بلاها نادية وخد سوسو

الحزب الوطنى - باعتباره مسئولا عن النظام الحاكم فهو الحزب الحاكم ومدير شئون البلاد والعباد - قرر فجأة أن يستعين بالداعية الأسلامي الشهير الأستاذ عمرو خالد كدعاية انتخابية لمرشح الحزب الوطنى عن دائرة الرمل اللواء عبد السلام المحجوب محافظ الاسكندرية الأسبق - وان كان الرجل لا يحتاج الى دعاية فانجازاته مازال السكندريون يتحدثون عنها حتى الآن - وبالرغم من النفى القاطع من الجميع سواء الحزب أو اللواء المحجوب أو حتى عمرو خالد بأن الندوة التى اقامها ليست دعاية للمرشح الا ان الجميع لا يصدق ولن يصدق ولكن بنظرة اكثر موضوعية نجد أن الحزب الوطنى قد استغل الفراغ الدينى لدى الشعب - باغلاق القنوات الدينية بدعوى التعرض للأمن القومى واحياء الفتنة الطائفية الخ - باستقدام الأستاذ عمرو خالد - والذى تم ابعاده منذ ثمانى سنوات بواسطة نفس النظام الحاكم - لكى يرسخ فكرة الدين أفيون الشعوب وبالتالى تحسين صورة الحزب الحاكم وبالتالى المحاولة لتجميل الصورة العامة التى لوثتها مؤخرا تصرفات اعضاء المجمعات الأنتخابية للحزب الوطنى فى اطار الاستعداد لخوض انتخابات مجلس الشعب هذا العام من بلطجة واعتداءات جسدية وصلت لحد القتل العمد وغير العمد وخلافه من فضائح كفيلة بأن تنهى الحياة السياسية لأى شخصية سياسية فى دولة تمتهن السياسة الحقيقية
الفقرة السابقة ذكرتنى بمشهد من المسرحية الكوميدية للراحل فؤاد المهندس عندما أراد أن يزوج احدى بناته لطالبه النجيب وعندما رفض الأخير أن يتزوج نادية أخبره المهندس : بلاها نادية وخد سوسو
لن اتحدث عن التزوير المنتظر والنفاق المتوقع والطبخة الجارى اعدادها على قدم وساق لتظبيط الأمور وتيسيرها لانتخابات الرئاسة العام القادم ... حد يعرف الدكتور البرادعى فين ؟؟

8 comments:

أنا - الريس said...

انت قلتها يا عمنا
خد ناديه وبلاها سوسو
او
بلاها نادية وخد سوسو

مش فارقة

اما البرادعي فخرج ولم يعد

Foxology said...

MR.PRESIDENT

كنت اتمنى ان الناس ترد وتقول للحزب : بلاها نادية وبلاها سوسو :)))

خرج ولم يعد ؟؟ على طريقة يحى الفخرانى ؟؟ جايلك يا عدوية

شكرا لمرورك وتعليقك سيدى الرئيس

Empress appy said...

بيعد الارز فى الشمس

صوت من مصر said...

الدكتور البرادعى
ههههههههههههههه
ممكن يكون راح يخطب سوسو
ياعمونا النظام فقد مصدقيته مع جميع الشعب
سيبك انت
محدش فاضى للعب العيال ده خلينا كبار

شمس النهار said...

انت بتسأل نفس السؤال اللي كنت بسأله لنفسي من يومين وانا بقرا كشوف المرشحين استغربت ان مافيش اسم البرادعي خاااالص

ماتوقعتش انه مش هيرشح نفسه
اهو هو ده اللي فعلا كان نجاحه مضمون

مش عارفه ليه حسيت قد ايه مصر فعلا في محنه من الموضوع ده

ولا انت شايف ايه؟؟

Foxology said...

Empress appy

ناس بتقول انه بيعد النجوم فى عز الضهر والله اعلم

شكرا لمرورك وتعليقك

Foxology said...

صوت من مصر

والله يا كيمو محدش بيصدق حد ولا حد بيثق ف حد دلوقتى حتى البرادعى الواحد ابتدا يقلق منه ويشك فى نواياه

شكرا لمرورك وتعليقك

Foxology said...

شمس النهار

الدكتور البرادعى قال انه مش هيرشح نفسه لانتخابات الرئاسة وقلنا يمكن هيرشح نفسه لمجلس الشعب وفعلا كانت هتبقى فرصته كبيرة جدا على الأقل لو قدر يحقق حاجة فى خلال سنة ورشح لانتخابات الرئاسة كان ممكن يعمل حاجة بس هو اعلنها صراحة انه مش عاوز منصب هو عاوز الاصلاح فقط وكأنه نبى ارسل بدون رسالة !!! لكن الاختفاء العظيم اكيد وراه حاجة وشامم ريحة نظرية المؤامرة

شكرا لمرورك وتعليقك