مين بيضحك على مين ؟؟؟

مصر تحتل المركز الــ 115 بين 180 دولة على مقياس الفساد الأدارى والحكومى على مستوى العالم

بينما السيد صفوت الشريف يبعث ببرقية تبجيل وتفخيم للسيد الرئيس يقول فيها:
أسمحوا لى – يا سيادة الرئيس - أن أعبر عن خالص تقديري وإمتنانى لجهودكم المخلصة وتفانيكم المطلق فى خدمة شعبكم وأمتكم ، حيث قدتم المسيرة بكل حكمة وإقتدار ، والتصميم فى تحقيق برنامجكم الرئاسي الذى حزتم به على ثقة الشعب ، واجهتم التحديات ، متمسكين بقيم أصيلة ، ومبادئ رفيعة .. أرسيتم دعائمها وأكدتم عليها ، إنتصارا للحرية ، وتعزيزا لمسيرة الديمقراطية ، وسيادة القانون ، واحتراما لحقوق الإنسان، والعدالة الاجتماعية ، والتنمية المتواصلة لصالح جموع الشعب وتقدمه ، فضلا عن سياسة خارجية رشيدة تقوم على توازن علاقاتنا مع مختلف القوى العالمية وتحقق لمصر مكانة مرموقة على المستويات العربية والإسلامية والأفريقية والدولية بفضل ما تتمتعون به سيادتكم على المستوى العالمي من مصداقية واحترام

اترك لكم التعليق

16 comments:

Eno said...

هههههههههههههههههه
سياسة القرع المباشر

ياسلالالالالالالالام :))

Unknown said...

ماعدش فيها قول
انت قلت وهم قالوا
لكن للأسف صوت الباطل
اعلى وأجوف.حسبنا الله ونعم الوكيل

Foxology said...

Eno

قرع مباشر ومتعفن كمان :))))

نورتى الكيت كات بالضحكة دى :)

Foxology said...

norahaty

صوت الباطل اعلى واجوف ف بلدنا اليومين دول مفيش كلام الحقيقة واصبتى كبد الحقيقة زى ما بيقولو برضه :)

شكرا لمرورك اول مرة بالكيت كات :)

شمس النهار said...

التعليق
لالالالالالالالالا
تعليق

وان لله وان اليه راجعون
ده لو ماعندهمش مانع يعني

Foxology said...

شمس النهار

تعليق حضرتك لا تعليق عليه برضه :)

معلش هانت :)

شكرا لمرورك وتعليقك :)

الميكروباص said...

قرأت الخبر
ولم اجد ما أقوله
لكن على كل حال الناس حاسه بكل شيء
اتمنى فقط ان يمد الله في عمره حتى الانتخابات القادمه لنرى ماذا فعل في برنامجه الانتخابي وماذا حقق منه

Foxology said...

لورنس العرب

والله ياباشمهندس دى خيبة مش مجرد خبر

وعلى فكرة لو ربنا امد فى عمره للأنتخابات القادمة هيتقال وعد وأوفى وهتشوف

البرنامج الأنتخابى كان من ضمن بنوده الأسكان ولو رجعت لصفحات الأستثمار العقارى فى الأهرام طوال شهر 7 وشهر 8 هتلاقى كل اعلان بيبيعلك شقة او فيلا أو قصر حتى بملايين الجنيهات تحت شعار : تنفيذا لبرنامج الرئيس الأنتخابى .. الظاهر ان الرئيس كان عامل البرنامج لشعب تانى غيرنا والله اعلم !!! او الناس دى بتستهبل وبتظيط فى الزيطة !! يا اما احنا اغبياء بأة ومش فاهمين حاجة

ربنا يرحمنا برحمته

شكرا لمرورك وتعليقك :)

Empress appy said...

ليه تسيب لنا تعليق على كلامهم ليه تضطرنا نقول كلام مش لذيذ
يا فوكس الناس دى عامله مش واخده بالها ومنيمه بعش فى البالوظه علشان الحياه تعدى مصر الدوله الوحيده اللى الوزراء فيها مبيتغيروش

Foxology said...

Appy

سبت ليكم التعليق لأنى اتفقعت بما فيه الكفاية من الخبرين ومبقاش عندى كلام اقوله :S

المشكلة انهم بيشتغلونا واحنا عارفين انهم بيشتغلونا وهما كمان عارفين اننا عارفين انهم بيشتغلونا بس مفيش فايدة يبقى الحال كما هو عليه !!

ربنا يصبرنا

شكرا لمرورك وتعليقك

صيدلانيه طالعه نازله said...

لا تعليييييييييييييييييييييييييييييييييييييييييييييييييييييق
ماذا اقول و هل يمكن ان يقال بعد كل ما قيل

الازهرى said...

المشكله يا صاحببى العيب فين ؟
الكلام ده مش جديد علينا وشايفينه بعنينا
لكن العيب فين ؟ والحل فين ؟

صوت من مصر said...

مش عاوز اسب والعن صفوت الشريف نظرا لصاحب المدونه
بجد
انا ................حرام

Foxology said...

صيدلانية

معلش كلنا كدة مش لاقيين اى تعليق!!

شكرا لمرورك وتعليقك

Foxology said...

صوت من مصر

معلش يا كيمو مهو جوبلز عاد من جديد ;)

شكرا لمرورك وتعليقك

Foxology said...

الأزهرى

العيب فينا احنا يا ازهرى على فكرة !!

شكرا لمرورك وتعليقك