جرعة بنج

تشهد مصر هذه الأيام حقن الشعب بالكامل ليس بمصل أنلفونزا الخنازير والذى طالته الشائعات كثيرا انه يسبب مرض السرطان .. ولكن بمصل من جرعة بنج زائدة عن اللزوم واليكم الجرعة بالتفصيل


أولا : الحديث المستمر ليل نهار عن المباراة المصيرية المرتقبة بين منتخبى مصر والجزائر باستاد القاهرة ليلة 14 نوفمبر .. اى بعد شهر تقريبا من الآن .. والحديث الذى لا ينقطع ليل نهار على شاشات الفضائيات هنا وهناك فى الجزائر بخلاف طبعا المعارك حامية الوطيس على صفحات الجرائد اليومية والأسبوعية بالأضافة طبعا الى الحروب الضارية بين المشجعين من البلدين على المنتديات والمواقع الرياضية على شبكة الأنترنت .. كلام كلام كلام ليس له اول ولا آخر وكأن مستقبل الشعب المصرى متوقف على نتيجة هذه المباراة سواء صعدنا الى كأس العالم ام لا بينما الحقيقة ان كيلو السكر الحر وصل الى خمسة جنيهات للكيلو فى خلال اسبوعين أى الضعف !! ولم يتحدث احد لا فى المنتديات ولا فى الصحف ولا على شاشات الفضائيات

ثانيا : الحملات الألكترونية المكثفة التى تشهدها شبكة الفيسبوك هذه الأيام بخصوص قيام مجموعة من مؤيدى السيد جمال مبارك كرئيس قادم لمصر وعزمهم القيام بحملات تأييد شعبية يوم 14 ديسمبر المقبل أى خلال او بعد انتهاء المؤتمر السنوى للحزب الوطنى الديموقراطى والذى من المفترض ان يتم خلاله اعلان اسم مرشح الحزب لخوض انتخابات الرئاسة عام 2011 والذى نفاه السيد مفيد شهاب وزير الدولة للشئون القانونية والمجالس النيابية تماما فى حين مازالت حملات تلميع السيد جمال مبارك مستمرة وآخرها قيامه بزيارة منطقة النوبة منذ حوالى الشهر وكأن الشعب أهبل لا يستطيع التمييز بين الليل والنهار

ثالثا : مازالت حملات التأييد المستمرة للسيد جمال مبارك بخصوص توليه الرئاسة خلفا لأبيه السيد الرئيس حسنى مبارك واكثر ما اثار ضحكى الأسباب التى ساقها مجموعة من المؤيدين على شبكة الفيسبوك والتى يرون انها اسباب كافية لدعمه للترشح للرئاسة وهذه الأسباب من ضمنها انه تمت تربيته تربية عسكرية بينما الشعب كله يعلم تماما انه لم يدخل الجيش من الأساس ولم تتم تربيته تربية عسكرية فى اى اكاديمية عسكرية فى الداخل ولا فى الخارج وعندما تولى والده الرئاسة كان يدرس وقتها بالجامعة الأمريكية بمصر !! باقى السبب هو انه يواظب على الصلاة !!! ومن من المسلمين الحقيقيين لا يواظب على الصلاة ؟؟ لو كان الأمر كذلك اذن لتقدم للترشيح اكثر من 40 مليون مصلى !!! باعتبار ان هذه الأعداد هى المعبرة عن المسلمين الحقيقيين المواظبين على الصلاة

كذلك السبب الأكثر اضحاكا على الأطلاق هو انه عندما يصبح الرئيس فلن يكلف الدولة أية مصاريف زائدة حيث سيظل فى منزل والده السيد الرئيس مبارك الأب .. قصر الرئاسة .. بنفس طاقم الحراسة والسكرتارية .. الخ ... يا سلام ؟؟؟؟ بالله عليكم الم تضحكوا ولو غيظا ؟؟؟؟

كل هذه الجرعة من البنج مع اعتبار غيرها من التفاصيل التى سقطت من ذاكرتى يتم حقن الشعب بها بينما أسعار السلع الغذائية الأساسية كالسكر والدقيق والزيوت وغيرها فى ارتفاع مخيف .. وكذلك انقطاع المياه عن مناطق بالكامل .. وكذلك استمرار كارثة التيفود بالقليوبية وقرب حدوثها فى المنوفية بسبب استخدام الطلمبات الحبشية .. وكذلك الكشف عن رى آلاف الأفدنة والمزارع السمكية فى محافظة الشرقية بمياه الصرف الصحى والصناعى .. وكذلك مشكلة القمامة التى ليس لها حل .. وكذلك مشكلة توقع انهيار التعليم فى العام الدراسى الحالى بسبب انتشار واكتشاف حالات اصابة بانفلونزا الخنازير واغلاق العديد من الفصول والمدارس على مستوى الجمهورية

النوم ف العسل جميل

18 comments:

Appy said...

قرفانه من اللى بيحصل من حروب فى موضوع الماتشده مش لطيف ومش احترام بجد

موضوع جمال موتنى من الضحك انا نفسى اعرف جابوا العيال دى منين

Foxology said...

Appy

موضوع الماتش شايف انه سبوبة للقنوات الفضائية والجرايد واهو موضوع تتكلم فيه لمدة شهر من دلوقتى لحد الماتش وكمان اسبوعين بعد الماتش

موضوع جمال فعلا عيال مسخرة نفسى اعرف جايين منين دول ؟؟

شكرا لمرورك وتعليقك :)

صوت من مصر said...

شكلى مش لوحدى فى البلد دى

Foxology said...

صوت من مصر

لست وحدك اطمأن .. كلنا هذا المواطن المهروووووس

تحياتى :)

على باب الله said...

المصل بتاع الانفلونزا ارحم يا جدع

Foxology said...

على باب الله

ارحم ؟؟ ممكن فعلا تصدق ؟؟ الشعب كله يتطعم بيه وبعد سنة يفلسع ويقعدو هما براحتهم بأة :))

تحياتى وشكرا لمرورك وتعليقك :)

لورنس العرب said...

بمناسبة ثالثا
انت طبعا عارف ان مباريات الدوري لم تكن تذاع اليوم
ولكن فجأه جاء الفرج وظهر في التليفزيون تنويه عن ان المشكله تم حلها
لكن يا ترى اتحلت ازاي؟
قالوا انه حدث اجتماع وبالامر من -رئيس لجنة السياسات- قال لهم زيعوا المباريات راحوا زايعين الماتشات زي الجزمه بالظبط!@

Foxology said...

لورنس العرب
مهى دى برضه احد علامات تولى الرئاسة ولا ايه يا هندزة


عليه العوض

نورت الكيت كات :)

سومه...مجنونه فى بلد عاقل said...

مع ان مفروسه بتقول رغيف العيش سعره قل
بالنسبه للكوره ادى دقنى لو دخلنا الكاس احنا اخرنا نلاعب موزنبيق

اقصوصه said...

امممم

الله يعننا على ما تخبئه الايام:(

Foxology said...

سومة

مهو الرغيف قل علشان محدش بياكله واكيد اكيد معمول من حاجة غير الدقيق :)))

كأس العالم حلم لأى حد مصرى بيتابع كورة وممكن نوصل وحتى لو وصلنا محدش هيستفيد غير اللعيبة وبس !!

تحياتى وشكرا لمرورك اول مرة بالكيت كات :)

Foxology said...

اقصوصة

ياااااااااااااارب لأن الواحد خلاص بأة قلقان من اى حاجة متعلقة بالمستقبل السياسى فى البلد الحقيقة

تحياتى وشكرا لمرورك وتعليقك :)

صوت من مصر said...

اظن انى فعلا معايا ناس كتير لكن تتوقع هنكون اكتر من التافهين

Foxology said...

صوت من مصر

احنا اقل من التافهين بالطبع لأن التافهين بيشجعو جمال واحنا مش معاهم :))

تحياتى :)

لورنس العرب said...

انت رحت فين يا استاذ

Foxology said...

لورنس العرب

انا موجود متقلقش البوست كانت مشاكسة شوية بس انا لسيه ف بيتنا الحمد لله :)))

تحياتى وشكرا لسؤالك :)

donya said...

اول زياره لهذه المدونه الملتهبه المشتعله
ههههه

انا بقي اللي غايظني
الموقعه الحربيه قصدي المباراة المرتقبه بين مصر والجزائر
اللي مش عارفه هو الجزائر دي مش دوله شقيقه ولا ايه النظام؟؟؟؟؟؟؟

اما باقي البوست الناس خلاص مابقتش عارفه تركز في ايه ولا ايه في السكر والدقيق والرز والا في مين هيحكم والا مايحكمش مين
بصراحه الناس خيبتها الحد والسبت
والمصريين خيبتهم ماوردتش علي حد
وعليه العوض ومنه العوض

*تحياتي

Foxology said...

Donya

موقعة مصر والجزائر فكرتنى بالحرب الأعلامية قبل النكسة وربنا يسترها :)))

الأسعار فى الطالع وسعر المواطن فى النازل بأة تمنه فى حادثة قطر العياط عشرين الف جنيه يعنى يادوب توك توك !!!

شكرا لمرورك وتعليقك :)