شخابيط على جدران كلية الألسن



البانر اللى فوق ده عبارة عن بانر مدونة صديقى العزيز محمود محمد حسن صاحب مدونة شخابيط اللى تقرر حاليا انه يتم تدريسها كدراسة تحليلية بكلية الألسن جامعة عين شمس للفرقة الثانية

المدونة عبارة عن خواطر جميلة جداااا وقصص جميلة جدا جدا جداااااااااا بتثبت ان فعلا اسكندرية دى ( بلد محمود ) طول عمرها ولادة وكفاية لما الكينج (اللى محمود بيعشقه وانا كمان) قال : يااسكندرية بحرك عجايب .. ياريت ينوبنى من الحب نايب .. كأنى كلمة من عقل بيرم .. كانى غنوة من قلب سيد

مبروووك يا حودة وان شاء الله الكتاب ينزل قريب بأة بلاش كسل


22 comments:

Eno said...

الف مبروك بالنجاح والتوفيق الدائم:)

Foxology said...

Eno

مبروك لمحمود :)

شكرا لمرورك وتعليقك ونورتى الكيت كات :)

enjy said...

يا ابنى مش انا اسكندرانية؟؟ يبقى دة طبيعى جدا
دة تهريج طبعا بس بعيدا عن التهريج محمود محمد حسن دة شخص زى الفل ويستاهل ان يحصل له حاجات حلوة كتير اوى وفعلا اسلوبة تحفة وماشاء الله طريقته جبارة فى الحكى

Foxology said...

enjy

فعلا محمود شخص ممتاز ويستاهل كل خير والله

شكرا لمرورك وتعليقك :)

كيــــــــــــارا said...

مبروووووووووك لمحمود

هو ييستاهل بجد اكتر من كدا

شمس النهار said...

بفرح اوي لما بعرف ان مدون او مدونه بيتعرف والناس بتسمعه

بحس ان ده فرح لينا كلنا
قول له عني
شمس بتقول لك الف مبروك

الشعب لابد له من حكومه تشكمه said...

اول مشوفت كلمه السن جيت جرى اصلى خريجه الكليه دى:)

مبروك لاستاذ لمحمود واكيد هزور مدونته اباركله ويارب بس اللى هيدرسوا الكتاب ده ميخلوش الطلبه يدعو عليك يامستر محمود اصلى عارفه كويس دكاتره اللغه العربيه هناك...
ربنا يستر عليك يا استاذ محمود

صوت من مصر said...

مبروك لحوده
والاخلى الغنوه
طبعا منير

محمود محمد حسن said...

انا متشكر ليك يا احمد متشكر ليك اوي صراحة انا محرج من كرم اخلاقك وزوقك ده والكلام ده يعني صراحة كتير اوي عليا، انا ما استاهلش الكلام ده والله وانا اقل من كده بكتير،

متشكر ليك جدا ، ومعلهش بقى اسمحلي ارد على التعليقات معاك، يعني انت دخلتني هنا بقى فمعلش حعتبر إني شريك في المدونة لمدة بوست واحد وارد على الناس

معلهش بقى

eno

متشكر ليكي اوي

إنجي

متشكر لكلامك ده يا انجي وانتي برضه بنت زي الفل ، ربنا يكرمك يا رب

Foxology said...

محمود محمد حسن

العفو يا حودة انت تستاهل كل خير والله وكلنا بنحبك جداااا وده اقل حاجة ممكن الواحد يعملها مع صاحبه خصوصا ان صاحبه ده فنان من اسكندرية بحر العجايب :)

المدونة مدونتك طبعا مفيش كلام رد براحتك يا عم محمود الفرح فرحك :)

نورتنى بجد :)

Foxology said...

كيارا
شمس النهار
الشعب والحكومة
صوت من مصر


الله يبارك فيكم ومحمود انسان جميل وصاحب بجد يستاهل كل حاجة حلوة :)

نورتونى فى الكيت كات :)

محمود محمد حسن said...

كيارا
--------
الله يكرمك يا رب ، متشكر ليكي اوي ، اتنين مبروك في حتتين كده جامد اوي عليا، انا متشكر اوي ليكي

شمس النهار
----------
وليه يقوله عنك ، وصلتني منك ، وفرحتك دي تدل على روح طيبة متشكر ليكي اوي يا شمس النهار

شيماء صاحبة مدونة الشعب لابد ليه من حكومة
--------------------------

متشكر ليكي اوي ، الطلبة اللي هناك قالوا انهم استمتعوا بالبوست وانا فرحت جدا من ده ، بس فعلا قالوا ان الدراسة والتحليل كان صعب شوية،

متشكر ليكي

محمد كمال
--------
متشكر ليك

عالم ماريونت said...

انا مبسوطة لمجرد اني سمعت اسم كليتي الحبيبة كلية الألسن

انا بموت في الكلية دي وبارب اعرف ارجعلها تاني

الف مبروك لية

رنا

Foxology said...

عالم ماريونت

الكلية طبعا لا غبار عليها كلية ليها اسمها ومكانتها

محمود فعلا فنان ومبروك ليه :)

شكرا لمرورك وتعليقك :)

محمود محمد حسن said...

ماريونت:-
----------

متشكر ليكي ومتشكر لكليتك الحبيبة ادتني دفعة جامدة

3omda said...

الف مبروك لمحمود.

Foxology said...

3omda

مبروك لمحمود

فينك ؟؟؟؟ وحشنا ووحشنا كلامك

نورتنى يا عمدة

Nostor Azzuro said...

احنا الاسكندرانية
احسن ناس

Foxology said...

Nostor Azzuro

اكيد اسكندرية وناسها احسن حاجة ف مصر :)

شكرا لمرورك وتعليقك :)

سبهللة said...

مبروك لصاحبها
وانا هاروح اشوفها دلوقتى
سلام

Foxology said...

سبهللة

مبروك لمحمود وشكرا لمرورك وتعليقك

BeLLa said...

:) السلام عليكم انا طالبة فى كلية السن الفرقة التانية واحب اقول دى كانت اول مرة اسمع عن المدونة دى فى الواقع ...بس عجبنى جدا المقال..:)