أنا واليافطة !

امبارح بالليل .. واحد غريب خبط على بابى .. فتحت لقيت شاب شكله عجيب .. آيس كاب مش قادر يلم شعره المفلفل الكبير اوى كعادة الشباب الغريب اليومين دول .. وتى شيرت أصفر عليه سبونش بوب وشورت جينز !!

هو : مساء الفل ياباشا
انا : مساء النور أى خدمة ؟؟
هو بعد طول تفكير غير منطقى : ممكن اعلق عندك يافطة فى البلكونة ؟؟
انا : يافطة ؟؟ يافطة ايه دى ؟؟
هو : انتخابات .. عمرو موسى
انا بحدة : لا آسف مبحبش الفلول!
هو مندهش : فلول ؟ عمر موسى مش فلول
أنا : لا معلش ده فلول بأة ولو مش عارف ممكن أثبتلك
هو محاولاً تخفيف حدة النقاش : يعنى أمشى؟
أنا : لا يا سيدى انت على راسى بس انا مش هستعمل اى حيطة ف شقتى حتى لو كانت سور البلكونة من برة فى إنى اعلق دعاية انتخابية لأى حد لأن محدش يستاهل
هو : طيب ياباشا شكرا سلامو عليكو

ده اللى حصل امبارح ! ينفع كدة ؟؟؟؟

شهادة من أحد أتباع أبواسماعيل .. لازم تشوفوها



ربنا يجزيه خير .. لسه فى أمل يا جماعة إن ثقافة وسياسة القطيع وسنحيا خرافا انهم ينتهوا

سؤال مهم جدا لأى حد بيأيد أبواسماعيل : مش برضه رجال الدين المفروض انهم يزهدوا فى السلطة والدنيا والجاه والسلطان ولا ايه ؟؟؟

أعتقد كدة ان أبواسماعيل يستحق بجدارة لقب : الداعية المُدعى


شمس النهار رئيسة للجمهورية


اقتراح جميل أعتقد أنه الحل الأمثل للخروج من متاهة اختيار رئيس الجمهورية .. واحدة مننا تفهمنا ونفهمها وذات شهرة وسمعة طيبة






البوستر من اجتهادى الشخصى المتواضع فنيا ومتاح لأى حد النقل والاقتباس وكمان التعديل