السجن ثلاث سنوات للصحافي منتظر الزيدي الذي رشق الرئيس الاميركي بحذائه
وقال القاضي عبد الامير حسان الربيعي ان المحكمة قررت سجن الزيدي ثلاث سنوات، بعد ادانته بتهمة الاعتداء على رئيس دولة اجنبية خلال زيارة رسمية.
وقد اكد الزيدي خلال الجلسة انه غير مذنب قائلا "ان ردة فعلي كانت طبيعية، واي عراقي مكاني كان سيفعل ذلك".
من جهته، قال محامي الدفاع يحيى العتابي "لقد توقعنا هذا لان التهمة هي الاعتداء على رئيس دولة اجنبية خلال زيارة رسمية" وعقوبتها قد تصل الى السجن 15 عاما. واضاف "سنستانف حكم المحكمة" المخولة النظر في شؤون الارهاب
تعليقى : طبعا منتظر الزيدى لحد دلوقتى شاف عذاب وعقاب اكبر بكتير من 3 سنين ولا ايه ؟؟
السجن 7 سنوات لممدوح إسماعيل فى قضية غرق السلام 98 وبراءة ابنه
قضت محكمة جنح مستأنف سفاجا فى جلستها الأربعاء بالحكم غيابيا بالسجن 7 سنوات مع الشغل للمتهم الأول ممدوح إسماعيل رئيس مجلس إدارة شركة الملاحة و3 سنوات مع الشغل لكل من ممدوح عرابى مدير الأسطول البحرى بالشركة ونبيل السيد شلبى مدير فرع شركة الملاحة بسفاجا وإلزامهم بالمصاريف والمتهمين فى غرق العبارة السلام 98 والتى راح ضحيتها 1033 راكبا وإصابة 377 آخرين فى فبراير 2006.
24 comments:
زميلى بيقولى احنا عندنا الانتربول قولت له ومين هيطلب منه قالى اه فهمت بس خلاص
خلي حل الفزوره في سرك
بأه اللي ضرب الرئيس الامريكي السابق
ياخد علي دماغه كله ده لمجرد انه بيقول للظلم لا بطريقه ايجابيه !!!
وواحد زي ممدوح اسماعيل اتسبب في موت الاوف وفي الاخر يارتها كانت الروس اتساوت ده واحد بينعم بحياته بره وهما هنا بيوهمونا انه القانون بياخد مجراه والتاني المسكين يتحكم عليه ويتعذب وهو ولا قتل ولا موت !!
عااااااااادي بقت سلطه
شوف يافوكس بصراحه انا اتحرق دمي لما عرفت الحكم الاول والتاني
يعني كده ضربة الحزاء علي وجه بوش اتعادلت 350 شهيد من بتوع العباره
ماهو خد7سنين في الف شهيد
يبقا التلات سنين ونص ب500شهيد والزيدي واخد 3سنين يبقا كده
صح
حسبي الله ونعم الوكيل
انا اتعودت في سلو بلدنا أم الدنيا وبنت عم الآخرة مصر إن مش كل حاجة نصدقها ونجري وننبسط وننسي الأسية
الحكم اللي صدر ضد صاحب العبارة حكم مهديء ليس إلا
مهدئات للشعب لكن تفتكر هايتنفذ
كان اتنفذ حكم وقف تصدير الغاز لإسرائيل وبعدين لسة فيه إستئناف
بصراحة يايوسف النفس غالية آه بس كان اكبر عقاب لممدوح إسماعيل أنه يدفع دية كبيرة لأسر الضحايا
وساعتها يحترم نفسه ويكهن العبارات بتاعته والتي تستحق لقب سفيرة عزرائيل عن استحقاق وجدارة
سلامي لحبيبة قلبي الرقيقة إينو
Eno
حل الفزورة كلنا عارفينه بس مفيش جوايز :)
بقت سلطة على رأيك
شكرا لمرورك وتعليقك :)
Appy
بالظبط هو ده
وهو ده حل الفزورة
شكر المرورك وتعليقك
شمس النهار
الحسبة صح للأسف :(
ربنا يرحمنا برحمته
شكرا لمرورك وتعليقك
المفقوعة مرارتها
ولو دفع الدية هتفرق معاه ؟؟؟
مفتكرش
لنا الله
شكرا لمرورك وتعليقك
بقي سبع سنيين بس مقابل 1033 قتيل يابلاش يعني الواحد تقريباً كده عليه يومين ونصف......تخفيضات تخفيضات
الحل تونس طبعا
مساء الفل
3omda
مهو ده بمناسبة الأوكازيون
عليه العوض
شكرا لمرورك وتعليقك
enjy
وممكن تكون الأجابة >> لندن
شكرا لمرورك وتعليقك
لا تعليق
لا يافوكس مش فزورة
دى لعبة ومحسووبة
ولا عزاء للضمير
بقولك
=================
انت ليك علاقة بشبرا ..؟؟
بالتسبه للصحفي الجميل منتظر مع ان الحكم طبعا ظلم بس نقول الحمد لله انها جت على قد كده برضو
بالنسبه لممدوح اسماعيل فحسبي الله ونعم الوكيل
دي البطيخ صح
حاسس ان مفيش امل
بالنسبة لممدوح اسماعيل
احب ان اقولك لك انه حتى لو كان في مصر
من يجرؤ على الامساك به؟
ده راجل ملياردير
صعب جدا واحد معاه مليار او اكثر انه يتعمل فيه اي حاجه داخل البلد
قبلاوى
لا تعليق فعلا
شكرا لمرورك وتعليقك
دعاء مواجهات
الأجابة هى لا عزاء للضمير
بالنسبة لشبرا فانا اساسا من روض الفرج لكن مبقيتش مقيم فيها ولا ليا علاقة بيها حاليا
شكرا لمرورك وتعليقك
حاسوباتية
الحكم اساسا فى التهمة دى 15 سنة وده حكم مخفف جدا ومع ذلك فهو ظلم اكيد ومحامى الدفاع هيستأنف لسه
ممدوح اسماعيل ربنا يديه على قد نيته
شكرا لمرورك وتعليقك
صوت من مصر
تقريبا :))
شكرا لمرورك وتعليقك
لورنس العرب
فعلا حتى لو كان ف مصر مين يقدر ؟؟؟؟
الشبكة مبتمسكش السمك الكبير :)
شكرا لمرورك وتعليقك
هي مسخرة بكل المقاييس
يعني واحد ضرب واحد بجزمة ياخد 3 سنين سجن
وواحد اتسبب في قتل الف شخص ياخد سبع سنين وده بعد الاستئناف!!!!!!!!
احنا في زمن المسخ!!!!!!!!
رنا
عالم ماريونت
احنا فعلا ف زمن المسخ
شكرا لمرورك وتعليقك اول مرة بالكيت كات
Post a Comment