خيال .. قمر .. فيروز ومنير




قاعد على الكنبة البلدى فى ضهر بيت زينب خاتون
بتشم انقى هوا ممكن تشمه فى قلب القاهرة الفاطمية
هدوء وصفاء جو
سما حاضنة القمر اللى لسه مبقاش مكتمل
فيروز ومنير طيور محلقة فوق راسك بأصواتهم اللى جاية من بعيد من نظام الصوت الخاص بالمكان وكأنهم بيغنو من بلد تانية

لا مكنش حفلة موسيقية ولا عرض اوبرا ... دى كانت قعدة بلدى فى قهوة شعبية سياحية فى منطقة بيت زينب خاتون

تجربة تستحق التسجيل


18 comments:

دعاء مواجهات said...

اكيد تجربة جديرة بالتسجيل والاهتمام
والتكرار كمان

انا حسيت من وصفك انى عاوزة اكون هناك

انا بمووتف الاجواء دى اوى وع فكرة انت كان ممكن توصف بشكل ادق كمان

يوضح احاسيسك وقتها

قولى اروح ازاى هناك؟؟

بيس

Foxology said...

دعاء مواجهات

مهو احساسى وقتها انى عايش فى خيال .. حلم خيالى جميل مش عاوز اصحى منه :)

المشوار سهل جدا

هتنزلى ادام الجامع الأزهر وتمشى من جمبه بحيث يكون باب الجامع الرئيسى على شمالك وبعدين تدخلى اول شمال بحيث ان الجامع الأزهر هيفضل على شمالك وتمشى على طوووووول هتلاقى زى حيطة سد بس يمينها فى شارع ضيق ادخلى الشارع هتلاقى نفسك فى ضهر زينب خاتون ومدرسة العينى والقهوة فى المنطقة الواسعة بينهم

بس :)

شكرا لمرورك وتعليقك :)

محمود محمد حسن said...

لما نتقابل إن شاء الله لازم تاخدني هناك لاااااازم

Foxology said...

محمود محمد حسن

نظبطها مع بعض ان شاء الله :)

هتنور القاهرة يا محمود

شكرا لمرورك وتعليقك :)

Unknown said...

اكيد تستحق جدا

Foxology said...

enjy

تجربة حلوة بجد

شكرا لمرورك وتعليقك :)

Eno said...

واضح انه مكان تحفه علي وصفك يافوكس

نبقي نروحه سوا ان شاء الله

تحياتي :)

Empress appy said...

عارفاها بحبها بس مبقعدش كتير لانه مينفعش من اجمل المناطق حب لقلبى الغوريه والمنطقه اللى وراها

Foxology said...

Eno

ان شاء الله قريب

شكرا لمرورك وتعليقك :)

Foxology said...

Appy

المكان كله تحفة

شكرا لمرورك وتعليقك :)

أحلى حياة said...

السلام عليكم ورحمة الله وبركاته

اللـــــــــــــــــــــــــــــــــه
:D:D

نفسي اعيش الجو دا جدا ومفتقداه جدااااااااااااااااااا
:D

Foxology said...

احلى حياة

وعليكم السلام ورحمة الله وبركاته

هو فعلا جو جميل الواحد بيبقى عاوز يفضل فيه اطول فترة ممكنة

شكرا لمرورك وتعليقك :)

شمس النهار said...

انا حاسه بكل كلمه انت كتبتها
من خلال دراستي في الكليه كنا بنروح كتير القاهره القديمه
كنت بحس وانا هناك احاسيس جميله الناس كمان ليهم طبع خاص
احساسك انك ماشي جوه كتاب تاريخ كم الاعمال المعماريه الفنيه الجميله بيخليك فخور انك جزء من المكان
فكرتني بحاجات جميله جدا

Foxology said...

شمس النهار

بالفعل هى اجواء تاريخية اسطورية كان الواحد ماشى فى كتاب تاريخ :)

شكرا لمرورك وتعليقك :)

Kiara said...

حساها اوي

بصراحه فعلا قعده تستحق التسجيييييل

Foxology said...

كيارا

حالة اكتر منها موقف على فكرة :)

شكرا لمرورك وتعليقك :)

الميكروباص said...

نادرا ما تستنشق هواء غير ملوث بالقاهره
منطقة الأزهر من المناطق الجميله
مجرد الدخول إليها يشعرك بإحساس مختلف

ولكن يا خساره
لما تخرج منها بترجع لوجع القلب

Foxology said...

لورنس العرب

طبعا يا باشمهندس من الصعب اوى ان الواحد يشم هوا نضيف ف قلب القاهرة

القاهرة الفاطمية عموما ليها طابع مميز خاص جدا الواحد بيحس انه ماشى جوة كتاب تاريخ فعلا

نورتنى يا هندزة :)