فصل الصيف والأجازات مما خلق لدى شعورا ببعض الأكتئاب المغلف والمحلى ببعض الحنق على الأوضاع المزرية للشارع المصرى من حيث المرور وتعامل الناس مع بعضهم البعض فى

عدنا بفضل الله

2010-07-14T10:21:00.002+03:00

عدت بفضل الله الى عالم التدوين مرة أخرىكل الشكر والتقدير لمن سأل عنى فى غيابى ومن لم يسألسأكتب قريبا جدا عن الهدنة وآثارهاتحياتى

هـــدنــة

2010-06-28T10:56:00.004+03:00

أعتقد اننا جميعا بحاجة ماسة الى هدنة - ولو قصيرة - نستريح فيها من الأعباء اليومية التى أثقلت كواهلنا ومن قبلها عقولناولذلك فقد قررت أن آخذ هدنة - عقلية - مؤقتة ابتعد فيها عن التفكير فى الحال - المزرى - الذى وصلنا اليه على جميع المستويات فلن أتابع نشرات ومواقع الأخبار ولن أشاهد الا ماهو بعيد تماما عن السياسة وأوجاع الوطن والناس ولن أقرأ الا ما قد يريح خيالى المتعب من كل ما يرهقههدنة مؤقتة وعندما

الفوضى العارمة والفضيحة المنتظرة

2010-06-20T10:27:00.002+03:00

طبعا الأيام دى الفوضى كتيرة اوى اوى من اول موضوع التشويش على بث قنوات الجزيرة لكأس العالم واتهامها للنايل سات بتعمد التشويش وفجأة تعاون الاتنين علشان يكشفو اللى ورا التشويش لحد طبعا موضوع شهيد الوطن شهيد الاسكندرية الشاب المصرى ( الصالح ) خالد محمد سعيد والاحتجاجات الكبيرة اللى موجودة فى القاهرة و الاسكندرية وقرار النائب العام باعادة تشريح الجثة واعادة فتح التحقيقات واللى انكشفت فيها (عورة) وزارة

كان زمااااان

2010-06-14T15:02:00.001+03:00

كان فى زماااان حاجة اسمها مواطن شريف آمنكان فى زمان حاجة اسمها نخوة وشهامةكان فى زمااان افراد أمن مفيش ف ايديهم قانون غابةكان فى زمااااان ... وطن

آخر اشاعة

2010-06-05T09:28:00.002+03:00

الاشاعة دى لسه سامعها طازة امبارح بليل ان السيد علاء مبارك هيدعم ترشيح اخوه جمال مبارك فى الانتخابات الرئاسية القادمة بشراء الأصوات الانتخابية مقابل مبلغ وقدره ( عشرة آلاف جنيه مصرى فقط لا غير ) يستلمهم المواطن الذى يقوم بالترشيح على أن يقوم بسداد المبلغ على هيئة أقساط شهرية قيمة كل قسط ( خمسين جنيه فقط) وطبعا بهذه الطريقة لا يكون شراء للأصوات وانما هو قرض حسن ودى اكيد هتبقى الفتوى القادمة للشيخ

كلنا متواطئون .. كلنا مجرمون

2010-06-02T22:26:00.002+03:00

بعد اللى حصل مع اسطول الحرية اعتقد ان الصورة بانت اوىاسرائيل : الغباء واضح جدااا بس المرة دى مغلف بالبجاحةمصر : موقف شبه بطولى محبك السيناريو مسبقا بفتح معبر رفح لاجل غير مسمىامريكا : مفيش جديد ... اوباما زى ما قلت انه مجرد اداة وزى اللى سبقوهتركيا : اعتقد انها فرصتها علشان تبقى قائد الشرق الاوسط الجديدايران : تخصيصها لميزانية ضخمة لمساعدة فلسطين فرصة برضه لاثبات قوتها وثقلها السياسى فى

حنين

2010-05-28T14:12:00.003+03:00

ساقتنى قدماى نحو بيت جدتى القديم ... حيث الشارع الوافراﻷشجار الكثيفة على الجانبين ... هنا المسجد القديم الذى اعتدنا - انا واوﻻد اخوالى وخاﻻتى - أن نصلى فيه والذى كان رائعا بالنسبة ﻷطفال فى عمرنا حيث يقوم الأمام بتوزيع الحلوى على الاطفال الذى ﻻ يثيرون اية جلبة أو - شقاوة - أثناء الصلاة ... بعد المسجد بخطوات كان قديما يوجد هنا مطعم فول وفلافل الشهير بمطعم - زغلول - صاحبه والذى اعتدنا رؤيته يعمل

محاولة للصفاء الذهنى

2010-05-20T15:19:00.002+03:00

الكل بيدور على الراحة النفسية مش البدنية ولكن هيهااااات محدش بيوصل للحالة دى الا نادراقررت انى اقضى اجازتى الاسبوعية من الشغل والبهدلة طول الاسبوع فى حاجتينالقراءة و الموسيقى فقط وفقط لا غيراقرأ الان رواية ( نسف الادمغة ) للكاتب الكبير (( خيرى شلبى )) وهو كاتب مهم من الكتاب المصريين المخضرمين ولمعلومات اكتر زوروا الصفحة دى الموسيقى بأة انا الحقيقة عندى كمية هائلة من الملفات الموسيقية المختلفة لكن

شعب سهل التعلم

2010-05-13T10:37:00.002+03:00

احنا شعب سهل انه يلقط ويتعلم اى حاجة من اى حد على فكرة والدليل على كلامى اننا زى حكومتنا بالظبط اللى هو بتقولنا حاجة واحنا بنصدقها وبتطلع غلط ومبنتعلمش انه غلط بس بنتعلم اننا نصدقها تانى وتالت ومليون كمان ... زى النهاردة كدة وانا رايح الشغل الصبح واحد محترم الهيئة فى العقد الرابع من عمره تقريبا بيسألنى على شارع احمد توفيق مع العلم ان المنطقة اللى انا فيها مفيش شارع بالاسم ده .. المهم قبل ما يكمل

عـن الحـــرّ

2010-05-10T15:47:00.002+03:00

امبارح كانت درجة الحرارة ( فى الضل ) حوالى 42 درجة مئوية والناس مكنتش طايقة نفسها وانا من ضمنهم طبعا ... ركبت المترو وانا رايح مشوار بعد الشغل وكانت الفاجعة ان المترو مفيهوش مراوح حتى الشفاطات اللى كانت زمان تكييف برضه مش شغالة وانت بأة وشطارتك لحقت حاجة تهوى بيها لحقت ملحقتش استحمل بأة وربنا معاكالحر بتاع امبارح فكرنى بحديث للنبى صلى الله عليه وسلم لما كان بيقول لأصحابه رضوان الله عليهم اجمعين .

اعمل عبيط تعيش مرتااااح

2010-05-07T16:39:00.003+03:00

هو ده العنوان الصحيح والعلاج الوحيد لمنع الطرشقة والفقع للمرارة مش بتاعة الريس مهو اتشالت .. مرارتنا احنا خصوصا بعد العناوين البراقة المنتشية الجهنمية اللى زينت الصفحات الاولى من جرايد الخميس وطبعا الجرايد المهلبية .. قصدى الحكومية اللى قالت وغنت واتغزلت فى عصر الديموقراطية اللى بنعيشه ووسعت منها اوى لما قالت انه العصر الوحيد اللى المواطن بيقول رأيه بمنتهى الحرية من غير اى قيود او تضييق عليه ...

كل سنة واحنا طيبين مصريين لسه مش كافرين

2010-05-04T09:53:00.002+03:00

الريحة طلعت على فكرة

2010-04-08T16:30:00.004+02:00

الريحة طلعت على فكرة وبقت مش ولا بد ... مقصدش ريحة الفسيخ والرنجة علشان شم النسيم .. لالالا انا اقصد ريحة المسؤولين من داخل النظام للأسف للأسف الشديد ودى لقطات بسيطة علشان نعرف ايه حكاية الريحة دىاول شمة : التكتيم والتعتيم على موضوع علاج السيد الدكتور وزير الصحة على نفقة الدولة وهو غير المحتاج ولله الحمد واللهم لا حسد وفيه كلام انه اتعالج هو وزوجته بحوالى 5 مليون جنيه فى امريكا مع انه دايما بيقول

عن الأفراح الشوارعية نتكلم الآن

2010-04-02T16:07:00.002+02:00

لفت نظرة مؤخرا انتشار ظاهرة ( الدى جى ) وهى عبارة عن اشخاص يقومون باحياء اى احتفال يقام فى الشارع سواء كان زفاف او حتى سبوع مولود او اى شئ من هذا القبيل عن طريق توصيل عدة سماعات ضخمة ببعضها البعض وينطلق منها اغانى متعددة المذاهب والأذواق ولكن السمة الغالبة هى الطابع الشعبى ( المتدنى ) ويكفى اننا الآن نعيش أيام الأغنية ليست الشبابية ولا حتى الشعبية .. بل الأغنية الهيروينية او الحشيشية او المتعلقة

ااااه يا بلد

2010-03-26T14:34:00.002+02:00

قلب الوطن مجروح لا يحتمل اكتر الجملة دى فى اغنية قديمة لمحمد منير افتكرتها لما قريت خبرين النهاردة الصبح عن البلد الخبرين فيهم مرارة وسخرية الحقيقة مش متعود عليها سواء من نص الخبرين او من نصوص التعليقات على الخبرينالخبر الأول : احتمالية حصول حفيدة الرئيس مبارك على الجنسية البريطانية خصوصا بعد ولادتها فى بريطانيا وكذلك والدها السيد جمال مبارك يحمل اقامة دائمة فى انجلترا ... الدنيا مقامتش زى ما

موسم نفض التراب

2010-03-22T09:39:00.003+02:00

هذه الأيام وبعد أن اطمأن الشعب على صحة السيد الرئيس ومع اعلان الحزب الحاكم عن عقده النية لاقامة استقبال شعبى جماهيرى ضخم بمطار القاهرة لاستقبال السيد الرئيس عائدا من ألمانيا بعد الرحلة العلاجية القصيرة ومع اصرار السيد الرئيس على عدم اقامة اية احتفالات ... مع انضمام عضو جديد لشلة المطيباتية ليحل مكان مطيباتى راحل .. مع حركات عصبية للتخلص من النواب الغير مرغوب بهم من الأساس .. مع المشروعات المفاجئة

جه يكحلها ... ؟؟؟؟

2010-03-17T09:53:00.002+02:00

اخيرا اذاع التلفزيون المصرى الرسمى لقطات ظهر فيها الرئيس مبارك بنفسه جالسا مع الفريق الطبى المعالج له بالمستشفى الألمانى ... بعثة من التلفزيون سافرت خصيصا لألمانيا للتصوير وبث اللقطات ... للأسف بعدما شاهد المواطنون الفيديو او اللقطات قوى لديهم شعورا كان ضعيفا مفاده ان هناك شيئا غامضا يحدث وهو ليس على ما يرام ولا احد يقول الحقيقة بالضبط فالبداية كانت عملية جراحية لأستئصال الحوصلة المرارية ثم بعد

العته المغولى المتشعب

2010-03-15T10:04:00.002+02:00

افضل وصف لما يحدث الآن فى الساحة المصرية باختلاف مستوياتها .. العته المغولى المتشعبفوضى التصريحات المتضاربة تعم الجميع .. انباء مرض السيد الرئيس وتكهنات بتدهور الحالة الصحية له مع نفى الفريق الطبى ( الألمانى ) لتلك التكهنات وتأكيد ( مصرى ) ان سيادته سيقوم قريبا جدا باجراء مكالمة هاتفية على الهواء مع التلفزيون المصرى لطمأنة الشعب ونقض جميع التكهنات المصاحبة للرحلة العلاجية الحاليةالغاء الأحتفال

مرارة واحدة لا تكفى

2010-03-06T14:39:00.002+02:00

اذاع التلفزيون المصرى والمحطات الفضائية العالمية نبأ سفر الرئيس مبارك الى المانيا لاجراء جراحة استئصال المرارة ، الف سلامة عليك يا ريس شفاك والله وعافاكسؤال : اذا كانت مرارة الرئيس لم تحتمل فهلا تحتمل 80 مليون مرارة ؟؟؟فعلا .. مرارة واحدة لا تكفى

اليوم المصرى للبراءة

2010-03-04T14:32:00.003+02:00

النهاردة اليوم الرسمى للبراءة من اى قضية مدنية او جنائية او اى حاجةالحدث الاول : الشو الاعلامى الكبير المسمى بقضية هشام طلعت مصطفى المتهم بالتحريض على قتل الفنانة المغمورة سوزان تميم والحديث المتواصل عن زواج السلطة بالمال ... النهاردة الصبح كانت جلسة النطق بالحكم بقبول الطعن المقدم من هيئة الدفاع ضد حكم محكمة الجنايات باعدام هشام ومحسن السكرى واعادة المحاكمة مرة اخرة امام دائرة قضائية اخرى ...

البرادعى والآذان فى مالطة

2010-02-28T10:01:00.002+02:00

وصل الدكتور محمد البرادعى الى مصر منذ أيام قليلة وكان فى استقباله آلاف من الشعب المصرى باختلاف طوائفه .. مثقفين .. فنانين .. عائلات ليبرالية وأخرى عادية وقوبل بلافتات تدعو الى اختياره ليكون الرئيس المصرى القادمبعيدا عن الشو الأعلامى الدائر هذه الأيام حول ترشيح الدكتور البرادعى للرئاسة ودعوته الى الجمعية الوطنية للتغيير وقلق الحكومة الحالية مما يحدث على الساحة السياسية فى مصر بعد ان لمست بنفسها

حفل دينى فى مكان اسطورى

2010-02-25T15:12:00.004+02:00

بالأمس تحررت من الروتين المعتاد عند الرغبة فى الخروج من المنزل وذهبت مع زوجتى العزيزة اينو الى حفل انشاد دينى اقيم احتفالا بالمولد النبوى الشريف فى ساحة قصر الأمير طاز بالقاهرةالقصر مسمى باسم صاحبه وهو الأمير طاز احد الأمراء المشهورين فى العصر المملوكى وهو قصر مهيب شامخ شموخ الزمان يحمل فى جنباته نسمات من التاريخ المصرى الأصيلالحفل كان للفرقة المولوية بقيادة الفنان الجميل : عامر التونى الذى ذاب

علموهم بدلا من أن تراقبوهم

2010-02-09T13:18:00.002+02:00

الأيام القليلة الماضية شهدت جدالا واسعا حول اعتزام وزارة الأوقاف زرع كاميرات مراقبة فى المساجد التابعة للوزارة بنية العمليات التنظيمية والحفاظ على الأمن داخل المساجد خصوصا بعد استفحال ظاهرة سرقة الأحذية والأمتعة من المساجد. المعارضون يقولون انها تعليمات أمنية والمؤيدون يقولون انها عمليات تنظيمية لأن المساجد اصبحت وكرا للصوص على حد تعبير احد السادة الغير محترمين داخل قيادات الوزارةوزارة الأوقاف

عدنا بالخبر السعيد

2010-01-30T18:26:00.002+02:00

عدنا اليكم بالخبر السعيدتم بحمد الله زفافى الى اينو رقة الأحساس ليلة امس الجمعة 29 يناير 2010 وعقبال عندكم جميعا

قريبا

2010-01-14T10:28:00.002+02:00

اعتذر لجميع الأصدقاء البلوجرز عن الأنقطاع عن الكتابة والمتابعة والتعليق الفترة الماضية وكذلك الأيام المقبلة وذلك لظروف خارجة عن ارادتى تماما وان شاء الله قريبا عودة بموضوع جديد وخبر سعيد اشكركم

خللى عندك .. صـــوت

2010-01-03T21:17:00.003+02:00

هذه الأيام العجيبة بحق ظهرت على السطح شعارات وحملات تنادى فى موتى الوطن - المواطنين يعنى - تنادى فيهم بأن ينفضوا غبار السلبية واللامبالاة عن اجسادهم وعن عقولهم قبل اجسادهم وان يتنبهوا لما هو قادم حتى يستطيعوا ان يقرروا بأنفسهم مصيرهم ومصير أبنائهم عن طريق تقرير مصير وطنهم مصرظهرت حركات شابة وحملات سلمية تدعو الكل الى المسارعة باستخراج البطاقات الأنتخابية من أقسام الشرطة التابع لها محل السكن وذلك

الحكومة المصرية .. أم الشعب

2009-12-28T21:38:00.003+02:00

تحديث هام ::::بعد واقعة "سب الدين" والتى حدثت فى مجلس الشعب بالأمس واللفظ المسئ الصادر من السيد المحترم معالى وزير المالية بيض الله وجهه استطيع ان اقول فعلا : الحكومة المصرية .. أم الشعببعد موضوع مقتل 14 مواطن مصرى على الحدود الليبية بدعوى التسلل الى داخل الأراضى الليبية وبعد ادعاء الخارجية المصرية بأنها تتحقق من الأمر لكشف ملابسات الحادثبعد ان ازهقت ارواح الآلاف من ابناء هذه البلد التى كانت

وطن بلا معجزات

2009-12-22T20:42:00.005+02:00