يا أما يسيبونا فى حالنا .. يا اما يلغوه ويريحو دماغهم ودماغنا


كلنا عرف موضوع تحديد سعات التحميل من الأنترنت فيما يسمى بسياسة الأستخدام العادل .. عادل قال ... والموضوع كله نصب ف نصب وكفاية اوى كدة بجد احنا مش عبيد عندهم

الحملة القومية لمحاربة تحديد سعات التحميل من الأنترنت

جروب الفيس بوك وكيفية الأشتراك فى الحملة

هــــــــنـــــــا


16 comments:

Eno said...

الموضوع ده يافوكس كان اول موضوع نتناقش فيه في لقاء المدونين وانه غير قانوني ولا يوجد اي عقود تنص عليه

وفعلا اتفقو انهم يعملو وقفه واعتراض كل حد علي مدونته

ربنا يرحمنا
تحياتي

الميكروباص said...

مفيش فايده في الكلام
هايعملوا اللي هما عاوزينه بغض النظر عن اي شيء او اي اعتراض

الازهرى said...

بصراحه معلوماتى معدومه فى الموضوع ده
وكمان انا بعيد جدا عن الفيس بوك او المنتديات

يا ريت لو معلومات عنها يبقى خير

تحياتى دوما

Foxology said...

Eno

كويس جدا ان اللقاء فعلا اتكلم عن الموضوع ده لأنه موضوع مهم جدا لأى حد بيستخدم الأنترنت فى مصر

شكرا يا اينو على المعلومة

نورتى الكيت كات :)

Foxology said...

لورنس العرب

اتمنى انه يكون العكس هو اللى يحصل يا باشمهندس وياعالم ممكن فعلا يتراجعو تحت الضغط العام وكان الجروب الأساسى على الفيس بوك اللى متبنى الحملة وصل عدد اعضائه النهاردة الصبح لحوالى 21 الف مشترك اعتقد ممكن يعملو حاجة

تحياتى ليك وشكرا لمرورك وتعليقك :)

Foxology said...

الأزهرى

شوف يا مولانا القصة بالمختصر المفيد هى انك لو مشترك مع شركة تى ايه داتا او لينك فى خدمة الدى اس ال هيبقى ليك عدد محدد من الجيجا بايت للتحميل كل شهر وده اساسا مخالف للعقود اللى عملتها الشركات نفسها لما بييجى حد يشترك عندهم لأن المفروض ان الخدمة حسب سرعتها يعنى غير محددة فى كمية الداتا اللى بتعملها داونلوود من الأنترنت

بس

وربنا يرحمنا بأة من الحكومة دى

نورت الكيت كات :)

Eno said...

http://caricatooz.blogspot.com/2009/08/blog-post_07.html

اللينك ده يافوكس هيوضح الموضوع اكتر لانه شرح باستفاضه اللي لينا واللي علينا

ياريت تعمله اضافه في الموضوع
اتمني اكون افدتكم :)

Foxology said...

Eno

شكرا على الأضافة يا اينو :)

Hossam said...

اولا زعلان منك جدا لانك مبقتش تعلق عندى مع انك عارف ان تعليقك عندى بيبقى مهم عل العموم برحتك
موضوع التحديد ده محدش هيوافق عليه اطلاقا مع انى شايفة صى جدا لينا بس بردة لا عشان اقعد برحتى
تحياتى لك
رمضان كريم

Foxology said...

Hossam

اولا : متزعلش يا حسام انا بقالى فترة مش بدخل اعلق ولسه من امبارح بس دخلت كذا مدونة وسبت كومنتات غصب عنى فعلا متزعلش يا صاحبى حقك عليا :)

ثانيا : محدش مع سياسة الأستخدام الظالم اللى هما عاملينها دى لأنه قمة التناقض انه يبقى انترنت غير محدود وفى نفس الوقت محدد السعة بالنسبة للتحميل تحس انهم بيشتغلونا

تحياتى ليك وانا رايح اشوف البوست الجديدة بتاعتك :)

صيدلانيه طالعه نازله said...

الموضوع تحس اننا زى ما يكون اشتركنا مع شويه حراميه وواقعين تحت ايد عصابه نصابين كل يوم يخترعوا سبوبه عشان يقشطونا بيها

Foxology said...

صيدلانية طالعة نازلة

مهو هو ده تعريف الحكومة النظيفة أى المهتمة بنظافة جيوب شعبها الرشيد

وحسبى الله ونعم الوكيل

شكرا لمرورك وتعليقك

mimi said...

تي اي داتا دلوقتي بتتصل بينا علشان نغير صيغة العقود


حاجة.... تغيييييييييظ

دعاء مواجهات said...

اة بجد يافوكس

قال يعنى لاحكاية ناقصة

تعرف انا شايفة انها وسيلة او حاجة بيلهونا وبيشغلونا بيها

واهو كلو قرف لينا وبس ..

بيس يامعلم

Foxology said...

mimi

لحد دلوقتى متصلوش بيا ولو اتصلو هرفض واقول انا هستفيد ايه بالمقابل لما ايغر العقد ؟؟ عاوز حقى

تحياتى وشكرا لأول مرور بالكيت كات :)

Foxology said...

دعاء مواجهات

هو يمكن بس لما السيد جمال عمل س و ج مباشر على الفيس بوك وكل من هب ودب بأة بيدخل ع النت ويسأل قالك لالالا احنا نقلل الموضوع ده الراجل مش ناقصنا

يمكن برضه

تحياتى :)