تناقضات

الأولة فى التناقض : الدور على سوريا

قال الرئيس الإسرائيلي شيمون بيريز إن على سورية أن تختار بين السلام مع إسرائيل أو العداء لها، مضيفا أنه لا يمكن لدمشق الجمع بين التفاوض مع الإسرائيليين ومواصلة العلاقة المتينة بالإيرانيين.

ففي مؤتمر صحفي عقده في لندن، قال بيريز: "لا يمكن للسوريين أن يتهربوا من هذا الاختيار، وإن ظنوا أنهم سيتمكنون من التوفيق بين الموقفين."

وقال: عليهم التوصل الى قرار: إما السلام أو العداء

وكمان الخبر ده

ففي أول تقرير تعده الوكالة بشأن النتائج التي توصلت إليها تحقيقاتها بشأن طبيعة منشأة الكبر الواقعة في محافظة دير الزور شرقي البلاد، قالت الوكالة إن محققيها عثروا على "كميات "هامة" من اليورانيوم، وإن أشار التقرير إلى أن سوريا تقول إن اليورانيوم جاء من الصواريخ الإسرائيلية التي تم استخدامها في الغارة على الموقع المذكور.


التانية : دبـــى

على الرغم من الأزمة المالية العالمية التي تهز العالم من واشنطون إلى طوكيو، إلا أن عشرين مليون دولار ستنفق في ليلة واحدة للاحتفال بالافتتاح الرسمي لمنتجع اطلانطس في دبي.

سيحضر أكثر من ألفي شخص من المشاهير في مقدمتهم مقدمة البرامج اللامعة اوبرا وينفري والممثل روبرت دي نيرو والرياضي مايكل جوردون وتغني فيه نجمة البوب الاسترالية كايلي مينوج.

لكن هذا المبلغ يتناسب مع التكلفة الاجمالية لبناء المشروع التي بلغت 5.1 مليار دولار ومع تكلفة الإقامة في الفندق الفخم التي تتراوح ما بين 700 إلى 35 ألف دولار في الليلة الواحدة


التالتة تابتة : يا حبيبتى يا مصر

أكد الدكتور يوسف بطرس غالى وزير المالية إن برنامج الملكية الشعبية، لا يعنى توقف برنامج الخصخصة، مشيرا إلى "أنه جزء من الخصخصة ولا ينفيه"نافيا أى تأثير للبرنامج الجديد، على الخدمات التى تقدمها الدولة للمواطنين..وقال " لو كان سيؤثر لم نكن لنطرحه من الأساس".

و أضاف غالي أن قانون صكوك الملكية الشعبية مصاغ بفلسفة معينة، وما لم يكن هناك استعداد لدى الناس لهذه الفلسفة أو تقبلها، فلن يكون هناك شيء يرغمنا للاستمرار فيها

وحول مسألة بيع الصكوك للأجانب، قال الوزير " يمكن أن يبيع (المواطن) لأى شخص، هذه الشركات لا خوف منها، ولا خوف من وجود أجنبى فيها ليديرها، لأنه يديرها هنا فى مصر"

قال الوزير "نصحيتى لصاحب الصك، أن يحتفظ به، ويتركه لأولاده ، سيجد أن الـ 500 جنيه مثلا بعد سنوات قليلة،أصبحت ثروة لأولاده، وأنه أصبح لديهم شيئا يكبر ويزيد، وهذا هو الهدف الأساسى للبرنامج ،أن اناسا ليس لديهم قدرة على تملك أصول أصبحت تمتلك أصولا"

وكفاية كدة النهاردة

12 comments:

الميكروباص said...

هي مش تناقضات، لكن مفيش موقف ثابت من الأمور، والكلام بيكون على حسب الموقف اللي انت فيه يستدعي الى ان تقول ايه، وده نوع من انواع النفاق
اما بخصوص الصكوك
انا بس عاوز اعرف حاجه
هي الشركات دي هتكون بتكسب وهايدونا الاسهم بتاعتها؟
هو الحدايه بترمي كتاكيت؟

Foxology said...

لورنس العرب

ايا كان المسمى فهو فى الأول والآخر نفاق زى ما قلت يا لورنس ده غير انه تغيير فورى للجلد والشكل زى الحية كدة

الصكوك دى حدوتة ريحتها مش حلوة الحقيقة وشكلها اكبر خازوق بتهديه الحكومة للشعب والأيام هتثبت ده ويارب اكون غلطان

نورتنى :)

Eno said...

زي ما علمتني ودايما بتقولي يافوكس كل حد دماغه مريحاه حتي لو كان بيشد ناس كتير وشعوب في رجله !!

Foxology said...

eno

صح كل واحد دماغه مريحاه حتى لو ف رجليه شعوب بس ده يعتبر غباء مصحوب بكبرياء وغطرسة
وقالو لفرعون ايه اللى فرعنك ؟

نورتى الكيت كات :)

شمس النهار said...

ده العادي
انت مش واخد بالك
كله تناقض في تناقض
اهو كله حسب المرحله
اشتراكيه ماشي
رأس ماليه ماشي
انفتاح ماشي
خصخصه ماشي وكله علي كله

Kiara said...

امممممممممممم

موضوع الصكوك بجد انا حاسه ان هيجلي شلل منه

Foxology said...

شمس النهار

فعلا كله على كله وكل شين كان زى ماقال المرحوم امين الهنيدى

بس كدة الموضوع بأة زيادة عن اللزوم الحقيقة وكل يومين يطلعو لنا بموضة جديدة تثبت فشلها بعد مدة والمشكلة انهم مش بيحسو على دمهم مستمرين برضه فى الأفتكاسات والأفكار العجيبة

ربنا يرحمنا برحمته

نورتى الكيت كات :)

Foxology said...

مولان

ومين مش هيتشل لما يكتشف المقلب الكبير ؟؟؟

تحياتى ونورتى الكيت كات فى اول زيارة :)

دكتورة سنان said...

انا مش فاهمه موضوع الصكوك ده وبعدين خدمات ايه اللى الحكومه بتقدمها:ي
بردو انا مش فاهمه:)
احنا بندفع ضرايب
بندفع ميه وكهربا وفاتورة تليفون وغاز وكله كله بندفع
المستشفيات الحكومى عشان تجيلك جرأه وتدخلها يعنى بغض النظر عن نضافتها لكن بيخلوك تشترى حتى الشاش
لازم حد من اهلك يتبرع بدمه والخ الخ الخ
فين الخدمات اللى الدوله بتقدمها؟ وليه بيحسسونا اننا بنشحت منهم مع اننا بندفع تمن كل حاجه بنستخدمها

Foxology said...

دكتورة سنان

والله يا دوك انا نفسى مش فاهم لحد دلوقتى ايه هى الخدمات اللى بتقدمها الحكومة للمواطنين ؟؟

بالنسبة لموضوع الصكوك ...
الخلاصة هى فيلم (عايز حقى) لما البطل لقى ان فى مادة فى الدستور المصرى بتقول ان الدولة بكل اللى فيها يعتبر ملكية عامة للشعب يعنى كل واحد فينا طالما مصرى يبقى له حق فى امتلاك جزء من الدولة سواء كان عقار اوخلافه يعنى فلوس فالحكومة فجأة افتكرت الموضوع ده وقالت احنا عملنا خصخصة والشعب مخادش حاجة غير المعاش المبكر اللى قضى على الثروة البشرية وقالو هنعمل خصخصة تانى والفلوس دى تتحول لأسهم فى البورصة كل مواطن له عدد معين من الأسهم دى وهياخدها مجانا ووزير المالية بيقول ان حد اقصى هيبقى 500 جنيه ايوة خمسمية جنيه بس وشكرا على كدة

موضوع معقد وكبير لكن ريحته بتقول انه خازوق كبير اوى كالعادة الشعب هياخده من الحكومة ويسكت

نورتى الكيت كات وآسف لو كان ردى جابلك احباط :)

Empress appy said...

انا مش مصدقه موضوع الصكوك ده بجد
موضوع دبى عادى يعنى هتعمل ايه ما هما كده ايه الجديد بقى ناس عندها فلوس وخلاص وبعدين حسه ان الازمه دى كدبه

Foxology said...

Appy

لا صدقى طالما الموضوع فيه خازوق من الحكومة هدية للشعب يبقى اكيد حقيقة مش كدب :))

دبى بأة فده فعلا طبعهم ايه الجديد وربنا يباركلهم كمان وكمان

الأزمة حقيقية للأسف وكان نفسى تبقى كدبة

شكرا للمرور والتعليق :)