ناس وناس

السجن ثلاث سنوات للصحافي منتظر الزيدي الذي رشق الرئيس الاميركي بحذائه

اصدرت المحكمة الجنائية المركزية الخميس حكما بالسجن ثلاث سنوات على الصحافي العراقي منتظر الزيدي الذي اكتسب شهرة عالمية بعدما رشق الرئيس الاميركي جورج بوش بحذائه اثناء زيارته الى بغداد قبيل انتهاء ولايته.

وقال القاضي عبد الامير حسان الربيعي ان المحكمة قررت سجن الزيدي ثلاث سنوات، بعد ادانته بتهمة الاعتداء على رئيس دولة اجنبية خلال زيارة رسمية.

وقد اكد الزيدي خلال الجلسة انه غير مذنب قائلا "ان ردة فعلي كانت طبيعية، واي عراقي مكاني كان سيفعل ذلك".

من جهته، قال محامي الدفاع يحيى العتابي "لقد توقعنا هذا لان التهمة هي الاعتداء على رئيس دولة اجنبية خلال زيارة رسمية" وعقوبتها قد تصل الى السجن 15 عاما. واضاف "سنستانف حكم المحكمة" المخولة النظر في شؤون الارهاب

تعليقى : طبعا منتظر الزيدى لحد دلوقتى شاف عذاب وعقاب اكبر بكتير من 3 سنين ولا ايه ؟؟


السجن 7 سنوات لممدوح إسماعيل فى قضية غرق السلام 98 وبراءة ابنه


قضت محكمة جنح مستأنف سفاجا فى جلستها الأربعاء بالحكم غيابيا بالسجن 7 سنوات مع الشغل للمتهم الأول ممدوح إسماعيل رئيس مجلس إدارة شركة الملاحة و3 سنوات مع الشغل لكل من ممدوح عرابى مدير الأسطول البحرى بالشركة ونبيل السيد شلبى مدير فرع شركة الملاحة بسفاجا وإلزامهم بالمصاريف والمتهمين فى غرق العبارة السلام 98 والتى راح ضحيتها 1033 راكبا وإصابة 377 آخرين فى فبراير 2006.

تعليقى : ممدوح اسماعيل فى لندن .. ومفيش بينا وبين الأنجليز تبادل متهمين صح ؟؟ المطلوب حل الفزورة بأة



24 comments:

Empress appy said...

زميلى بيقولى احنا عندنا الانتربول قولت له ومين هيطلب منه قالى اه فهمت بس خلاص

Eno said...

خلي حل الفزوره في سرك


بأه اللي ضرب الرئيس الامريكي السابق

ياخد علي دماغه كله ده لمجرد انه بيقول للظلم لا بطريقه ايجابيه !!!

وواحد زي ممدوح اسماعيل اتسبب في موت الاوف وفي الاخر يارتها كانت الروس اتساوت ده واحد بينعم بحياته بره وهما هنا بيوهمونا انه القانون بياخد مجراه والتاني المسكين يتحكم عليه ويتعذب وهو ولا قتل ولا موت !!

عااااااااادي بقت سلطه

شمس النهار said...

شوف يافوكس بصراحه انا اتحرق دمي لما عرفت الحكم الاول والتاني
يعني كده ضربة الحزاء علي وجه بوش اتعادلت 350 شهيد من بتوع العباره
ماهو خد7سنين في الف شهيد
يبقا التلات سنين ونص ب500شهيد والزيدي واخد 3سنين يبقا كده
صح
حسبي الله ونعم الوكيل

المـــفـــــــقــــــــوعـــــة مــرارتـهــا said...

انا اتعودت في سلو بلدنا أم الدنيا وبنت عم الآخرة مصر إن مش كل حاجة نصدقها ونجري وننبسط وننسي الأسية
الحكم اللي صدر ضد صاحب العبارة حكم مهديء ليس إلا
مهدئات للشعب لكن تفتكر هايتنفذ
كان اتنفذ حكم وقف تصدير الغاز لإسرائيل وبعدين لسة فيه إستئناف
بصراحة يايوسف النفس غالية آه بس كان اكبر عقاب لممدوح إسماعيل أنه يدفع دية كبيرة لأسر الضحايا
وساعتها يحترم نفسه ويكهن العبارات بتاعته والتي تستحق لقب سفيرة عزرائيل عن استحقاق وجدارة
سلامي لحبيبة قلبي الرقيقة إينو

Foxology said...

Eno

حل الفزورة كلنا عارفينه بس مفيش جوايز :)

بقت سلطة على رأيك

شكرا لمرورك وتعليقك :)

Foxology said...

Appy

بالظبط هو ده

وهو ده حل الفزورة

شكر المرورك وتعليقك

Foxology said...

شمس النهار

الحسبة صح للأسف :(

ربنا يرحمنا برحمته

شكرا لمرورك وتعليقك

Foxology said...

المفقوعة مرارتها

ولو دفع الدية هتفرق معاه ؟؟؟
مفتكرش

لنا الله

شكرا لمرورك وتعليقك

3omda said...

بقي سبع سنيين بس مقابل 1033 قتيل يابلاش يعني الواحد تقريباً كده عليه يومين ونصف......تخفيضات تخفيضات

Unknown said...

الحل تونس طبعا
مساء الفل

Foxology said...

3omda

مهو ده بمناسبة الأوكازيون

عليه العوض

شكرا لمرورك وتعليقك

Foxology said...

enjy

وممكن تكون الأجابة >> لندن

شكرا لمرورك وتعليقك

KEBLAWYAT said...

لا تعليق

دعاء مواجهات said...

لا يافوكس مش فزورة

دى لعبة ومحسووبة

ولا عزاء للضمير

بقولك
=================
انت ليك علاقة بشبرا ..؟؟

حاسوباتيه said...

بالتسبه للصحفي الجميل منتظر مع ان الحكم طبعا ظلم بس نقول الحمد لله انها جت على قد كده برضو

بالنسبه لممدوح اسماعيل فحسبي الله ونعم الوكيل

صوت من مصر said...

دي البطيخ صح
حاسس ان مفيش امل

الميكروباص said...

بالنسبة لممدوح اسماعيل
احب ان اقولك لك انه حتى لو كان في مصر
من يجرؤ على الامساك به؟
ده راجل ملياردير
صعب جدا واحد معاه مليار او اكثر انه يتعمل فيه اي حاجه داخل البلد

Foxology said...

قبلاوى

لا تعليق فعلا

شكرا لمرورك وتعليقك

Foxology said...

دعاء مواجهات


الأجابة هى لا عزاء للضمير

بالنسبة لشبرا فانا اساسا من روض الفرج لكن مبقيتش مقيم فيها ولا ليا علاقة بيها حاليا

شكرا لمرورك وتعليقك

Foxology said...

حاسوباتية

الحكم اساسا فى التهمة دى 15 سنة وده حكم مخفف جدا ومع ذلك فهو ظلم اكيد ومحامى الدفاع هيستأنف لسه

ممدوح اسماعيل ربنا يديه على قد نيته

شكرا لمرورك وتعليقك

Foxology said...

صوت من مصر

تقريبا :))

شكرا لمرورك وتعليقك

Foxology said...

لورنس العرب

فعلا حتى لو كان ف مصر مين يقدر ؟؟؟؟

الشبكة مبتمسكش السمك الكبير :)

شكرا لمرورك وتعليقك

عالم ماريونت said...

هي مسخرة بكل المقاييس
يعني واحد ضرب واحد بجزمة ياخد 3 سنين سجن
وواحد اتسبب في قتل الف شخص ياخد سبع سنين وده بعد الاستئناف!!!!!!!!

احنا في زمن المسخ!!!!!!!!

رنا

Foxology said...

عالم ماريونت

احنا فعلا ف زمن المسخ

شكرا لمرورك وتعليقك اول مرة بالكيت كات