اكــتــئــاب

أعيش حالة مزمنة من الاكتئاب المصاحب لما نمر به كلنا دون استثناء من أهوال سياسية واقتصادية يشيب لها الولدان

مكتئب مما حدث فى الأربعاء الأسود بمدينة بورسعيد القاتلة - الباسلة سابقا - ومما حدث لنا يومها من ذهول

مكتئب مما حدث بعد أحداث الأربعاء الدامى ومازال يحدث على شاشات الفضائيات الرياضية التى لا دين لها ولا ضمير ، من أول رؤسائها حتى معدى ومقدمى البرامج هواة النفخ ف النار والنفاق ومسح الجوخ وحسبنا الله ونعم الوكيل

مكتئب مما حدث أمام وزارة الداخلية ، وأمام مديريات الأمن فى سبع محافظات مختلفة فى وقت واحد ومن محاولات اقتحام السجون والأقسام وهروب بعض المساجين

مكتئب من أولئك الذين لا خلاق ولا خلق ولا ضمير لهم ممن يشترون الضمائر المتعفنة نتيجة الفقر والجهل لمدة 60 عام متواصلة، يشترون تلك الضمائر لحرق وتخريب الدولة أو على الأصح ما تبقى منها

مكتئب من العسكر الذين يتفانوا فى كسب المزيد من الكراهية لهم ومن الجميع، من ذكائهم الفج الذى يحفرون به حفرة عميقة جدا لم يدركوا أنهم لن يستطيعوا الخروج منها كما أشار بذلك العالم الشاب المفضل لدى .. الدكتور المعتز بالله عبدالفتاح

مكتئب من انقسامنا المستمر على أنفسنا وكأننا منذ عام واحد فقط شعبا آخر من كوكب مختلف ودولة أخرى غير الدولة

مكتئب من هؤلاء الذين فرحوا بمقاعد مجلس الشعب ويتبارون فى إضحاكنا وبكائنا فى نفس الوقت عندما نتابع جلساتهم على الهواء أو حتى مسجلة بعد المونتاج اللازم

مكتئب من هذا الوطن الذى سكت وعندما تكلم نطق كفرا ... مكتئب حتى إشعار آخر

4 comments:

لورنس العرب said...

لسه سائل سؤال عند مدونه احد الاصدقاء وكانت تكتب موضوع مثل هذا ولكن بطريقه اخرى- لكن المحصله النهائيه انها كانت تريد ان تقول انها مكتئبه
وسأرد بنفس الرد

هاتعمل ايه لو مر سنه واثنان وثلاثه ووجدت الوضع كما هو؟

شوف يا سيدي

احنا بلد فقر

بس كده

AHMED SAMIR said...

اللي مصبرني على حالة الاكتئاب العامة اللي كلنا بنعاني منها دي هي ان ممكن يكون دة هو العسر اللي بعده اليسر ان شاء الله
ان مع اليسر يسرا
يارب
تعبنا قوي من اللي بيحصل دة....
افرجها من عندك يا كريم

Foxology said...

لورنس العرب

الإجابة بكل بساطة : هحاول بشتى الطرق إنى أهاجر وأسيبها بالمناخ المتعفن والعقول المريضة اللى عايشة فيها ... هغير قرارى بعدم السفر القديم جدا لأن هيبقى مفيش أى امل انى اعيش فيها انا وولادى بكرامة ونضافة

شكرا لمرورك وتعليقك

Foxology said...

احمد سمير

لا أظن انه العسر اللى بعده يسر وده رأيى الشخصى طبعا لأن التاريخ متشابه لحد كبير بين دلوقتى وسنة 54 اللى هو اساسا السبب فى اللى احنا فيه دلوقتى ... دايرة مقفولة

شكرا لمرورك وتعليقك