انجلترا احسن مننا ف ايه ؟؟



انجلترا هتبيع نصيب الحكومة فى عدة منشآت حيوية زى نفق نهر التايمز وسكك حديد بحر المانش وسندات وأصول مالية كمان علشان يجمعو (خللى بالك يا مواطن) علشان يجمعو مبلغ 16 بليون (أيوة بليون) جنيه استرلينى ... وده علشان حاجة واحدة بس ... سد الدين اللى عليها سواء داخلى او خارجى

هى انجلترا احسن مننا ف ايه ؟؟ محنا كمان ممكن نبيع الهرم او حتى حديقة الحيوانات ولا المتحف المصرى من غير اللى فيه يعنى الأدارة بس وبرضه علشان نسدد الديون اللى علينا واللى محسسانا اننا افقر شعوب الأرض

اسف معلش نسيت اننا بنبيع مش علشان البلد والشعب معلش سامحونى مكنش قصدى


14 comments:

دعاء مواجهات said...

اللى ينفع برة مش لازم بالتبعبة ينفع عندنا وبعدين مهى اصلا متباعه هى لسة هتتباع سيادتك .

سلام

Foxology said...

دعاء مواجهات

اكيد اللى ينفع برة مينفعش عندنا لكن مننكرش اننا ممكن نعمل كدة ولا ايه ؟؟

الفرق انهم عندهم حاجة اسمها الشفافية واللى احنا بنغنى لها ليل ونهار من غير ما نعرفها اصلا !!!!

تحياتى وشكرا لمرورك وتعليقك :)

صوت من مصر said...

اظن لو فى حاجه هتتباع يبقى احنا اولى

Unknown said...

نبيع ايه يا ابنى واحنا بقى حيلتنا حاجة تتباع...ما كله خلاص بح

بص احنا ممكن نبيع شوية عقول من عقول الجهابذة اللى عندنا ايون يعنى نبيع رشيد بتاع الصناعة وحسنى بتاع الثقافة وزفت البرك بتاع المالية الهى يكحمه يارب مطرح ما هو قاعد...هنبيعهم وبرضو مش هيجيبوا حاجة


نتكلم جد شوية بقى؟؟؟ انجلترا بلد متحضرة بتحترم آدمية شعبها وكرامته وبتحفظ له حقوقه عشان كدة بيسددوا ديونهم

بس خلاص

Empress appy said...

تفتكر ينفع الحاجات دى تتباع
الدنيا هتقوم ومش هتقعد لان دىمن قيمه البلد
غير كده رح ساعتين اتمشى على القناه فى الاسماعليه او القنطره اتفرج كام مركب بتعدى فين فلوسهم انا عارفه فى مرتبات ناس مش تستاهل

على باب الله said...

بيع يا فوكس .. إحنا معاك

الميكروباص said...

هو اللي بنفع بره ماينفعش عندنا

جميل راتب في فيلم الكيف قال ايه؟

قال صحة هنا غير صحة هناك

Foxology said...

صوت من مصر

ده بالتأكيد يا كيمو احنا اللى فاضلين :))

شكرا لمرورك وتعليقك

Foxology said...

enjy

على رايك معادش فاضل حاجة تتباع بس استنى ده لسه فى 85 مليون ممكن يتباعو اجزاء زى الفراخ كدة كلاوى على كبد مشى حالك يعنى ويجيبو فلوس برضه

شكرا لمرورك وتعليقك

Foxology said...

Appy

مهو انجلترا هتبيع مع الأحتفاظ بحق الشعب مع العلم انها مملكة مش جمهورية !!

القنال مش بتاعتنا على فكرة :))

شكرا لمرورك وتعليقك

Foxology said...

على باب الله

انا بعت الحديدة نفسها :))

شكرا لمرورك وتعليقك

Foxology said...

لورنس العرب

مع ان الحكومة هناك بتبيع وهنا بتبيع برضه !!

بس الفرق ان هناك زى ما قالت انجى انهم بيحترمو الشعب وبيحفظوله كرامته وحقوقه ودى اللى وجعانا للأسف

شكرا لمرورك وتعليقك

ღ heart ღ said...

مدونة جميلة

اعجبتني صراحتك في النقاشات
والاطروحات


يعطيك العافية خيوو

Foxology said...

White Rose

اشكرك على رأيك الجميل وعلى المرور الأول بالمدونة :)

تحياتى :)