سياسة الفوضى هى السياسة السائدة والصوت الأعلى فى كل الأجهزة الأدارية والهيئات فى دولتنا المهروسةسياسة الفوضى هى اللى على طوول مخليانا دولة متخلفة ومتأخرة
سياسة الفوضى هى الناتجة عن الامبالاة بأهمية الشغل اللى بنعمله
سياسة الفوضى هى اللى بتخلينى مش طايق الشغل ولا المسؤلين عن الشغل لأنهم مش عارفين هما عاوزين ايه وبالتالى انا كمان مش عارف هما عاوزين ايه وبالتالى ايضا مفيش شغل صح بيطلع
الغباء ناتج عن سياسة الفوضى أو العكس .. الغباء هو الأصرار على سياسة الفوضى اللى واضح انها سبب كل مشكلة بتظهر فى شغلنا وحياتنا العملية
وفى النهاية احب اقول ... حسبى الله ونعم الوكيل
12 comments:
احنا كا شعب ملوش حل في كل حاجه
الفوضي بالنسباله بتمثل 99.9 %
اقل من النسبه دي مبنعرفش نعيش مش ينفع نبقي ماشيين علي دراسه مخططه ومعروف نتيجها من قبلها
والكلمه السايده بعد وقوع الكارثه ( ياعم سبها علي الله )وكأني احنا مخلوقين عشان نبوظ وربنا يصلحنا غلطنا !!!
عاااااادي
تحياتي يافوكس
كان حلو موضوع القطط اللي قبل ده بس معلش بأه مش لحقته :)
يا استاذ
احنا حالتنا صعبه
لكن عشان نتصلح لازم نعترف اولا اننا ناس مش تمام - ولا نصدق من اننا الافضل
وبمناسبة الشغل
تعالى المصنع عندي وشوف العشوائية ولا الهطل اللي عايشين فيه
عندي صاحب المصنع موظف قاله "الناس كلها متضايقه منك ومن تصرفاتك" راح رادد عليه وقالوا يبقى انا كده نجحت !!!
معلش اصله فاهم الاداره غلط
يا سيدي
هي خربانه
Eno
ااااه يا اينو هو ده .. مبنعرفش نعيش من غير فوضى
ربنا يسهل الحال
موضوع القطط .. ولا يهمك ملحوقة
تحياتى وحمد الله ع السلامة :)
لورنس العرب
ومش هنعترف ولا هنتصلح!
المدير ده فاكر نفسه البيج بوس الكبير اوى مهو ناجح ومرضى عنه علشان مطلع تيييييييت اجدادنا
تحياتى وربنا يرحمنا برحمته
للأسف ماعندناش في مصر فن الاداره خالص
والا الصيانه والا النظام
عشان كده مابنتقدمش
معلش اصبر وحاول انت تعمل حاجه
حاول تأثر علي اللي حواليك
ربنا يقويك ويصبر ويكرمك
الفوضى بتادي ان كل واحد بيعمل الي على مزاجه وماحدش فاتهم حاجه وكل واحد ماشي في طريق وعمرنا ما هنتقدم خطوه بسببها
وانا زيك احب اقول حسبى الله ونعم الوكيل
مش عارفه حسه انك بتكتب البوست ده وانت متنرفز اوى بس عموما كل واحد يبدأ بنفسه ولما تصدم اللى قدامك وتواجهه على الاقل ممكن يراجع نفسه فى الغلط
احنا شعب لو فقد الفوضى و الغباء يتخض
سلام عشان باين عليا اتخضيت
شكرا لكل الناس اللى علقت والحقيقة اتأخرت فى نشر التعليقات والرد بسبب عطل فنى فى حرارة التليفون اللى بقاله 6 ايام جثة هامدة تماما ولا عزاء للمصرية للأتصالات
شكرا للكل وربنا يرحمنا من الغباء والأغبياء
فكسولوجي
ازيك؟
هرجع اقول تاني
يا جماعة المشكلة في ان البلد كدة
المشكلة اننا لازم نعيش فيها
ولازم نعيش فيها
ولازم نعرف ازاي نخليها احسن؟
ازاي؟ للعلم معرفش
بس لازم في طريقة
تحياتي ليك ولمدونتك المميزة
رنا
يومسات نائمة فى الأرياف
مهو البلد كدة اه بس لازم نتغير بأة كفاية كدة هنفضل كدة لحد امتى ؟؟
امبارح محمود سعد فى البيت بيتك قال عاوزين نتغير شكلنا بقى وحش اوى ويلا نعملها مبادرة شعبية مش حكومية يعنى بينا وبين بعض كدة نتغير فى كل حاجة فى السلوك والنظام وكل حاجة
بس مين يعمل ؟ ومين يفهم ؟؟
شكرا لمرورك الأول بالكيت كات :)
Post a Comment