مواطنون ضد الغبــــــــــــــــــــاء



القاهرة – أكدت أنباء صحفية قيام عدد من المواطنين المصريين بتأسيس أول حركة مصرية من نوعها تحت اسم (مواطنون ضد الغباء)
و أكدت صحيفة (أوان) الكويتية ان البيان التأسيسي الذي أصدرته الحركة امتلأ بالرصاص الذي أطلق على الحكومة وقراراتها، والذي جاء فيه أن الكثير من القرارات الحكومية التي تتحكم في حياة الشعب المصري ومصائره تصدر إما بشكل عشوائي غير مدروس أو مخطط له وإما أن تصدر لصالح مجموعة من الأثرياء على حساب بقية المجتمع وضرب البيان التأسيسي أمثلة على مثل هذه القرارات التي اتسمت بالغباء.
وأكد البيان أيضا على أن الحكومة المصرية أصدرت مجموعة من القرارات كرّست وعززت احتكار (أحمد عز) للحديد في السوق المصرية الأمر الذي أدى إلى أن يصل سعر الطن إلى 7 آلاف جنيه
وتقول الصحيفة إن الحركة الجديدة لا تعادي الحكومة فقط ولكنها تعادي الشعب أيضا إضافة إلى الأحزاب والنقابات المهنية وكل الجهات التي يمكن أن يصدر عنها تصرفات أو قرارات أو تحركات تؤثر سلبا في المجتمع المصري.
ويضيف البيان أن الشعب يقوم بتصرفات غبية هو الآخر تؤثر سلبا مع الوقت في السلوك الجمعي، و من هذه التصرفات قبول المواطن بالركوب في الحافلات والتكدس في الداخل وعلى المقاعد الضيقة على الرغم من إمكانية الانتظار لحين قدوم حافلة أخرى، كما هاجم البيان أيضا سياسات بعض القوى السياسية ومنها جماعة الإخوان المسلمين واصفا إياها بالتحرك وفق منظور متخلف يتصور أنه أقوى من أي نشاط آخر في حين أنه الأكثر ضعفا، وظهر هذا في فشل إضراب يوم الرابع من مايو الجاري.
وأكدت الحركة أنها تعتزم في المستقبل إقامة مسيرات وندوات ثقافية ترفع شعار (مواطنون ضد الغباء) من أجل تخفيض معدلات الغباء المرتفعة في القرارات.
يذكر أن الحركة نشأت بعد فشل إضراب الرابع من مايو الجاري والذي كانت جماعة الإخوان المسلمين تدعمه، وكان صاحب فكرة التأسيس هو خالد عبدالفتاح الأمين السابق لحزب الوفد.

19 comments:

Eno said...

كووووووووووسه يافوكس كووووووووسه
انا عارفه انك بتكرها بس اعمل ايه مش لقيته مسما تاني

هما بيعملو ايه في الصوره ؟؟؟؟؟؟؟؟؟؟؟؟؟؟؟؟

Foxology said...

eno ..

جيتى ع الجرح :))

هما فى الصورة بينطو من الدور التانى او التالت لمبنى تحت التشطيب بينطو منه على كومة رمل على اساس انهم فى حمام سباحة اوليمبى او مغطس

افتكاسة مصرية جديدة فطست من الضحك لما شوفتها :))

نورتى الكيت كات يا اينو :)

لورنس العرب said...

هو الحقيقه انا قرأت الخبر في موقع قناة العربيه، وكان الهدف من وراءه هو مواطنون ضد الغباء في القرارات الحكوميه، لكن مع الاسف جاءت تعليقات الاخوه العرب علينا كالعاده مخيبه للآمال، وقد علقوا على اساس ان المصريين اغبياء ونحن نريد التصدي للغباء المنتشر بين الناس في مصر، الله يسامحهم على اللي قالوه علينا، لكن على كل حال هي فكره كويسه، ياريت تجيب نتيجه

Eno said...

ههههههههههههههههههههههههههههههه
فكره جامده موووووووووت
صحيح مصر ام الابتكارات :D

ياترا بما اننا مصرين مطلوب مننا نجربها؟؟ :D

Foxology said...

eno ...

ايوة مصر ام البتكارات فعلا

لالالالا نجرب ايه ؟؟ دى الغلطة بموتة على طول :))

نورتى الكيت كات :)

Foxology said...

لورنس العرب

بصراحة موقع قناة العربية ده انا مش بستريحله دايما تحس انه عاوز يعمل فتنة وخلاص مش مهم بأة مين صح ومين غلط

طبعا ليهم حق يتريقو علينا بعد ما بنينا ليهم بلادهم بعد ما كانو ساكنين فى خيم فى الصحرا ميعرفوش الألف من كوز الدرة الله يسامح اللى كان السبب فى اللى احنا فيه بأة

نورت يا باشمهندس :)

صيدلانيه طالعه نازله said...

الغباء بقى بوفره فى مجتمعنا اكتر من العيش
احنا لو مش اغبياء كنا فضلنا نشترى اللحمه و الفراخ و هيا بالاسعار دى
احنا لو مش اغبياء كنا مسكنا فى الدراسه اللى اثبتت امكانيه بناء البيوت بالحوائط المحموله و كنا ضربنا بيت العز فى مقتل
بس تقول ايه
غباء

tarek momen said...

طب ماهو لو الجبهة نجحت في مكافحة الغباء هانجيب منين ناس يمسكوا الحكومة

Foxology said...

صيدلانية ...

فعلا احنا عندنا وفرة فى الغباء بطريقة مش مسبوقة المفروض نصدر للخارج ونستفيد بفرق العملة لكن الغباء اننا مش بنصدر برضه :))

نورتى الكيت كات :)

Foxology said...

طارق مؤمن ...

منين اجيب ناس صحيح :))

نورت الكيت كات :)

نوسه said...

الحديد مش ب7 الاف بس
ده ب8الاف و300جنيه
اصل محمد بيبنى بيتنا الايام دى فاتلاقونى خبره فى الاسعار:)
ومن هذا المنطلق انا بكره اى حاجه تمت لعز بصله
حتى عز الدين ايبك وعز الدين ذو الفقار وعز الضهريه
ومن هذا المزنق احب اقول حسبى الله ونعم الوكيل فيك ياعززززز ياابن ام عززززز
اشوفك متشحتف ومش لاقى سيخ حديد واحد
مش هتقوم حركه بقى اسمها مواطنون ضد عز :)؟

Foxology said...

نوسة

مواطنون ضد عز ؟؟ انتى بتقولى عز ؟؟؟ يبقى انتى اللى قتلتى بابايا
:))

لالالا بقولك ايه يا دوك انا راجل خاطب وورايا مسؤليات متوقعيناش فى الغلط لحسن اقفل المدونة واكتب عليها للبيع :))

نورتى الكيت كات وربنا صبرنا :)

دعاء مواجهات said...

بمناسبة الغباء

مرة شعب حب يعمل حزب ويسمية مواطنون ضد الغباء يقصدوا الحكومة طبعاً

قامت الحكومة نزلت قرار بتوزيع حبوب الزكاء على افراد الشعب

ههههههههههههه

هيفهموها عكس يابرنس

تحيااتى لييك

نورتنى

دعاء مواجهات said...

عم قووول يارب

هيفهموها عكس صدقنى

نورتنى

بييييس

Foxology said...

دعاء مواجهات

تصدقى فعلا ممكن يفهموها غلط ويوزعو حبوب ذكاء على الشعب ؟؟
بس مين هيدى الحكومة حبوب ذكاء علشان يفهموها عكس ويوزعو حبوب ذكاء على الشعب ؟؟ :))

نورتى الكيت كات :)

المـــفـــــــقــــــــوعـــــة مــرارتـهــا said...

يعني هما بيتريقوا علينا
الله يسامحك ياللي كنت السبب
بقوا بيقولوا علينا غباء

Foxology said...

المفقوعة مرارتها ...

ايوة بيتريقو ومن زمان واحنا اللى عملنا ف نفسنا كدة وانا مع قيام الحركة دى بجد الغباء بأة منتشر جدا بمشى فى الشارع بحس انى فى مدينة الأغبيا سورى يعنى

نورتى الكيت كات وبفكر اعمل موضوع عن الغباء اليومى للمواطن المصرى :)

شـمو نشـادر said...

طب والله كويس ..
حلوه دى ..
قوللنا بس ننضم ازاى ..
عايزين نطلع الكارنيه فى اسرع وقت ..
تحياتى ..
ٍأسامة أمين

Foxology said...

شمو نشادر ...

اه فعلا حاجة حلوة والله انا كمان بدور ننضم ازاى للناس دى :)

نورتنا :)