بوش اتضرب بالجزمة يا جماعة


تحديث

توالت ردود الفعل الرسمية والشعبية داخل العراق على قيام مراسل قناة البغدادية منتظر الزيدي بإلقاء حذاءيه على الرئيس الأمريكي المنتهية ولايته جورج بوش.

فقد خرجت الآلاف من أنصار التيار الصدري في تظاهرات في مدينة الصدر ببغداد ومدينة النجف جنوبي العاصمة العراقية تندد بالرئيس بوش وتطالب بإطلاق سراح الصحفي العراقي.

ففي مدينة الصدر أحرق المتظاهرون العلم الأمريكي وأشادوا بتصرف الزيدي و في النجف ألقى بعض المتظاهرين بأحذيتهم في اتجاه دورية أمريكية وقال شهود عيان إن الجنود الأمريكيين لم يردوا على ذلك


الصورة من وكالة الأنباء الفرنسية وبتوضح بوش والمالكى وهما بيتضربو بالجزمة

ده الى كان المفروض يتعمل من سنين على فكرة

صحفى عراقى جدع عملها اخيرا واحتفل بزيارة بوش الأخيرة للعراق على طريقته الخاصة

الصورة مضحكة .. ومبكية فى نفس الوقت .. المالكى هو اللى بيفدى بوش .. لكن ليه لأ مش ولى نعمته ؟

اتحاد المحامين العرب كون جبهة من 100 محامى من بلاد عربية مختلفة للدفاع عن الصحفى العراقى الجدع منتصر الزيدى امام اى محاكمة من اى نوع

يا منتصر انت عملت اللى مقدرش كذا مليون عربى يعمله ... انا عن نفسى بحييك وانا خجلان من نفسى

الخبر بالتفصيل
هـنــا


20 comments:

AHMED SAMIR said...

الحركة دي
جديـــــــــــــــــــــــدة

Foxology said...

A.Samir

حكة جديدة بس مفيدة .. بينت حقيقة الشعور تجاه امريكا عموما وبوش خصوصا .. اغبى رئيس امريكى على مر العصور .. استحضر شياطين الكراهية حتى شواطئ بلاده !

تحياتى :)

Mafrousa said...

صباح شريف يا فوكس
هههههههههههههههههههه
و الله انا مش صدقت
لاقيت جوزي فرحان بلليل و بيصحيني و يقولى
و الله انا افتكرت من فرحته انه كسب فلوس و لا حاجه
هههههههههههههه
اتالريهخ بيقولى بوش انضرب بالجزمة
ههههههههههههههه
ياخرابي الناس شمتانه فيه
انا بدعبس من الصبح على الفيديو اللى يفرجني الموقف الفظيع ده
و عماله اتفرج عليه من مكان لمكان
ههههههههههههههههههه
ربك كبير قادر يهزقه فى اواخر ايام رياسته
هههههههههههه
الف مبروك يا باشا


مش برضه المفروض نبارك؟؟؟

Empress appy said...

لاااااااا اللى يغيظ التانى يقولك اصله عاوز يتشهر يا سلام مش حاسس هو عمل ايه فى العراق والعرب كلهم بجد

Foxology said...

واحدة مفروسة

صباح الخير يا مفروسة والله انا امبارح اينو كنت هنام لحقتنى واتصلت بيا قالتلى الحق بوش ضربوه بالجزمة :))

الناس كلها فرحانة بجد :)

الف مبروك طبعاااااا :)

تحياتى :)

Foxology said...

Appy

عاوز يتشهر ؟؟ هو ناقص شهرة اكتر من كدة ؟؟؟ اتلنسا من فرحتها بيه بتديله بالجزمة :))

تحياتى :)

اقصوصه said...

ههههههههههههههههه

اللي ضحكني مش اللقطه

اللي ضحكني العنوان

لووووووووووووووووول

بيني وبينك فعلا

تأخرت شوي :)

تدوينه جميله

تقبل مروري:)

Foxology said...

اقصوصة

فعلا اللقطة اتأخرت كتييير مش شوية بس :)

شكرا لمرورك وتعليقك :)

dr.lecter said...

اضعف الايمان بجد


ده اقل حاجه الناس تعملها

وبعدين الراجل يعني يشكر انه رمي الجزمه وماشوهش سمعتنا بانه رماه يقذيفه ولا ار بي جي علشان الناس تقول ان العرب ارهابيين واشرار ييييييييع

Eno said...

انا فاخوره بالصحفي ده
وفرحانه في بوش اووووووووووووووي

بكره يعملو المؤتمرات في مساجد
او القاعات يكتبو عليها من بره
برجاء خلع الحذاء وانت داخل
ههههههههههههههه

عاشقه وغلبانه said...

حورج ابن بوش اتضرب بالجزمه يامييييييييييييينز
هههههههههههههه
والله يستاهلها
دي اخره الخدمه ... جزمه مقامها اعلي من مقامه

حاسوباتيه said...

انا كل ما ادخل مدونه او موقع كل الناس مبسوطه وفعلا بجد ده احلى واجمل حدث في 2008 مبروك عليك الجزمه يا بوش مع انها حتى الجزمه خساره فيك
ياريت كلنا ندعي لمنتظر الزيدي يفك كربه لانه اكيد محتاج دعائنا كلنا دلوقتي

الميكروباص said...

ولله يا سيدي ما عادت فارقه
انضرب بعد ايه
ما خلاص
هو احتل العراق وعدم صدام وساب الحكم

وكمان الجزمه مجتش فيه

Foxology said...

dr-lecter

كفاية عليه الجزمة ميستاهلش كتر من كدة

شكرا لمرورك وتعليقك :)

Foxology said...

Eno

كلنا فخورين بالراجل ده
راجل من ضهر راجل بجد فكرنى بالخليفة المعتصم والله :)

انا سمعت ان كل المؤتمرات الصحفية هتتعمل فى المساجد بعد كدة ضمانا لخلع الأحذية قبل الدخول :))

نورتى الكيت كات :)

Foxology said...

هاشقة وغلبانة

فعلا يستاهلها واخر خدمة الغز .. جزمة مقاس 10 :))

شكرا لمرورك وتعليقك :)

Foxology said...

حاسوباتية

ايوة الناس كلها فرحانة كفاية الموقف المحرج قدام العالم كله وبكدة سقطت اخر اوراق التوت كل حاجة بانت ومفيش خداع بعد كدة واشتغالات بالحرية والديموقراطية وحرب الأرهاب والكلام العبيط اللى شبعنا منه ده

شكرا لمرورك :)

Foxology said...

لورنس العرب

مش مهم انها تيجى فيه كفاية يبان موقف العراق والعرب من بوش وبصراحة ووضوح قدام العالم كله

شكرا لمرورك :)

Unknown said...

انا كمان بحييه وانا خجلانة من نفسى

Foxology said...

enjy

الحمد لله ان الواحد جه عليه اليوم ويشوف بوش وهو شكله وحش قدام نفسه اولا وقدام العالم ثانيا

تحياتى :)