وتوالت الأحداث العاصفة


طبعا ده مش اسم المسلسل الشهير القديم جدا من بطولة الراحل عبد الله غيث واحمد لوكسر واحمد توفيق .. المسلسل صاحب الجملة الأشهر فى الدراما المصرية .. انا البرادعى يا رشدى

ده اسم بسيط ومعبر جدا عن الحالة المزرية اللى بتمر بيها علاقة مصر بالجزائر والسبب ؟؟؟ جلدة منفوخة على شكل كورة بيجرى وراها 22 بنى آدم لمدة 180 دقيقة هى عمر اخر مباراتين بين منتخب مصر ومنتخب الجزائر ... وتوالت الأحداث العاصفة بمعنى الكلمة بمجرد انتهاء مباراة القاهرة الأولى يوم 14 نوفمبر واعتداءات متبادلة لفظيا وماديا ومعنويا واعلاميا وكان الأعلام بالطبع صاحب النصيب الأكبر من الكعكة القذرة المسماة بحوادث الأعتداء لأنه السبب الرئيسى مفيش شك سواء اعلام مصرى أو جزائرى

خيبة ما بعدها خيبة .. واحب اشير للموضوع ده بقصيدة المدونة العزيزة دعاء مواجهات وده اللينك بتاعها

اخر كلام على الموضوع كله
لو كانت الماتشات دى هتدخل الجنة ولا حتى تحرر فلسطين كنا هنعمل ف بعض كدة ؟

6 comments:

د. ياسر عمر عبد الفتاح said...

بس مين بيفكر كده دلوقت
ما خلالالالالالالالالالالالاص

وصلنا لنقطة اللارجوع
وطبقنا خارطة الطريق الصهيونية بكل حذافيرها

ووصلنا لمرحلة الطريقة المثلى لقطع العلاقات

Foxology said...

د. ياسر

عندك حق يا دكتور احنا وصلنا لنقطة اللارجوع خلاص

عليه العوض

شكرا لمرورك وتعليقك :)

حلم بيعافر said...

مش عبط وسفه وعته بس
ده غباااااااااااء
وحاجة تانية غير الكورة
اللى حصل دون كله مش عشان ماتش كورة ياموعلم
تحياتى

Foxology said...

حلم بيعافر

واحب اضيف صفة كمان من عندى ::

خـــيـــبـــة


اكيد طبعا مش علشان ماتش كورة الموضوع اكبر من كدة بس احنا عاملين نفسنا مش واخدين بالنا

شكرا لمرورك وتعليقك

Mafrousa said...

خلصت يا فوكس خلصت
الكورة بنت اللذينة
جمعت ناس و فرقت ناس و موتت ناس و جه اوان انها تفرق شعوب بقا
و بينت نفوس الناس اللى انت كنت فاكر انهم اخواتك
و طلعوا كاريهنك
زي كرهك للصهاينة
و المصيبة بقا بيشبهوك باليهود
الصهاينة
يوم القيامة قرررررررررررب

Foxology said...

واحدة مفروسة

المضحك انهم بيشبهونا بالصهاينة وهما اساسا اساسا متعاملين رسميا مع اسرائيل ومشوفناش حد فيهم طلع ف مظاهرة ولا حرق علم اسرائيل ف يوم من الأيام

يلا عليه العوض وطظ فى القومية العربية ولو شوفتو واحد جزائرى ... قطعوه

تحياتى وشكرا لمرورك وتعليقك