النهاردة من سنتين قلتلك اللى انتى عارفاه .. كنت محضر اللى قلته ييجى من اسبوع قبلها علشان كنت خايف اتلخبط واعك فى الكلام
وتزعلى منى وانتى وقتها كنتى مهمة اوى عندى ... النهاردة من سنتين انا اتولدت من جديد بيكى انتى ... كنت زى الطفل اللى لقى امه بعد غياب .. كنت فرحان بيكى بجد وفرحان بنفسى كمان علشان كنت حاسس انى بعمل حاجة صح وصح اوى كمان
النهاردة من سنتين بدأت احلم واحقق احلامى بجد .. بدأت اعيش حياة حقيقية فيها حلم وطموح وكفاح علشان تحقيق الحلم والطموح ...انتى فضلك كبير عليا بعد ربنا سبحانه وتعالى وبعد والدى ووالدتى ... فعلا وجودك ف حياتى كان هو الدافع ليا انى اعيش واحقق كل طموحى زى ما قلتلك قبل كدة فاكرة ؟
النهاردة بقولك ... كل سنة وانتى حبيبتى ... ربنا يخليكى ليا ويحفظنا لبعض ويكملنا على خير
