هو فى ايه ؟؟؟؟

نظيف يتحدى الصيادلة: لن نتراجع.. والحكومة تفشل فى فض إضراب المقطورات

١٦/ ٢/ ٢٠٠٩

احد السائقين يقف أمام المقطورات خلال الإضراب

تصاعدت أزمتا الصيادلة وأصحاب وسائقى مقطورات النقل الثقيل، حيث أعلن الدكتور أحمد نظيف، رئيس الوزراء، تحدى الصيادلة، وأكد خلال اجتماع حضره الدكتور حاتم الجبلى، وزير الصحة، والدكتور حمدى السيد، نقيب الأطباء، عدم تراجع الحكومة عن موقفها فيما يتعلق بإلزام الصيادلة بإمساك دفاتر وسجلات تثبت حقيقة أرباحهم ومحاسبتهم ضريبياً عن السنوات الثلاث الماضية، فيما فشلت الحكومة فى التوصل إلى حل لأزمة أصحاب وسائقى مقطورات النقل الثقيل، وفض إضرابهم الذى يدخل يومه الرابع اليوم.

على صعيد أزمة الصيادلة، يبدأ الآلاف منهم اليوم اعتصاماً شاملاً، ويغلقون صيدلياتهم، تنفيذاً لقرار الجمعية العمومية الطارئة للنقابة التى عقدت يوم الجمعة الماضى، كما تعقد النقابة اليوم أيضاً جمعية عمومية طارئة.

وتقوم اللجان الفرعية، التى تشكلت بقرار الجمعية العمومية، بإدارة عملية الإغلاق خلال هذه الفترة لتوفير الأدوية لأصحاب الأمراض المزمنة والحالات الطارئة، وتختلف طريقة الإغلاق من محافظة لأخرى، حيث تغلق صيدليات بنى سويف تماماً، بينما تتوقف فى دمياط وبورسعيد وكفر الشيخ والقليوبية والغربية، باستثناء واحدة فى كل حى لمواجهة احتياجات الحالات الحرجة، وتتوقف فى الإسكندرية والدقهلية عن العمل حتى الثانية ظهراً.

وعلمت «المصرى اليوم» أن نظيف طلب خلال اجتماع أمس، الذى كان مخصصاً لمناقشة مشروع قانون نقل الأعضاء فى صورته النهائية، تمهيداً لإقراره فى مجلس الشعب فى الدورة الحالية من الوزير والنقيب إبلاغ الصيادلة ونقيبهم بأن الحكومة ـ ممثلة فى وزارة المالية ـ لن تتراجع عن موقفها فيما يتعلق بالأزمة الدائرة مع مصلحة الضرائب.

وعلى صعيد إضراب أصحاب وسائقى مقطورات النقل الثقيل، فشل اجتماع نظمته الغرفة التجارية بالقاهرة بين ممثلين عن الحكومة، ممثلة فى وزارتى النقل والتجارة، وممثلين عن شركات وأصحاب السيارات، فى التوصل إلى حلول وسط، فيما شهد اليوم الثالث للإضراب أحداثاً مثيرة، انتهت بالقبض على ١١ سائقاً فى الغربية، بتهمة تحطيم سيارات خرقت قرار الإضراب.

وتواصلت توابع الإضراب، لتوقف حركة نقل السكر والأسمدة بنسبة ٩٠٪، حسب تقرير وزعته، أمس، جمعية نقل الشاحنات، وتكدس إنتاج مصنع سماد طلخا فى المخازن، وأصيبت حركة نقل مواد البناء بالشلل، وتكدست البضائع والحاويات فى ميناء دمياط، واختفى الأسمنت من أسوان، وتوقفت حركة النقل على كوبرى القنطرة العلوى والفردان الحديدى، وعلى طول المجرى الملاحى لقناة السويس، وحدد ١٠٠٠ سائق فى الشرقية ٣ أيام لاستمرار إضرابهم، ثم الانتقال الأربعاء المقبل لتنظيم اعتصام أمام مقر وزارة الداخلية بالقاهرة، وتكررت مشاهد الإضراب فى الفيوم والمنيا وقنا.


الخبر من المصرى اليوم بتاريخ 16 فبراير 2009 وربنا يستر


15 comments:

Empress appy said...

بص موضوع العربيات ده انا قرفانه منه بجد اوى
انا فعلا مع الغاء المقطوره وهبقى اكتب بوست واقول ليه بجد وهحاول اجيب صور
اما طريقه التعامل مع الموقف من الحكومه فهى بتقلب فى اى فلوس وخلاص

Foxology said...

Appy

مهو زى ما بتعمل حوادث بتفتح بيوت .. الأسمنت وصله سعره لــ 850 جنيه للطن بسبب موضوع الأضراب لأن مفيش نقل وبالتالى الكمية اللى فى السوق قليلة

الحكومة طبعا بتقلب اى فلوس دى حاجة مش جديدة عليها :)

شكرا لمرورك وتعليقك

Eno said...

لا حول ولا قوة الا بالله

اهو من قبل مانخرج من النقره وقعنا في دحديره !!!!!

ربنا ينصر كل مظلوم يارب

تحياتي

شمس النهار said...

معلش انا ماعلقتش علي البوست اللي فات
كان عندي ظروف كده متلخبطه
شوف الفيلم ده لكل زمان ومكان يكون الحق فيه شيطان اخرس
اما بالنسبه لحركة الاضرابات اللي بتحصل الصيادله مالهمش حق
وكل تاجر فاتح تجاره اي كان نوعها لو مامسكش دفاتر وسجلات يبقا عنده سوء النيه متوفر
بس احساس الناس ان فلوس الضرايب دي بتروح في غير الصالح العام وانعدام الثقه بين التجار والحكومه هو اللي مخللي ناس تستخسر تدفع ضرايب في حين الموظف الغلبان هو الوحيد في البلد دي اللي بيدفع ضرايب ه كامله علي اخر مليم
الموضوع له ابعاد كتير
زي كده سواق التكسي اللي شغال بالغاز ومصمم ياخد اجره زيه زي اللي شغال بالبنزين
الموضوع ومافيه ازمة ضمير اقول لك مافيش ضمير اصلا عشان يكون فيه ازمه

Foxology said...

Eno

بالظبط كدة وكان فى اخبار من النوع ده كتير بس مرضيتش اتقل العيار ع الصبح :)

شكرا لمرورك وتعليقك :)

Foxology said...

شمس النهار

ولا يهمك كفاية مرورك اى وقت :)

والله بالنسبة لموضوع الصيادلة انا مش فاهم ايه المشكلة ف انهم يقدمو دفاتر ويمكسو حسابات ؟؟؟ هما مش اصحاب اماكن تجارية ؟؟ وبعدين برضه انا مش فاهم ايه المشكلة اصلا ؟؟؟

وسواء الحكومة عاوزة تلهف قرشين او لأ فالصيادلة مينفعش يقفلو اجزخانات بحجة زى دى ولا لازم الناس الغلابة يبقو دايما الضحية ؟؟؟

والله بجد بقت حاجة تقرف وملهاش اول من آخر ... الدنيا كلها الحاجة فيها رخصت واحنا اللى قدرنا عليه ربنا نزلنا جنيه ونص فى ازازة الزيت وخمسة وسبعين قرش فى كيلو الرز وشكرا على كدة

ربنا يرحمنا برحمته

شكرا لمرورك وتعليقك :)

Unknown said...

قرف قرف قرف......ايوووووووه زهقانة اوى بجد الاوضاع من سىء لاسوأ حاجة بقت صعبة بجد

Unknown said...

والله الوقت البلد بقى حالها غريب وفى منحدر قوى وخطير جدا الله يستر
كل يوم حد فينا بيتوجع صيادلة
سواقين
مواطنين
الله يستر

Unknown said...

الله يستر علينا
فعلا معظم الامور خارج السيطرة

حاسوباتيه said...

انا كمان هعمل اضراب علشان ايه ماعرفش بس اهي موضه بقى

Foxology said...

enjy

ايوة بقت حاجة تقرف فعلا

معلش هانت

شكرا لمرورك وتعليقك

Foxology said...

نهر الحب

على رأى واحد صاحبى .. احنا ركبنا الزحليقة خلاص

شكرا لمرورك وتعليقك :)

Foxology said...

حاسوباتية

مهى بقت موضة فعلا
بفكر اعمل اضراب انا كمان بس هيبقى بمناسبة الجو المتقلب وهطالب الحكومة انها تضح حد لموضوع الأنفلونزا اللى عمال يتنقل من مواطن للتانى بدون رادع ده

شكرا لمرورك وتعليقك

الميكروباص said...

على فكره
موضوع العربيات ده هايعمل شلل تام في البلد
ماينفعش اصلا يلغوا المقطوره لأن حركة النقل قائمه عليها
كما ان الشاحنات اللي موجوده زي في امريكا واوربا احنا لا نملك طرق لسيرها في الشوارع أصلا
وبالنسبة للصيادله
انا ارى انهم مش على حق
ايه المشكله لو مسكوا دفاتر
الدواء مكسبه 40% - ايه اللي مخوفهم من موضوع الدفاتر انا مش عارف

Foxology said...

لورنس العرب

طبعا البلد هتجيلها حالة شلل وركود وادى البشاير بأن طن الأسمنت وصل للشئ الفلانى !

الصيادلة حاسس انهم مزودينها اوى مش فاهم ليه !! مع انها تجارة زى اى تجارة لازملها دفاتر وحسابات ولا ايه ؟

شكرا لمرورك وتعليقك