حمد الله على سلامة مصر

النهاردة بعد تنحى مبارك عن رئاسة مصر وتولى القوات المسلحة لزمام الأمور وأصبحت مصر تعيش ثورة اللوتس البيضاء بكل معانى الثورة .. انتهاء فترة كئيبة سوداء من حكم ديكتاتورى متعفن .. نستطيع أن نقول بكل ثقة : حمد الله على سلامة مصر

من حقنا نفرح .. من حقنا نرتاح شوية .. من حق أهالى الشهداء انهم يرتاحوا ولو قليل .. بس مننساش اننا مطلوب مننا من اول النهاردة مش من بكرة .. مطلوب مننا اننا نصلح اللى اتكسر .. نعيد مصر لحالتها الطبيعية .. والاهم اننا نصبر على الجيش فى تدبير امور البلد .. دلوقتى مفيش لا مجلس شعب ولا مجلس شورى ولا حتى دستور .. مفيش أى حاجة روتينية من اللى كنا متعودين عليها ... الخطوات اللى هتتعمل كتيرة جداااا ومحتاجة وقت طويل .. مش مجرد انتخابات رئاسية مبكرة وخلاص لا فى انتخابات مجلس شعب وشورى ومن قبلهم اعداد دستور جديد فى حالة التخلى عن الدستور الحالى

اهم مكسب ... المصريين حسو انهم اصحاب البلد دى بجد ولا عزاء للأجندات

8 comments:

Empress appy said...

مبروك علينا مبروك لمصر

د. ياسر عمر عبد الفتاح said...

مبروك

بس كده

شمس النهار said...

الف الف الف مبروووووووووك

قول ليوسف شمس بتقول لك وشك حلو علينا

الازهرى said...

فاكر يا صاحبى لما راهنتك على إن الشعب يقدر

والحمد لله قدرنا

ويا رب يكون عهد جديد

Foxology said...

Appy

مبروك علينا مصر ومبروك لمصر علينا

Foxology said...

د.ياسر

مبروك ومفيش اكتر من كدة :)

Foxology said...

شمس النهار

الله يبارك فيكى الحمد لله ربنا ادانا على قد نيتنا

يوسف مبسوووط جدا وكأنه الرئيس القادم :))

Foxology said...

الازهرى

اه فاكر وكنت حاسس فى الفترة الأخيرة ان الثورة جاية وهتبقى ثورة شاملة وعامة وهتمحى النظام من الوجود

الف مبروووووووووووك