الصين فى كل مكان

الصينيون لم يكتفوا بغزو أسواقنا عن طريق المنتجات .. ولم يكتفوا بطرق ابوابنا ليلا ونهارا لعرض بضائعهم علينا ... فقرروا أخيرا ان يخرجوا علينا من شاشة التلفزيون باطلاق قناة فضائية صينية ناطقة باللغة العربية

أخشى ان يأتى اليوم الذى أجد فيه شخصا صينيا ينزل من صنبور المياه

الخبر من بى بى سى


20 comments:

The illusionist said...

والله العظيم خبر زى العسل على الصبح
بتفكرنى يوم ما قريت خبر استيراد الفجل الصينى
كنت فرحان قوى
حسيت بقوه اقتصاد مصر الفجلى

Eno said...

هههههههههههههههههه

سمعت الخبر ده في قناة الفطيره العربيه وبرضه قولت نفس الكلام اللي قولته الصين دي خالص بقو ملوك العالم
وحشني موضيعك يافوكس مش تغيب كتير تاني

دمت بخير :)

الميكروباص said...

انا جالي صورة على الميل من كام يوم كانت معجزه
الصين اخترعت شيشه محموله
هي عباره عن شيشه حجمها في حجم كف اليد بتتعلق في البنطلون والخرطوم بتاعها عامل زي سوسته بيتشد وبيدخل لوحده زي سلك المكنسه كده
والمعسل بيتحط وله مكان وجيد التهويه عن طريق وجود فتحات على الشيشه من فوق
هي الشيشه مغطاه لأنها بتعمل بالحراره والفتحات دي هي اللي بتديها التهويه

الحقيقه انا فضلت ابص للصورة وبلمت

وعرفت ان العالم دي عفاريت، غزوهم للعالم لم يكن صدفه
عارفين يخرجوا مننا الفلوس ازاي
ولعلمك- القناه بتاعتهم دي تاخرت كتير وكانت المفروض تطلع من فتره
وهما حاليا عاملين غزو لفريقيا بشده
الاستاد اللي الاهلي لعب عليه في دور ال 32 في بطولة افريقيا مع بطل تنزانيا كان منحه من الصين
والمذيع ساعتها قال ان الصين ماسكه تنزانيا من اولها لآخرها وعملت لهم الاستاد ده مجانا

Mafrousa said...

ياحلولى
عملو قناة فضائية باللغة العربية
ياصلاة الزين
بكرة حيشغلوا فيها مذيعين لبنانين و مصريين
انابقاده بسميه احتلال
مش احتلال عسكري
لا احتلال من نوع تاني خالص و بكرة نقول مفروسة قالت
اذا كان اللبان يا محترم لاقيت منه الصيني
:( حاجة تفرس

Kiara said...

ناس شغاله والله

المشكله فينا احنا بجد

Foxology said...

Eno

والله بجد فعلا بقو ملوك العالم بدون منازع وكله من غير نقطة دم واحدة عالم بتفكر صح

نورتى الكيت كات :)

Foxology said...

THE illusionist

ههههههههههههههههههههههههههههههههههههه

فجل صينى ؟ :))))))

عشنا وشوفنا :))

تحياتى ونورت الكيت كات :)

Foxology said...

لورنس العرب

شيشة محمولة ؟؟ دى ثورة فى عالم المقاهى وهتبقى خسارة كبيرة لصناعة الدخان ولأصحاب القهاوى كمان

والله بجد احنا فى زمن الهرتلة العظمى

تحياتى ونورت يا باشمهندس :)

Foxology said...

واحدة مفروسة

لالالا هيشغلو مذيعين صينييين برضه بس بيتكلمو عربى لبلب هما الناس دول هبل علشان يشغلو اجانب ؟؟ اذا كان دول نفسهم اللى بيقعدو ولاد البلد ف بيوتهم يبقو هيجيبو حد يقعدهم فى بيوتهم ؟؟

عليه العوض :))

تحياتى ونورتى الكيت كات :)

Foxology said...

كيارا

بالظبط الناس دى بتشتغل وقبل ما تشتغل بتفكر كويس اوى وتحسبها اوى اوى كمان

تحياتى وشكرا لمرورك وتعليقك :)

tarek momen said...

من زمان وانا قلت مش ناقص غير الفول و الطعمية يبقوا صناعة صينية
وتقريبا عملوها
دلوقتي مش ناقص فعلا غير انهم يصنعوا رئيس صنع في الصين يبقي فعلا كتر خيرهم

صوت من مصر said...

انا فعلا قريت الخبر

حاسوباتيه said...

هههههههههه حتى دي كمان ورانا ورانا

الازهرى said...

بجد يا عمنا انا مش شايف اى وجه للاستغراب

تعرف كان معانا مجموعة من الصين فى شغل معين

ولن تتخيل كفائتهم ولا استعدادهم الفطرى للعمل ولو 96 ساعة متواصلة ما دام الشغل محتاجهم

وكمان فى حاجة عندهم هناك ومش موجود عندنا للاسف سواء فى الشركات الخاصة او الحكومى او فى امور الدولة المختلفة

الانتماء

Foxology said...

Tarek Momen

والله يا استاذ طارق ده اللى ناقص وعموما الفاكهة والخضار الصينى مغرقين الأسواق

لو عملوها بأة فى حكاية الرئيس دى تبقى حدوتة كبيرة بس ياترى هيبقى متبرمج على مزاج الشعب ولا مزاج الناس التانيين ؟؟

نورتنى بمرورك الكريم :)

Foxology said...

صوت من مصر

طب مقولتش يا كيمو ايه رأيك ؟؟

نورت الكيت كات :)

Foxology said...

حاسوباتية

اه طبعا هما وراهم غيرنا ؟؟

شكرا لمرورك وتعليقك :)

Foxology said...

الأزهرى

انا اعتقد ان معظم البلدان الأسيوية كدة .. ماعدا طبعا شبه الجزيرة العربية للأسف .. حب الوطن والأنتماء ليه بالفعل مش بالكلام وحب الشغل مهما كانت الظروف

نورت الكيت كات :)

Empress appy said...

لا هيعملوا عرسان وعرايس صينين ارخص فى الجواز من المصريين

Foxology said...

Appy

بالظبط ويبقو قضو على مشكلة العنوسة وتكاليف الجواز الخيالية

يلا ما علينا

شكرا لمرورك وتعليقك :)