زى ما قلت ... الجاتوهات والتورت والعصاير والفاكهة والبيبسى كمان .... اتفضلو بالهنا والشفا
امبارح كان عمرى 24
النهاردة عيد ميلادى
بس عيد ميلادى كان امبارح لما عملتيلى عيد ميلاد بالليل الساعة 12 على التليفون
واول عيد ميلاد بجد كان من سنتين وشهرين وعشرين يوم بالتمام والكمال
شكرا بجد
حاجات تفرح وسط العك اللى عايشين فيه
تـــــحـــــديـــث
بناء على تعليقات السادة الزوار تم الأطلاع على الأنجاز الخاص بالدكتور / مصطفى السيد وتبين انه من افضل علماء الطب المصريين الموجودين بالولايات المتحدة حاليا وهو صاحب اكتشاف دواء جديد لعلاج السرطان بواسطة النانو تكتولوجى وتم منحه ارفع وسام علمى امريكى من قبل الرئيس الأمريكى جورج بوش الأبن كذلك تم تكريمه ببلده الأصلى مصر من قبل رئاسة الوزراء والمركز القومى للبحوث وعدد من المحافل الأخرى المحلية
شرفت مصر يا دكتور مصطفى
بقالنا يومين اهو بنسمع حاجات تفرح عن المصريين بس للأسف حاجات خارجية يعنى حاجات بتحصل برة البلد مش جوة البلد
اول حاجة هى تألق مهاجم منتخب مصر عمرو ذكى المحترف فى صفوف فريق ويجان الأنجليزى .. تألقه المستمر ماشاء الله لاقوة الا بالله مع فريقه الأنجليزى فى واحد من اقوى الدوريات الرياضية على مستوى العالم ومش بس كدة لا ده كمان بأة هداف الدورى الأنجليزى برصيد سبعة اهداف بدون منافس حتى الآن ... حاجة تشرف لما بشوف الجمهور الأنجليزى لابس التى شيرت بتاعه وماسك علم مصر
تانى حاجة هى بطولة العالم للأسكواش المقامة بانجلترا اليومين دول وان مبارة النهائى هتبقى بين اتنين لاعبين مصريين احدهم رامى عاشور بطل العالم للأسكواش لفئة الشباب واللى فاز فى الدور قبل النهائى على بطل العالم اللاعب المصرى المخضرم عمرو شبانة بطل العالم 3 مرات متتالية واهى حاجة تقول ان مصر فيها حاجات كويسة وناس بتعرف تنجح اهى
تالت حاجة هى وصول النادى الأهلى المصرى لنهائى بطولة افريقيا للأندية ابطال الدورى لكرة القدم للموسم الرابع على التوالى وان شاء الله يفوز بالكأس ويوصل كاس العالم للأندية للمرة الثالثة ومن نجاح الى نجاح
كل اللى فات كان نجاح مصرى مبهر لكن للأسف فى مجال واحد بس ... الرياضة ... كان نفسى يبقى مجالات تانية كتيرة زى الزراعة والصناعة والتجارة والسياسة و .. و .. و
عموما احب اقول ان العك وصل منتهاه ... من امبارح والبلد واقفة تماما بسبب اصلاحات كوبرى اكتوبر اللى حبكت تتعمل دلوقتى فى بداية الدراسة وزحام كل يوم اللى بأة مرض مزمن فى جسم العاصمة ... احب اقول للسيد صاحب القرار الخاص بالصيانة فى التوقيت الحالى ... الله يقرفك زى منتا قارف الناس دى كلها ومش عارفة توصل اشغالها ولا دراستها بالمنظر ده
الفراغ والأتزان واشياء اخرى
حالته النفسية مثل الطريق الطويل الخضرة على جانبيه ولكنه فى الوسط تماما مقفر جدا لدرجة انه اذا مشى حافى القدمين قد يتألم
-----------------------------------------------------------------------------------------------
يمشى فى الوسط دائما فخير الأمور الوسط ولكنه مرهق الآن لأن الطريق طويل ويرغب فى الراحة لأنه عندما يشعر بها سيكون بمقدوره وقتها ان يشعر غيره بنفس الراحة التى شعر هو بها اولا ولكن الطريق كما قلت ... طويل
-----------------------------------------------------------------------------------------------بينما يمشى يفضل ان يحدق فى الفراغ حوله وفوق رأسه تماما يبحث عن نفسه عن وجهه هو ولكنه يجدها هى تناديه بكل قوتها وبكل ما فيها من حنان ودفء ان اقترب ها انا اقترب اكثر واكثر معى الحياة وانا سرها الدفين يبتسم يشكر الله على وجودها فى ذلك الفراغ الهادئ المميت هدوئه
-----------------------------------------------------------------------------------------------
تتضايق لتعبه ورغبته الملحة فى الوصول للنهاية او الحصول على الراحة على الأقل .. يتضايق بدوره .. تتعقد الأمور قليلا وتهب رياح باردة على العشب الأخضر على جانبى الطريق .. يغمض عينيه للرياح الباردة وعندما تمر يعود للتحديق فى الفراغ ويجدها دائما تناديه
-----------------------------------------------------------------------------------------------
اه لو تعلم ما اهميتها لديه .. هى النجم الذى يهتدى به طول طريقه الطويل البعيد .. هى الراحة نفسها ولكنه لا يدرى لماذا لا يجيب ندائها ؟
-----------------------------------------------------------------------------------------------
فى ذلك الفراغ ليست وحدها .. يجد اشياء كثيرة غيرها .. الأحاسيس المختلفة المتوحدة فى احساس واحد فقط ... التعب
-----------------------------------------------------------------------------------------------ايضا يجد الأتزان .. اجتماع الرغبة وعدم الرغبة فى نفس الوقت .. تتساوى الصفحات التى قرأها مع الكلمات التى نطقها ... تتساوى المشاعر عدا شعور واحد بالأحتياج اليها دائما والأشفاق عليها من طريقه الطويل
-----------------------------------------------------------------------------------------------
عذرا ... طريقى طويل .. تعبى كبير ... اشفاقى عليكى جعلنى اتمنى لو انى بجناحين اقطع الطريق الطويل فى لمح البصر
Subscribe to:
Posts (Atom)