جملتين اتقالو على القهوة
الجملة الأولى : انا بقالى 25 سنة قاعد على القهوة دى ... 25 سنة ؟؟؟ ... ايوة القهوة دى اصيلة بتحتوى البنى آدم مننا
محمد شرف واحمد حلمى فى الفيلم الرائع ( آسف على الأزعاج) انتاج الصيف ده
الجملة التانية : الحل الوحيد ان الحاجة ترخص فى بلدنا ان الصين تيجى تحتلها
ايهاب ابن خالتى
18 comments:
انا اول تعليييييييييييييق
طول عمرى نفسى اطلع الاولى و ما كانش بيحصل و اهو حصل
فيها ايه ان الصين تحتلنا اهو حتشغلنا و تخلى لنا قيمه بجد و ساعتها حننتج و نصدر و نروح نشتغل فى الصين بياعيين
من بقك لباب السما يارب
صيدلانية طالعة نازلة
الف مبروك التعليق الأول :))
على رأيك هنشتغل ونننتج ونستهلك منتج ايدينا وناكل من ايدينا يا عالم
شكرا للمرور والتعليق :)
مالها الصين اهم بيقولو هينزلو حديد يضرب حديد عز وتقريبا الطن منه 1200 جنيه
اينعم ممكن البيت بعد بناه يكون قايل للسقوط بعد سنه بس اهم حلو ازمه :))
تحياتي ليك يافوكس :)
eno
مش هيقع ولا حاجة هو هيتسكر مهو حديد صينى بأة :))
والله تصدقى فكرة جامدة ... حديد صينى ... لاقينى ولا تغدينى :))
نورتى الكيت كات يا اينو وربنا اه والله بجد يعنى :))
ابن خالتك ده جامد موووووووووووووت
بالنسبة للفيلم
لحد دلوقتي مش عارف
نسيم كان حقيقي
ولا زي صلاح الدين
بالمناسبة
اكتر واحد كيفني في الفيلم
محمود حميدة
بالنسب ة للقهوة احنا كلنا قاعدين بقي لنا 28 سنة بنتفرج علي اللي رايح و اللي جاي من غير ما نحاول نغير
هيه وما البلد الا قهوة كبيرة
نزل واحد شيشة حمي لو سمحت
بالنسبة للصين بلاش موضوع الأحتلال
ممكن يؤدي لعواقب وخيمة علي المنطقة العربية كلها
الأفضل بما ان الصين اصبحت تصنع و تصدر كل شئ تقريبا
طيب ما نشتري رئيس صنع الصين جميع الكماليات وبرضه ها نوصل للنتيجة المرغوبة
ايه رايك
مين قال ان الصين ماحتلتناش
بضاعتهم خلاص احتلتنا من زمان
تحياتي
لما الناس تيجى من بلادها عشان تأكلنا وتشغلنا .......يبقى ع الدنيا السلااااااااام.
ربنا يصبرك يامصر ويصبر ولادك على حالك وعلى حالهم......
أرجو ان تتقبل مرورى......
Pusssssy
محمد الكومى
ابن خالتى دجه شخصية كارتونية تحفة اساسا نفسى يعمل بلوج وينشر افكاره :))
نسيم اعتقد انه حقيقى شخصية محورية كمان ومحمد شرف اثبت انه ممثل وفنان بجد فى الدور ده بالرغم من انه صغير بس مؤثر اوى :)
محمود حميدة كان عالى اووووووووووووى وعجبنى جدا :)
سيبك انت اللى فيهم يا عم مجاهد وربنا :)
tarek moman
على رأيك يا استاذ طارق بس اهى محتويانا بالرغم من اللى اتحرق وغرق واتصدم :)
نورتنى ومنورنى دايما :)
مجلة على صوتك
هما احتلونا بالبضاعة مفيش شك حتى انهم بيعملو ديلفرى بالباضعة لحد باب الشقة عرفو يدخلولنا صح
نورتى يا مجلة :)
pusssssy
هنعمل ايه غير كدة ؟؟؟ نص البلد شايف ان الحل هو الأحتلال الخارجى للتخلص من الفساد !!!
مش بالذمة حاجة تحزن ؟؟؟
شكرا للمرور والتعليق :)
تصدق يا فوكس
ابن خالتك ده
بيفكر صح جدااااااا
اهي هيه ديه الامخاخ اللى بجد
تحياتي
بس قوله لو الصين احتلتنا
كل المقاسات حتصغر جدااااا
و حتلاقى نفسك بتشتري قميصضين و تلزقهم فى بعض علشان يبقى مقاسك
ههههههههههههه
واحدة مفروسة
مش اول حد يقولى ان ابن خالتى ده دمااااغ :)
والله عندك حق المقاسات هتصغر جدااااااااا وكل حاجة نشتريها تلاقى مكتوب عليها اول سايز :))
تحياتى :)
شفت الفيلم؟؟؟ حلو جدا قوى خالص فظييييييييييييييييييييع..نيجى للبوست بقى انا مش مع ان الواحد يقعد على القهوة ويقول انه فضل قاعد على القهوة اكييييييد لو كان اجتهد كان حصد..اما بقى ايهاب ابن خالتك فنظرته عميقة فعلا مفيش امل ان اى حاجة ترخص فى بلدنا باستثناء البنى ادمين طبعا
enjy
الفيلم شوفته مرتين وهو على فكرة من احسن الأفلام اللى شوفتها لحد دلوقتى من اول ما ابتديت اهتم بالسينما عموما :)
ايهاب ابن خالتى زيه زى اى حد ساعات بتطلع الكلمة الحكمة ف وقت عجيب غريب وده طبع كل اهل البلد دى :))
شكرا للمرور والتعليق :)
ياريت الصين تحتلنا
على الاقل هايعرفوا يستغلوا موارد البلد دى سواء موارد بشرية او او مواردها الطبيعية
سبهللة
ممكن فعلا بس المشكلة انهم لو جابو معاهم زراعة الأفيون هتبقى كارثة
شكرا للمرور والتعليق :)
Post a Comment