البرادعى والآذان فى مالطة


وصل الدكتور محمد البرادعى الى مصر منذ أيام قليلة وكان فى استقباله آلاف من الشعب المصرى باختلاف طوائفه .. مثقفين .. فنانين .. عائلات ليبرالية وأخرى عادية وقوبل بلافتات تدعو الى اختياره ليكون الرئيس المصرى القادم

بعيدا عن الشو الأعلامى الدائر هذه الأيام حول ترشيح الدكتور البرادعى للرئاسة ودعوته الى الجمعية الوطنية للتغيير وقلق الحكومة الحالية مما يحدث على الساحة السياسية فى مصر بعد ان لمست بنفسها كمية التجاوب الغير مسبوقة مع الدعوة للتغيير على أيدى الدكتور البرادعى أو غيره .. المهم هو التغيير

بعيدا عن كل ذلك يبقى السؤال الأهم :::: هل سيصلح ان يكون الدكتور البرادعى رئيسا لمصر ؟؟؟ هل سيستطيع ان يصلح ما أفسده الدهر بمصرنا ؟؟؟ هل يكون هو الرجل المناسب فى الفترة المقبلة ؟؟؟؟

أخشى على الرجل من أن يكون كل ما يقول وكل ما يدعو اليه الشعب أو النظام نفسه من التغيير والتجاوب للشعب أن يكون كالآذان فى مالطة

12 comments:

Eno said...

قولت احجز اول مكان واقول سلام عليكو

انت عارف بأه ياسي فوكس مش بحب السياسه اصلا

بس ها حاول اتابع الموضوع ده ولما تيجي من الشغل هديلك تقرير وافي باأهم الاحداث

تحياتي يازوجي العزيز

Foxology said...

Eno

وعليكم السلام ورحمة الله وبركاته

تابعى وقولى رأيك واحنا ف بلد ديموقراطى يعنى قول اللى ف نفسك وعبر عن رأيك :))

شكرا لمرورك وتعليقك

Mafrousa said...

يا فوكس
اناقلت
و بقول
و حقول
البرادعي ما ينفعشي خاااالص
البرادعي لو تاخد بالك بيقولك نغير الدستور
طيب يا فوكس اذا كان البرادعي حيغير الدستور
اومال مين اللى حيغير الناس
الشعب
يا فوكس احنا محتاجين واحد يغير الشعب الاول
يغير الناس
يرفع من اسلوبهم و سلوكياتهم
و آخر حاجة الدستور
الناس عاوزة تتربي يا فوكس من اول و جديد
الناس عاوزة يبقى قلبها على بعض
تبطل جشع
تبطل تؤذى غيرها بالمبيدات و تغش فى السلع و غيرها و غيرها
الانسان هو اللى لازم يتطور

Foxology said...

واحدة مفروسة

وده رأيى بمنتهى الصراحة اننا الأول لازم نتغير وكلنا بلا استثناء مش فئة معينة بس هى اللى تتغير وخلاص

شكرا لمرورك وتعليقك

الميكروباص said...

الناس يريدون البرادعي فقط لكييشاهدوا شيئا آخر غير مبارك في الحكم
اما عن ما قاله فهو قال الكلام اللي أي حد بيقوله بشان المشاكل وغيرها
أما عن حلول لهذا المشاكل فهو لم يصرح بها

Haytham Alsayes said...

ان شاء الله التغيير جاي سواء البرادعي اوغيره كنا من عشر سنين منتصورش ان ممكن حاجة زي دي ممكن تحصل بس دلوقتي ان واثق ان شاء الله ان الناس تبدا تفوق ومن هنا يجي التغيير
تحياتي لك تقبل مرورى

Foxology said...

لورنس العرب

فعلا الناس عاوزة التغيير من اجل التغيير !!

الراجل مش ساحر واكيد معندوش حلول لكل المشاكل ولو عنده كان المفروض يقول او يمكن هو بيمشى فى الموضوع خطوة خطوة ولا ايه ؟

تحياتى على ردودك وشكرا لمرورك وتعليقك

Foxology said...

Haytham Alsayes

فعلا فى تقدم كبير والناس بدأت تتجاوب بس يارب يكون التحرك ايجابى والتغيير ايجابى

تحياتى ليك وشكرا لمرورك وتعليقك

صوت من مصر said...

لا انتظر اكتر من التغير حاليا

هبة النيـــــل said...

أستاذ فوكس

سؤال حضرتك في محله

هل يصلح لرءاسة مصر

لكن تطلعنا وأملنا في التغيير

ربما يجعلنا نتمنى أن يصلح

بالمناسبة :

لم يفسد "الدهر" شيئا بمصر

بل نحن المفسدون

Foxology said...

صوت من مصر

والله يا كيمو الناس كل همها التغيير وناسية تماما او مش واخدة بالها من ايه اللى المفروض انه يتعمل بعد التغيير

شكرا لمرورك وتعليقك ووحشنا صوتك المصرى :)

Foxology said...

هبة النيل

السؤال محدش بيسأله زى ما يكون الناس مؤمنة تماما انه لا رئيس الا البرادعى!!

مصر بخير فعلا مصر الوطن مش مصر الشعب :)

شكرا لمرورك وتعليقك