اخترت البحر وهو كمان اختارك



اخترت البحر يا خالى وهو كمان اختارك

طول عمرك بتحبه وهو كمان بيحبك بس المرة دى عبر لك وعبر لنا عن حبه ليك بطريقة مختلفة

اخدك فى حضنه للأبد .. فراق اخير مفيش بعده رجوع ولو طال الزمن

فاكر يا خالى اخر مرة شوفتك فيها ؟ لما جيت ليلة القدر تفطر معانا زى عادتك كل سنة لما جيت وانت ماشى سلمت عليا مرتين وحضنتنى اوى اوى كأنك بتودع انسان عزيز عليك مش ضامن انك تشوفه تانى

انا وقتها حسيت انى مش هشوفك تانى يا خالى مش عارف ليه .. بس وقتها كدبت احساسى وقلت انا بيتهيألى مش اكتر .. يمكن علشان وقتها كنت شوفتك بعد غيبة وكنا واحشين بعض اوى

مش هنسى دايما جملتك المشهورة ليا .. ياد ياللى انا خالك

مش هنسى ضحتك الطفولية الحلوة وشعرك الأبيض الرمادى الجميل اللى ورثته عن جدى الله يرحمك ويرحمه

مش هنسى البحر اللى اخدك فى حضنه وعبر ليك ولينا عن حبه ليك بطريقة مختلفة المرة دى

6 comments:

Eno said...

الله يرحمه يافوكس ويرزقكم الصبر علي الفراق ويارب يجعله في منزلة الشهداء ومن سكان الجنه

البقاء لله

Foxology said...

eno

آمين يارب العالمين

شكرا يا اينو على وقوفك جمبى :)

محمد الكومي said...

الله يرحمه يا فوكس

حقيقي حزنتني

Gilan said...

ياااه
كنت فرحانه في اول الكلام بصراحه
بس

الله يرحمه ويسكنه فسيح جناته

الاحساس قاسي اوى .مايتوصفش

تحياتى

Foxology said...

محمد الكومى

الله يرحمه
مشكور لتعزيتك يا محمد

تحياتى :)

Foxology said...

gilan

الله يرحمه

شكرا لمرورك لأول مرة ولتعازيكى

تحياتى :)