اعلنت عن الموضوع ده عن طريق موزعى التموين ... ايوة بقالين التموين .. والأجراءات بسيطة .. لحد دلوقتى بس .. وهى ان كل مواطن صاحب بطاقة هيصور بطاقة الرقم القومى بتاعته + تصوير اول تلات ورقات من بطاقة التموين الحالية ويسلمها للبقال اللى بيصرف منه التموين .. البقال بيقول ان البطاقة الأليكترونية الجديدة هتتسلم للمواطنين اول السنة الجديدة او بالكتير على نص السنة الجديدة برضه .. وماله
ولما يطلع كله تمام بناء على البار كود بتاع بطاقة التموين بتاعة حضرتك هوب الكومبيوتر اللى البقال قاعد عليه يفتح رفوف المواد التموينية لسيادتك علشان تمد ايدك على رف الزيت تاخد عدد الزجاجات اللى مسمحولك بيه وكذلك مع السكر والرز والشاى وخلافه
هتطلع رسائل تحذير بان حاجة غلط حصلت ناحية رفوف المواد التموينية
وبعدها يا ناصح تلاقى الكومبيوتر طفى والرف اللى انت مادد ايدك فيه بتاخد اكتر من حقك قفل على ايدك والبقال قام من مكانه وقفش فيك ربنا يعافيك ومش هقولك بأة فى المواقف اللى زى دى الشعب بيحب يخدم ازاى سواء بايده او برجله
كلمتين وبستوالت ردود الفعل الرسمية والشعبية داخل العراق على قيام مراسل قناة البغدادية منتظر الزيدي بإلقاء حذاءيه على الرئيس الأمريكي المنتهية ولايته جورج بوش.
فقد خرجت الآلاف من أنصار التيار الصدري في تظاهرات في مدينة الصدر ببغداد ومدينة النجف جنوبي العاصمة العراقية تندد بالرئيس بوش وتطالب بإطلاق سراح الصحفي العراقي.
ففي مدينة الصدر أحرق المتظاهرون العلم الأمريكي وأشادوا بتصرف الزيدي و في النجف ألقى بعض المتظاهرين بأحذيتهم في اتجاه دورية أمريكية وقال شهود عيان إن الجنود الأمريكيين لم يردوا على ذلك
الصورة من وكالة الأنباء الفرنسية وبتوضح بوش والمالكى وهما بيتضربو بالجزمة 
كل عام وانتم بخير وعيد سعيد علينا جميعا وصوم مقبول ان شاء الله ... اجازة بأة لحد الجمعة الجاية ان شاء الله اشوفكم على خير
احنا يا جماعة فى دولة الأنـــا .. ايوة دولة الأنا .. دولة الفرد الواحد .. مش مقتنعين ؟ عندى ادلة كتيرة
اول دليل .. شوفو ايه اللى بيحصل لنا فى الشوارع لما يكون موكب معدى .. اى موكب .. من اكبر موكب فى البلد لحد اصغر موكب اول امبارح كوبرى 15 مايو فضل واقف متعطل لأكتر من نص ساعة فى منطقة معدية النيل الواصلة بين العجوزة والزمالك وده بسبب ان واحد لابس بدلة ومعاه لاسلكى كان موقف الطريق لموكب لا يتعدى سيارتين سود اللون كان معدى .. شوفتو حاجة تفقع اكتر من كدة ؟؟ علشان واحد معدى يبقى مئات يقفو يستنوه .. تبقى دى دولة الأنا ولا لأ ؟
تانى دليل .. لو كنت او كنتى شغال او شغالة فى قطاع عام او حكومة ومش هقول قطاع خاص .. جه يوم قبض المرتب او اى مكافأة ولتكن منحة العيد مثلا اللى الكل بيستناها علشان يشترى اللى هو محتاجه فى دخول العيد .. لما تيجى تسأل هنقبض امتى ؟ يترد عليك بمنتهى البرود .. بعد العيد !! نعم ؟؟؟ ازاى يعنى ؟ يترد عليك بنفس البرود ان الباشا الموظف اللى مسؤل عن اعتماد الشيك اللى هتتصرف بيه الفلوس مضرب عن العمل علشان مخادش حقه فى المكافأة اللى هى اساسا مش ليه من الأصل دى لناس تعبت وشقيت وهو ميعرفش اساسا هما عملو ايه علشان ياخدو المكافأة دى والناس تخبط دماغها فى الحيط وتروح تشحت بأة او تقف جمب اى جامع بيوزع لحمة للفقرا علشان يعرف يعيد مع عيلته .. تبقى دى دولة الأنا ولا لأ ؟
كنا بنقول زمان ومازلنا بنقول وبنضحك على نفسنا قبل ما نضحك على غيرنا بجملة .. احنا دولة مؤسسات .. لا معلش احنا دولة الأنا يا جماعة
قال الرئيس الإسرائيلي شيمون بيريز إن على سورية أن تختار بين السلام مع إسرائيل أو العداء لها، مضيفا أنه لا يمكن لدمشق الجمع بين التفاوض مع الإسرائيليين ومواصلة العلاقة المتينة بالإيرانيين.
ففي مؤتمر صحفي عقده في لندن، قال بيريز: "لا يمكن للسوريين أن يتهربوا من هذا الاختيار، وإن ظنوا أنهم سيتمكنون من التوفيق بين الموقفين."
وقال: عليهم التوصل الى قرار: إما السلام أو العداء
وكمان الخبر ده
ففي أول تقرير تعده الوكالة بشأن النتائج التي توصلت إليها تحقيقاتها بشأن طبيعة منشأة الكبر الواقعة في محافظة دير الزور شرقي البلاد، قالت الوكالة إن محققيها عثروا على "كميات "هامة" من اليورانيوم، وإن أشار التقرير إلى أن سوريا تقول إن اليورانيوم جاء من الصواريخ الإسرائيلية التي تم استخدامها في الغارة على الموقع المذكور.
التانية : دبـــى
على الرغم من الأزمة المالية العالمية التي تهز العالم من واشنطون إلى طوكيو، إلا أن عشرين مليون دولار ستنفق في ليلة واحدة للاحتفال بالافتتاح الرسمي لمنتجع اطلانطس في دبي.
سيحضر أكثر من ألفي شخص من المشاهير في مقدمتهم مقدمة البرامج اللامعة اوبرا وينفري والممثل روبرت دي نيرو والرياضي مايكل جوردون وتغني فيه نجمة البوب الاسترالية كايلي مينوج.
لكن هذا المبلغ يتناسب مع التكلفة الاجمالية لبناء المشروع التي بلغت 5.1 مليار دولار ومع تكلفة الإقامة في الفندق الفخم التي تتراوح ما بين 700 إلى 35 ألف دولار في الليلة الواحدة
التالتة تابتة : يا حبيبتى يا مصر
أكد الدكتور يوسف بطرس غالى وزير المالية إن برنامج الملكية الشعبية، لا يعنى توقف برنامج الخصخصة، مشيرا إلى "أنه جزء من الخصخصة ولا ينفيه"نافيا أى تأثير للبرنامج الجديد، على الخدمات التى تقدمها الدولة للمواطنين..وقال " لو كان سيؤثر لم نكن لنطرحه من الأساس".
و أضاف غالي أن قانون صكوك الملكية الشعبية مصاغ بفلسفة معينة، وما لم يكن هناك استعداد لدى الناس لهذه الفلسفة أو تقبلها، فلن يكون هناك شيء يرغمنا للاستمرار فيها
وحول مسألة بيع الصكوك للأجانب، قال الوزير " يمكن أن يبيع (المواطن) لأى شخص، هذه الشركات لا خوف منها، ولا خوف من وجود أجنبى فيها ليديرها، لأنه يديرها هنا فى مصر"
قال الوزير "نصحيتى لصاحب الصك، أن يحتفظ به، ويتركه لأولاده ، سيجد أن الـ 500 جنيه مثلا بعد سنوات قليلة،أصبحت ثروة لأولاده، وأنه أصبح لديهم شيئا يكبر ويزيد، وهذا هو الهدف الأساسى للبرنامج ،أن اناسا ليس لديهم قدرة على تملك أصول أصبحت تمتلك أصولا"
وكفاية كدة النهاردة
اخترت البحر يا خالى وهو كمان اختارك
طول عمرك بتحبه وهو كمان بيحبك بس المرة دى عبر لك وعبر لنا عن حبه ليك بطريقة مختلفة
اخدك فى حضنه للأبد .. فراق اخير مفيش بعده رجوع ولو طال الزمن
فاكر يا خالى اخر مرة شوفتك فيها ؟ لما جيت ليلة القدر تفطر معانا زى عادتك كل سنة لما جيت وانت ماشى سلمت عليا مرتين وحضنتنى اوى اوى كأنك بتودع انسان عزيز عليك مش ضامن انك تشوفه تانى
انا وقتها حسيت انى مش هشوفك تانى يا خالى مش عارف ليه .. بس وقتها كدبت احساسى وقلت انا بيتهيألى مش اكتر .. يمكن علشان وقتها كنت شوفتك بعد غيبة وكنا واحشين بعض اوى
مش هنسى دايما جملتك المشهورة ليا .. ياد ياللى انا خالك
مش هنسى ضحتك الطفولية الحلوة وشعرك الأبيض الرمادى الجميل اللى ورثته عن جدى الله يرحمك ويرحمه
مش هنسى البحر اللى اخدك فى حضنه وعبر ليك ولينا عن حبه ليك بطريقة مختلفة المرة دى
الف سلامة يا اينو
بوش فشل علشان كان شايف بالمقلوب
الراجل ده عاوز ازازة زيت او كيلو سكر مش سهم فى البورصة يا حكومة
يعنى عاوز يقف فى طابور مكتب البريد ياخد معاشه وهو مرتاح مش عاوز ياخد سهم بتاع شركة متباعة ويقولوله اشترى بالسهم ده ازازة زيت ولا ايه ؟
القراءة للجميع
واخيرا ... النوم سلطان
بمناسبة انعقاد المؤتمر السنوى للحزن الوطنى (ايوة الحزن بالنون) حطيت الفيديو والبوسترز دى من اليوتيوب وموقع مصراوى مع كامل احترام حقوق التأليف والأنتاج
فى حفل عائلى بهيج تم بحمد الله يوم الجمعة الموافق 29 اغسطس 2008 عقد قران الأنسة ايـــنـــو على الباشمهندز فــوكـــس وذلك بمنزل العائلة بحضور الأهل والأقارب والمقربين
عقبال عندكم جميعا وكل عام وانتم بخير واخر ما اكتب
اللهم بارك لى فيها وبارك لها فى واجعلنى لها زوجا صالحا واجعلها زوجة صالحة لى
آمين يارب العالمين
الصورة دى اتنشرت فى الأهرام النهاردة الصبح والحقيقة انا شايف انها صورة كوميدية جداااااااااا تعبر عن الواقع بشكل ملفت للنظر
السيد رئيس الجمهورية يتابع باهتمام (لاحظ حركة تشبيك الأصابع المشهور بها السيد الرئيس عند الأستماع لشئ هام من احد المسؤلين) والأهتمام البالغ الواضح من السيد الرئيس
السيد حبيب العادلى وزير الداخلية ونظرة بعيدة تماما عن الموضع الذى ينظر اليه السيد الرئيس وشبح ابتسامة مجهولة النوع واضحة على وجه السيد الوزير
السيد صفوت الشريف رئيس مجلس الشورى وشرح مكثف للسيد الرئيس وعدم نسيان المنصب القدبم ( وزير الأعلام طبعا) ومحاولة الأستعانة بالأيدى لأيصال المعنى
السيد احمد فتحى سرور رئيس مجلس الشعب ونظرة بعيدة تماما عن الموضع الذى ينظر اليه السيد الرئيس عكس اتجاه نظرة السيد وزير الداخلية وتجهم واضح على الوجه بدون سبب
السيد احمد نظيف رئيس الوزراء بعيدا عن الموكب بقليل ونظرة بقرف الى الموضع الذى ينظر اليه السيد الرئيس دون ابداء اسباب
السيد فاروق حسنى وزير الثقافة (ايه دخله فى الموضوع معرفش) واقف فى الخلفية بيبص على حتى تانية خالص وواضح عليه التأثر
السيد الضخم الجثة ( اعتقد انه من الحرس الشخصى للرئيس) ونظرة متجمهة للكاميرا بدون اسباب ايضا
تفتكرو فيه علاقة بين الصورة وبين الأشخاص اللى فيها وحالة البلد ؟؟؟؟
الفرق كبير اوى بين الصورتين مش كدة ؟؟؟
على فكرة الصورة الأولى لموكب تشييع شهداء لبنان والعرب خلال حرب لبنان الأخيرة والشهداء دول كانو فى صفوف حزب الله
الصورة التانية لمراسم تشييع جنازة احد الجنديين اللى اسرائيل عملت حرب لبنان علشان ترجعهم من الأسر فى ايدى حزب الله برضه
ايه رأيكم ؟؟
