لماذا دائما نعيش بوجهين ؟؟ ومن المحتمل ان نكون بأكثر من وجهين ؟
لماذا نحاول اظهار عكس ما نبطن ؟؟
لماذا نحاول ان نقنع انفسنا قبل ان نقنع غيرنا بخلاف ما هو بداخلنا ؟
لماذا نضحك فى وجه الآخرين ونحن نصب كل تفكيرنا فى كيفية الأيقاع بهم ؟
اسئلة كثيرة تصدم بها جنبات عقلى المرهق من كثرة التفكير فيما يفعله رئيسنا فى العمل والذى امامنا هو الأب الثانى لأى منا بينما هو فى الحقيقة يسخر كل جهوده لدى الأدارة العليا لكى يتم انهاء تعاقداتنا الفقيرة
حسبى الله ونعم الوكيل
20 comments:
لاننا بشر لينا مليون وش لكن فينا ناس ليهموش واحد مبيعرفوش الكدب والخداع
تحاتى ليك
لا ده اسمه نفاق بجد ومش انت لوحدك الي بتشتكي منه كتير مننا في كل المجالات بنشتكي من النفاق ربنا معاك ومع خطيبي كمان لانه بيعاني من نفس المشكله وانت فكرتني بيها
كفاية ان لما حد فينا بيعمل كدة بيتكسف من الوش اللى بيبص له من الناحية التانية من المراية
والمدير بتاعك كمان اكيد زينا
الانسان متعدد الوجود انسان منافق وقد نهانا الاسلام عن النفاق كما ان النفاق طبع شخصى
فى الاغلب اما عن مجال العمل فليس الكل بذلك السوء رغم ظروف الحياة القاسية
تحياتى
:)
:(
حسبنا الله ونعم الوكيل
للاسف العينات دي بقيت كتيرره اوي في زمانا دع يافوكس
ربنا يوقفلك ولاد الحلال ويبعد عنك اي شر
تحياتي
Eno
للأسف يا اينو العينات دى موجودة وكتيرة اوى اوى :(
ربنا يتقبل دعائك
نورتى الكيت كات :)
صوت من مصر
الناس اللى ملهومش غير وش واحد بقو نادرين الوجود جداااا
شكرا لمرورك وتعليقك :)
حاسوباتية
التعريف فعلا كلمة واحدة >> النفاق
ربنا مع خطيبك بجد احنا بنتبهدل اخر بهدلة فى اشغالنا وربنا يقوينا
شكرا لمرورك وتعليقك :)
enjy
مظنش ان حد بالمواصفات دى بيتكسف حتى بينه وبين نفسه :)
شكرا لمرورك وتعليقك :)
نهر الحب
النفاق صفة مذمومة بالتأكيد
مش كل الناس وحشين بس الكويسين قليلين جدا لدرجة انهم مش باينين
شكرا لمرورك وتعليقك :)
عقل مهوى
:)
:)
لا تتعجب انها ارادة الله
شكرا لمرورك وتعليقك :)
خاليه يجري في الشر
في النهايه ماحدش بياخد رزق حد
لايفراحدكم من رزقه حتي يدركه كمايدركه الموت
ربنا يكفيك شره انت واللي زيك
نحن لا نعيش بوجهين
ولكن نعيش بوجوه كثيره
ويكون تلون الوجه على حسب الموقف
ِشمس النهار
كله سلف ودين ومحدش بيهرب من قدره
شكرا لمرورك وتعليقك اللى فعلا اثلج صدرى
تحياتى :)
لورنس العرب
وهى دى المشكلة يا باشمهندس اننا بنغير الوش حسب الموقف
يلا ما علينا
شكرا لمرورك وتعليقك :)
بص يا سيدي
هم بيبصوا لينا على اننا كائنات اقل منهم
يعني مثلا انت لو دخلت البلكونه بتاعتكم لقيت صرصار ماشي يا اما هتزقه من السور ترميه بره البيت يا اما هتفعصه فورا
وفي الحالتين مش هيهمك مستقبله مثلا لأن هو في رأيك صرصار المفروض يتقبل النهايات المزعجه دي
برده رؤسائنا في العمل شايفين ان هم اهم منك ومني ومينفعش لما اللي فوق منهم يقولهم عايزين نمشي ناس علشان الأزمه اللي العالم كله فيها مش هيقولوا لا مينفعش هيخافوا على نفسهم قبل ما يخافوا علينا وهيعملوا كل جهدهم علشان التضحيه تكون بينا احنا مش بيهم هم
جايز ده شيء ممكن يصدمك بس هو ده واقعنا كل واحد شايف ان هو اهم حاجه في الدنيا ومستقبله وحياته هم الأهم لكن شايف ان اللي حواليه لازم يتقبلوا ظروفهم وحظهم الفقري بصدر رحب
هو هيعمل ايه يعني يموت نفسه علشانكم اهو نصيبكم كده هتعترضوا على رزقكم
وحسبي الله ونعم الوكيل
سلاااااااااااااااااااااااااااام
اخوك ايهاب
الشنكوتى الكبير
والله يا هووبا دى الحقيقة فعلا للأسف واللى طلعت من لسان المدير نفسه امبارح الصبح تخيل ؟
يلا الحمد لله
شكرا لمرورك وتعليقك :)
بحاول اقنع نفسى واقول اصلنا فى الدنيا وهى دنيا فعلا امال ربنا سبحانه وتعالى خلق النار والحساب ليه ----انا لغاية فترة قريبة جدا من حياتى ماكنتش اكلم غير البنى ادمين اللى انا بحبهم واقول لنفسى لازم الناس تكون عارفة مشاعرى الحقيقية بالنسبة لها---لكن تعبت وقلت لله اكلم كل الناس بس بنسب متفاوتة يعنى برده اللى بحبه طريقة كلامى ومعاملتى معاه تكون مختلفة اما بالنسبة لمدير سيادتك احنا عندنا زميلنا لو قال لنا صباح الخير نستنى المحقق تانى يوم يحقق معانا فى مصيبة مخنا بياخد فترة على ما نفهمها
لقد خلقنا الله احرارا
هى فعلا دنيا
موضوع المحقق ده صعب فعلا التعايش معاه
ربنا يصبرنا
شكرا لمرورك وتعليقك
Post a Comment