اللعبة القادمة

البوست ده اسمه كدة .. اللعبة القادمة .. محدش يستغرب وركزو شوية فى الكام نقطة اللى جايين


أولا : الزعيق المتواصل والأنكار الشديد من كل مسؤول فى الدولة بداية من السيد الرئيس حتى السيد الدكتور رئيس مجلس الشعب بخصوص اشاعات حل مجلس الشعب وخاصة افراد صفحتين كاملتين لحديث صحفى فى الأهرام مع الدكتور فتحى سرور رئيس مجلس الشعب لتأكيد انكار حل المجلس


ثانيا : الحملات الأمنية الرهيبة وجملة الأعتقالات ومصادرة الأموال لأعضاء جماعة الأخوان المسلمين المحظورة والتلميح بالعلاقات السرية المشبوهة بين الأعضاء المقبوض عليهم وبين نواب الأخوان بمجلس الشعب


ثالثا : فرض كوتة للمرأة بعدد معين من المقاعد بمجلس الشعب تحت رعاية الدولة ممثلة فى المجالس المتخصصة وغير المتخصصة والهدف الأسمى هو ضمان عدد مقاعد معين يعنى عدد معين من الأصوات المؤيدة لأى حاجة جاية .. أى حاجة جاية بقول


رابعا : الأستمرار فى تلميع نجم السيد جمال مبارك لدرجة كوميدية بأنه الآن تقوم حملات الكترونية للمطالبة بترشيحه نقيبا للتجاريين .. واخدين بالكم من موضوع النقابة ده .. يعنى سكة لمجلس الشعب برضه .. مش كدة؟

وأخيرا .. عزيزى القارئ اربط النقاط ببعضها البعض تحصل على سيناريو مفصل للخطوة القادمة او اللعبة القادمة أيهما تفضل فى التسمية


20 comments:

لورنس العرب said...

هايمسك البلد يعني هايمسكها

Foxology said...

لورنس العرب

صح يا باشمهندس بس واخد بالك من الخطوات ؟؟؟ دى خطوات اخر شهرين بس ما بالك باللى بيتخطط له من كذا سنة ؟؟

نورت الكيت كات :)

الازهرى said...

بصراحة انا موافقك على كل النقاط ما عدا الاخيرة

والحقيقة بدون سبب
لكن انا مش مقتنع داخليا ان جمال ممكن يكون الرئيس القادم وان فى خيوط خفية واسرار تانية ممكن لو ظهرت تغير كل السيناريهات الموجودة

والله اعلم

وبخصوص مقاعد المرأة اتمنى الاقر رأيك باسهاب فى الفارس الاخير

Appy said...

من غير ما تربط يا فوكس ما هى باينه ايه الجديد
بس عارف اول حد هيبقى عنده الضرر من انه يمسك
الحرس القديم كله لانه هيرمى الاغلبيه بتاعته
وبكده مش هيسبوه يعنى كده او كده باظت

Foxology said...

الأزهرى

لازم تقتنع قبل ما تتفاجأ :))

النقطة الأخيرة كانت علامة زى بقيت العلامات وهتشوف :)

نورت الكيت كات :)

Foxology said...

Appy

شئ طبيعى انه يتطبق المثل الشهير .. انسف حمامك القديم :))

عاااادى واللى يعيش ياما يشوف

شكرا لمرورك وتعليقك :)

enjy said...

بازل

عادى زى العاب الذكاء بتاعة فلاش..اومال يعنى هتبقى نط كدة من غير تمهيد؟؟؟

دة حتى عيب

حاسوباتيه said...

التوريث التوريث

Foxology said...

enjy

صح يبقى عيب :))

شكرا لمرورك وتعليقك

Foxology said...

حاسوباتية

هو مش توريث هو تمليك ;)

شكرا لمرورك وتعليقك

THE illusionist said...

ضمان عدد مقاعد معين يعنى عدد معين من الأصوات المؤيدة لأى حاجة جاية .. أى حاجة جاية بقول


هههههههههههههههه
هما لو عليهم
عايزين المجلس كله ستات
والعمليه هتبقى اسرع فى كل قرار ياخدوه
وبربط السيناريو ببعضه
ممكن نحصل
على قصه
مشهوره جدا
معروفه لكل الناس
بس محدش عارف يغيرها لحد دلوقتى
وعارف انها جايه
ومش قادر يقول لا
ولا يعترض
باختصار
القصه هتتكرر
وتتكرر وتتكرر
لحد لما مجلس الشعب
يبقى مجلس الرئيس

Foxology said...

THE illusionist

كلامك صح 100 الــ 100

شكرا لمرورك وتعليقك :)

!!! عارفة ... مش عارف ليه said...

سعد باشا قال مفيش فايدة

غطيني و .... يا صفية


وليد :(

شمس النهار said...

ازيك

شوف عشان ماتتعبش نفسك

كل اللي بيحصل دلوقتي عشاااااان ايه

الشرعيه في ماهو قادم
اه
مش عايزين حد يمسك علينا غلطه
ويقول ورث

والا عندنا ورث
وبوش في امريكا ماكانش ورث

يااااااااه
علي سوء الظن

tarek momen said...

الظريف في الموضوع انه ايه الداعي لفرض كوتة او عدد كراسي مخصص للمرأة
اذا كان كل السادة الأعضاء او اغلبيتهم احقاقا للحق لابسين طرح
بما فيهم رئيس المجلس
تحياتي

Foxology said...

عارفة ... مش عارف ليه

موضوع سعد باشا ده قديم جداااا بس واقعى

تحياتى وشكرا لمرورك وتعليقك :)

Foxology said...

شمس النهار

اهم حاجة الشرعية :))))

تحياتى لمرورك الكريم :)

Foxology said...

Tarek Momen

بالظبط كدة بس زى ما شمس النهار قالت انه اضفاء نوع من الشرعية على التصرفات الحالية حتى لا يكون عيبا فى حق النظام والشعب :)

تحياتى لمرورك الكريم :)

على باب الله said...

ده تقريباً نفس الكلام اللي قاله تسيفي مازائيل السفير الإسرائيلي السابق في مصر، عن الموضوع في ورقة بحثية نشرها في إسرائيل
-
في الحقيقة الحكاية ممكن فعلاً تكون صحيحة
على إعتبار أن في مصر مفيس مستحيل , لكن المشكلة أن حكاية كوتة المرأة تمنح أصوات المرأة للحزب الوطني انا مش فاهمها ، هل المرأة المصرية تؤيد الحزب الوطني ؟ إن صحت الفرضية لازم نسأل ليه و نعرف الأسباب , و إن أخطأت يبقى كوتة المرأة لا علاقة لها بالمؤامرة
و لا أنت قصدك أن المرأة ها تفتكر الجميل اللي عمله فيها الحزب الوطني و بالتالي تنتخب مرشحه ؟
--

كمان عندي سؤال ليك ( بالمرة ) : تتمنى مين يكون رئيس مصر القادم و ليه ؟
---

Foxology said...

على باب الله

الكلام تقريبا العالم عارفه واحنا لا:)

المرأة المصرية حافظة للجميل فعلا

---

لا اتمنى ان يكون رئيس مصر القادم احد المشتغلين بالسياسة الآن لأن لا احد فيهم يصلح مطلقا لأن يكون الرئيس !!!!

---

شكرا لمرورك وتعليقك