كبار بدأنا .. كبار لم نستمر


يحتفل التلفزيون المصرى هذه الأيام بمرور 50 عام على بدء البث لأول مرة عام 1960 ومن مظاهر الاحتفال الفقير اطلاق قناة تلفزيونية اسمها ( التلفزيون العربى ) ومهمتها هى اعادة بث اجزاء من التراث التلفزيونى المصرى منذ بداية البث عام 1960 باذاعة برامج ومسلسلات وخلافه

الى هنا والموضوع عادى جدا ليس به اى اخطاء بل على العكس فكرة اطلاق تلك القناة كانت جيدة الى حد ما ولكنها للأسف الشديد كما يقول الكاتب سليم عزوز فى القدس العربى ... انها كشفت مدى انحطاط المستوى العام للتلفزيون المصرى بعد مرور 50 عام على انشائه خاصة ان هذه القناة تقوم باذاعة مسلسلات وبرامج كانت تفتقر بشدة الى الامكانيات المتاحة حاليا المتقدمة منها وغير المتقدمة وبالرغم من ذلك فانها تبدو وكأنها ذات قيمة فنية واعلامية قيمة للغاية خاصة اذا كانت المذيعات اللاتى يقدمن البرامج من عينة سلوى حجازى أو ليلى رستم أو همت مصطفى وكان الضيوف من أمثال موسيقار الأجيال محمد عبدالوهاب أو الدكتور طه حسين أو فاتن حمامة او غيرهم من الكثير والكثير . هذه القناة للأسف كشفت المستوى الحالى للأعلام المصرى متثملا فى الجهاز الأعلامى الرسمى للدولة وكيف أنه بدأ كبيرا بالفعل ولكنه لم يستمر كبيرا كما يدعون

10 comments:

الميكروباص said...

هي القناه حلوه من منطلق انها تاريخيه

Foxology said...

لورنس العرب

تاريخية حلوة لكن كشفت المستور يا باشمهندس :)

شكرا لمرورك وتعليقك

أنا - الريس said...

وأحسن كلمة عندنا
الريادة
هأو
حلوه دي
:))
وتاريخية كمان ههههههه

AHMED SAMIR said...

زماااان كنا بنستضيف عبد الوهاب و طه حسين
انما نحن الأن نعيش في زمن
تموووووورة
تحياتي

Foxology said...

MR.PRESIDENT

الريادة فى اللاريادة :)

شكرا لمرورك وتعليقك

Foxology said...

AHMED SAMIR

وياريت طمبورة بيرضى انه يطلع على التلفزيون الرسمى للدولة !!!

احنا فى زمن المسخ زى ما قال الأسوانى فى عمارة يعقوبيان

شكرا لمرورك وتعليقك

dr.lecter said...

معندكش علم ادج ايه الناس الكبيره قاعدين ادامها انا نفسي بتفرج عليها كل يوم لما ارجع من الشغل

ماسبيرو انتهي في النصف الاخير من التسعينات مع انتشار الفضائيات وتجاره الاعلانات

Hossam said...

heyyyyyyyy
وحشتنى جدا جدا جدا
long time I didnt see u frind
happy birthday for the ARAB tv
انا سمعت الموضوع ده وعرفت كمان ان نيللى هى اللى المديرة وفرحت ان فى قناة كدة
hope u good and ok frind
bye

Foxology said...

dr.lecter

انا والدى تقريبا مبيغيرش القناة دى وكفاية امبارح كنت قاعد معاه بتفرج على لقاء السحاب زى ما بيتقال .. الدكتور طه حسين مع يوسف السباعى ونجيب محفوظ وعبد الرحمن صدقى الشاعر الكبير بجد مان لقاء عالمى اسطورى

انا قريت كمان ان فى اتجاه ان القناة تبقى مستمرة على طول وتذيع الكنوز دى بعد ما حققت نسبة مشاهدة عالية جدا ومطالب من المشاهدين باستمرار البث

اول مرة احس ان التلفزيون عمل حاجة كويسة

شكرا لمرورك وتعليقك

Foxology said...

Hossam

ازيك يا حسام وحشتنى جداااا والله فينك مختفى بقالك فترة طويلة جدااا

القناة رائعة بكل المقاييس وفعلا عندنا تراث اعلامى ضخم جدا يكاد يكون اسطورى والقناة فكرتها كويسة اوى بس يارب تستمر على كدة

شكرا لمرورك وتعليقك وفى انتظار جديدك