فرحنا ؟ طيب يلا نبدأ


الحمد لله انتهت الثورة بتنحى الرئيس مبارك وسقوط نظام ديكتاتورى استمر لمدة 30 سنة بيتغذى بالكذب والتزوير ودماء الشعب المقهور .. مليون تحية وتقدير لأرواح الشهداء الورد اللى فتح فى الجناين وفجر الثورة .. مليون تحية وتقدير للقوات المسلحة اللى وقفت مع الشعب وحمت الثورة زى ما الشعب وقف معاها وحمى انقلاب سنة 1952 .. فرحنا الحمد لله بس دلوقتى بدأت مرحلة اعادة البناء والصورة اللى فوق الكلام ده ابسط دليل نمشى عليه علشان تبقى بلدنا زى ما احنا عاوزين .. ياريت تنشرو الصورة دى على قد ما تقدرو

16 comments:

لورنس العرب said...

اللهم لك الحمد كما ينبغي لجلال وجهك وعظيم سلطانك

صيدلانيه طالعه نازله said...

ياللا نبدا

و كفايه اللى راح

اللى جاى ان شاء الله احلى

شمس النهار said...

صدقني ياابو يوسف

ابتدينا والشباب هناك وهنا بينضفوا واحنا الستات اهو بنستعد ننزل لهم

ومش النضافه في كل المجالاااااااات

Foxology said...

لورنس العرب

الحمد لله رب العالمين

شكرا لمرورك وتعليقك

Foxology said...

صيدلانية طالعة نازلة

بالظبك كدة نبدأ علشان اللى جاى يبقى أفضل ان شاء الله

شكرا لمرورك وتعليقك

Foxology said...

شمس النهار

انا عرفت فعلا ان الشباب اللى فى التحرير بدأو النهاردة من بدرى والجيش كمان ابتدا يشيل الحواجز اللى حوالين الميدان .. اللى جاى احلى ان شاء الله

شكرا لمرورك وتعليقك

MR.PRESIDENT said...

اللهم أتم علينا الفرح بنصر من عندك
وأيد القادة للحكم بشرعك .
و أظهر الفاسدين والمفسدين حتي يتم محاكمتهم محكامه عادلة .
واجعل مصر لواء لك في أرضك .
وكنانة لصيانة دينك و عبداك العرب من كل خطر داهم يا رب .

يااااااااااااارب

Foxology said...

MR.PRESIDENT

آمـــــــيـــــــن


شكرا لمرورك وتعليقك

Eno said...

فعلا يافوكس البدية هتكون من عند كل مصري بيحب بلده وحاسس بالانتماء ليها
يارب يحصل التغير زي مااحنا عاوزينه

تحياتي

Foxology said...

Eno

لو كل واحد بدأ بنفسه هيحصل التغيير اكيد ان شاء الله

شكرا لمرورك وتعليقك

H.F said...

بجد هو ده اللى لازم كلنا نبدأ فيه
التغيير بجد من اول نفسنا وكل اللى حوالينا

انا عارفة انك مانع الاعلانات بس اتمنى انك متمانعش انى انشر اللينك ده
ده ايفنت حملة تنضيف منطقة امبابة والكيت كات
http://www.facebook.com/event.php?eid=140464346017502&pending

AHMED SAMIR said...

لو اتحقق الكلام اللي مكتوب في الورقة دي
هنبقى اعظم من اعظم شعب في الدنيا
قبل 25 يناير كان ممكن الورقة دي تكون كوميدية و درب من الخيال
انما بعد 25 يناير ان شاء الله هتتحقق و احنا اللي هنحققها

Foxology said...

H.F

تم نشر اللينك لأنه هدف مطلوب طبعا وكنت النهاردة فى التحرير ووسط البلد وبتابع حملات تنضيف البلد واعادة رونقها من جديد

ربنا يهدينا ونعمل كل خير لبلدنا

شكرا لمرورك وتعليقك

Foxology said...

AHMED SAMIR

الحمد لله اننا بنقدر نفكر وبنقدر كمان نقنع غيرنا بعد ما قدرنا نغير حاجات كتيرة ولسه هنقدر نغير اكتر بس الصبر

شكرا لمرورك وتعليقك

صوت من مصر said...

ممكن اقولك مبروك
ممكن اقولك اهلا بالحرية
ممكن اقولك
يوسف هيعيش حر ,,,,,,,,,,,,,
مبروك

model said...

انتهينا من الثورة الصغرى للثورة الكبرى

موديل