احمد زويل وحجاب النساء

امبارح حدث معى موقفين مختلفين

الموقف الأول : قراءة لخبر جميل باختيار الدكتور احمد زويل العالم المصرى الشهير والحاصل على جائزة نوبل فى الكيمياء من قبل ادارة الرئيس الأمريكى اوباما ليكون احد اعضاء المجلس الأستشارى فى العلوم والتكنولوجيا للرئيس الأمريكى وذلك للنهوض بالبلاد ولما له من مكانة علمية مرموقة ومعروفة

الموقف الثانى : قراءة أيضا لأحد كتابات الأخوة المواطنين الظرفاء اللطفاء على احد جدران سيارة النقل العام بالقلم الفلوماستر ... يستمر الغلاء اذا لم تتحجب النساء

يا سلام ؟؟؟؟

وما فائدة حجاب النساء اذا لم يحتجب الضمير عن سوء نيته ؟
مافائدة الحجاب اذا لم تحتجب الأخلاق عن كل ما هو مشين ؟
ما فائدة الحجاب اذا لم تكن هناك قوة لفرض النظام وضمان عدم غلاء الأسعار ؟
مافائدة الحجاب اذا لم يرفض المواطنون التعامل مع التجار الجشعون ؟

موقفين مختلفين ... بلاد توظف علمائها جيدا ومواطنيها من اجل النهوض بالدولة .. وبلاد توظف مواطنيها من اجل ممارسة الغباء


10 comments:

نهر الحب said...

بص انا هتكلم عن اوباما
وعن موقفة الناهض بامريكا من ناحية العلم وتبجيلة واهمية والحث عليه
ومن ناحية اخرى وهى سياسية ومحاولتة المستميتة جذب العرب وتغيير الصورة العالمية عن امريكا !!!! باختيارة لبعض المسلمين للعمل معه فى البيت الابيض


اما عن الحجاب فمن المؤكد ان الاخ حاول ربط الدين بالواقع
وان كان هناك العديد من الاخلاقيات الدينية علينا استرجاعها والتمسك بها
لاحداث فارق
فى كل شئ السياسات والاخلاق والعادات وحتى المفاهيم

تحياتى وموضوع اكثر من رائع بجد
اجدت

لورنس العرب said...

بالنسبة لأحمد زويل
المؤسف ان المعروف عنه في كل العالم أنه "أمريكي من أصل مصري"
يعني احنا لا دخل لنا فيه من الاساس
وطبعا نه ترعرع علميا على أرضهم وهذا حقهم

الموقف الثاني: اوافق "نهر الحب" على ما قالته
هو ممكن بس التعبير خانه
هو يقصد ان الاحوال جميعا عندما تنصلح والكل يتمسك بالاخلاق والدين المصاعب ستزول ومنها الاسعار
لكن التعبير خانه
ربما حاول يعبر عن ما بداخله ولكن الموضوع طلع كده منه
بس أقولك
المهم انه قال أي حاجه احسن مهو ساكت
هههههههههههههههههههههه

تحياتي على الملاحظات الدقيقه
اصلي احب التدقيق اوي في الكلام وخاصة المنتشر في الشوارع والمواصلات

Eno said...

الخبر الاول انا كتبت عنه لاني حسيت اني فاخوره بيه فعلا

اما الموقف التاني حقيقي مش لاقيه تعليق بعد اللي انت قولته انت قولت كل اللي ممكن يتقال !!

تحياتي :)

صوت من مصر said...

نعم انها بلاد العجائب وعلى راى الست وقف الخلق ينظرون كيف ابدو فقيراااااااااااا

enjy said...

المصريين اهما
عصبية وغل بهمة

شمس النهار said...

النهارده بالصدفه كنا بنتكلم في موضوع الحجاب وبركة دعاء الوالدين والدنيا اللي مافيهاش بركه خالص
لاقينا كل ده مرجعه لقلة الايمان والعلم

Appy said...

بس اصلى مقهورة على موضوع زويل ده
ما احنا كده بنسيب الحاجه بتاعتنا لغايه لما تبوظ وغيرنا ياخدها
انا هموت من الغيظ الناس كل يوم بتثبت انها بتفكر واحنا بنتحجر
موضوع الحجاب استاذ ليه قالى كلمه حلوة اوى
احنا فى زمن كثرت فيه مظاهر الاسلام وقلت اخلاقه
ودى تلخيص

أمبارح كان عمرى عشرين said...

اوباما وموقفه ده شى جميل اوى

وكمان موقف الراجل
هو حر يشوف الموضوع من الزويه الاحابب او الاثقافته تخليه يشوفها
براحته يعنى

الازهرى said...

الكارثة الاكبر ان من يتحدثون فى موضوع الحجاب يريدون منه ان يكون حجاباللعقول
والحجاب كما فرض الله شريعة جيلة لها من المميزات ما لا يحصى

ولكن لندرس جيدا كى نعرف الفرق بين حجاب العقل الذى نرفضه والحجاب الذى امر به الدين الحنيف

وان ننظر الى الكثير ايضا من امورنا التى لو تدبرناها جيدا لتغير حالنا

تحياتى دوما

صيدلانيه طالعه نازله said...

بالنسبه لاوباما اعتقد ان زويل شرف يضاف الى البيت الابيض و انه يستحق ده و زياده كمان
بالنسبه للموضوع التانى اعتقد ان الغباء لو اختفى من مصر هنحس بغربه
و زى ما نكون فى امريكا مثلا ربنا ما يحرمنا منه و لا يحرمه من امثالهم