يـوم مـشـمـس


اهدى وزوجتى تلك الورود الى زهرتنا الهادئة التى استمتعنا بمجالستها للمرة الأولى ... شمس النهار ... او شمس المدونات كما احب ان اطلق عليها لأنها شمس بحق فعندما تجلس اليها تشعر بالدفأ الأسرى المصرى الجميل .. كرم الضيافة الممزوج بالاحتفال الجميل بالضيف .. هدوء الصوت الموحى بالطمأنينة اليك .. وصفات اخرى عديدة لا يتسع المجال لذكرها فهى تحتاج الى صفحات عدة يكفى أن اقول ان الوقت مر مرور الرياح فى الصيف لا يشعر بها احد اذ تنبهنا فجأة اننا قد وصلنا الى مرحلة منتصف الليل دون كلل او ملل من حديث بل على العكس استمتاع كامل بكل موضوع تحدثنا فيه وكل رأى استمعنا اليه

شمس النهار ... اتقدم وزوجتى اليكى بكل احترام وتقدير ومحبة ... شفاكى الله وعافاكى من كل سوء والى لقاء قريب ان شاء الله

11 comments:

أنا - الريس said...

اللهم اشفيها وعافيها وابرئها مما هو فيها بحق جلالك ووجهك يا رب العالمين بقدرتك وعظميتك وسلطتك يارب العالمين

شمس النهار هي المدونة الروحية بالنسبة لي .

شمس النهار said...

شكرا علي الورد الجميل ومقبول طبعاا
من احلي زوجين ربنا يحفظكم من العين

انتم اللي نورتوني وشرفتوني وبجد حسيت انكم من الاولادي وجايين تزوروني
حتي الاولاد عندي امبسطوا جدا من الكلام معاكم ومن قعدتكم الظريفه

ربنا يديم المحبه ويخليكم لبعض
انت نعم الشاب المصري الحقيقي
واينو نعم الابنه والزوجه المصريه الرقيقه
ويرزقكم بالزريه الصالحه
ويارب الزياره تتكرر يارب

نورتوني
وشكرا علي الكلام اللطيف انتوا اللي احسن
وشكرا علي الورد
وشكر خاص للشيكولاته

تحياتي

Foxology said...

شمس النهار

والله بجد احنا اللى اتشرفنا بالمعرفة الطيبة دى وربنا يديم الود والمحبة يارب وشكرا لتعليقك الجميل اوى ده

نورتى الكيت كات :)

Foxology said...

MR.PRESIDENT

تقبل الله دعائك سيادة الرئيس

هى الحقيقة ام روحية لينا كلنا ربنا يديم علينا نعمة وجودها بيننا

شكرا لمرورك وتعليقك

صوت من مصر said...

كنت موجود وكان نفسى بجد اشوفك
لكنى مشيت بدرى

Foxology said...

صوت من مصر

والله انا عملت المستحيل علشان الحقكم وكان نفسى اشوفكم بس رجعت من الشغل متأخر وعقبال ما روحت البيت واخدت اينو ونزلنا وانت عارف طبعا زحمة الطريق احنا واصلين هناك بعد 9 مساءا !!

معلش تتعوض وان شاء الله اقرب فرصة نتقابل تانى

شكرا بجد على اهتمامكم يا كيمو ونورتنى

الازهرى said...

خيانة

ولن أزيد

الازهرى said...

خيانة

ولن أزيد

Foxology said...

الازهرى

ههههههههههههههههههههههههههههههههه

والله العظيم حاولت انى الحقكم انا واينو لكن انا خلصت شغل متأخر وطبعا روحت البيت علشان اخد اينو وكدة بس ان شاء الله ملحوقة متقلقش

شكرا لمرورك وتعليقك :))

Eno said...

كان وقت جميل ومش نفس يخلص ولايعدي :)

Foxology said...

Eno

دايما الاوقات الحلوة بتمر بسرعة جدا وبنزعل لما بتعدى

شكرا لمرورك وتعليقك