طعم البيوت ... قريبا



اخيرا محمد منير هينزل البومه الجديد ( طـعـم الـبـيـوت ) الأسواق

الألبوم اللى بقاله تقريبا سنة الناس مستنياه وعلى طول تأجيلات وتأجيلات لحد لما نزلت الأعلانات على قناة مزيكا باعتبارها الشركة الموزعة للألبوم بالتعاون مع عالم الفن



10 comments:

Mafrousa said...

مبروك يا فوكس
بس ممكن اسال سؤال انت بتسوق للشريط حبا فى محمد منير؟ انا شخصيا بحبه جدا و بحترمه
ولا حتاخد نسبه من التسويق ده؟
اذاكان كده تبقى تفتكر اختك بشريط.....محبه يعنى انت عارف الظروف متنيله..على الاخر يعنى كبيره حجيب سماعه للودن و اعليها علشان اسمع الشريط من عند الجيران
هههههههه

Eno said...

يارب يكون اخر معاد بأه

الحمد لله اني مش من المستنين والا كان زماني جرالي حاجه من الانتظار

ويارب يكون اعلانك وش الخير عليه وينزله بكره

تحياتي ليك يافوكس :)

Foxology said...

eno...

يا مسهل لما نشوف بأة انا خلاص اتعقدت والله خصوصا بعد ما سمعت السامبلز اقتنعت ان الصبر مفتاح الفرج وان الألبوم يستاهل الأنتظار

شكرا للمرور :)

Foxology said...

واحدة مفروسة ...

الله يبارك فيكى ايوة طبعا بسوق الشريق حبا فيه ده عشقى التانى والله وبالنسبة لموضوع الشرايط انا مش بتشرى بحمل من على النت على طول اول ما اوصله بس هبعتلك لينكات التحميل انتى تؤمرى :)

نورتى الكيت كات :)

دعاء مواجهات said...

انت كمااان من عشااق منير يبقى لازم تكون ضربشمسااوى جااامد اوى

صح ولا لأ

ميرسى ع إعلانك عن الألبووم

منتظراك بمدونتى

Foxology said...

دعاء مواجهات

الحقيقة اه من عشاقه وبالنسبة لموضوع ضربشمساوى انا متابع بس مش عضو ضربشمساوى لحد دلوقتى الحقيقة لكن بحب كساب وكتاباته وبستناها

العفو :)

هعدى ان شاء الله :)

دكتورة سنان said...

كل اللى بيحبوا منير بيبقوا ناس حساسه واحساسها عالى جدا على فكره ولاحظتها فى ناس كتيييير بيحبوه

هو انا ليه مش بحبه :( مع انى حشاشه قصدى حساسه :(

لما بسمعه بحبه بس لو مسمعتوش متفرقش معايا

Foxology said...

نوسة

ميرسى يا دوك على المجاملة الجميلة دى بس مش كل الناس الرقيقة بيحبو منير (وش بيغمز) انا مش بقصد حد تعرفيه خالص على فكرة ومش بقصد اينو خطيبتى خالص برضه (وش بيغمز تانى) هههههههههه

اخر كلام ان الألبوم على اول شهر 6 لما نشوف بأة

نورتى الكيت كات :)

شـمو نشـادر said...

اخيرا يا عم الملك هينزل الالبوم ..
بقالنا كتير مستنيين ..
أول زياره ليا هنا وان شاء الله مش هتكون الاخيره ..
ومستنيك تنورنى ..
تحياتى ..
أسامة أمين

Foxology said...

شمو نشادر

اسمك فطسنى من الضحك علشان تخيلت ان سماكى يا مصر كلها نشادر والناس عمالة تشم يمكن يفوقو شوية :))

اه اخر كلام بالنسبة لألبوم منير انه اول الشهر ان شاء الله يعنى كمان 10 ايام كدة يا مسهل

نورت الكيت كات وهستناك كل بوست طبعا واكيد هعدى عليك علشان اشم نشادر :)

نورت الكيت كات :)