كلنا متواطئون .. كلنا مجرمون

بعد اللى حصل مع اسطول الحرية اعتقد ان الصورة بانت اوى

اسرائيل : الغباء واضح جدااا بس المرة دى مغلف بالبجاحة
مصر : موقف شبه بطولى محبك السيناريو مسبقا بفتح معبر رفح لاجل غير مسمى
امريكا : مفيش جديد ... اوباما زى ما قلت انه مجرد اداة وزى اللى سبقوه
تركيا : اعتقد انها فرصتها علشان تبقى قائد الشرق الاوسط الجديد
ايران : تخصيصها لميزانية ضخمة لمساعدة فلسطين فرصة برضه لاثبات قوتها وثقلها السياسى فى المنطقة
الكويت : التصويت فى مجلس النواب على الانسحاب من المبادرة العربية للسلام حسسنى انى لازم احترم الناس دى
مصر تانى : واضح جدا اننا بقينا ملطشة بجد المرة دى

فى النهاية احب اقول : ربنا لا تؤاخذنا بما فعل السفهاء منا


10 comments:

MR.PRESIDENT said...

يا ايها المار علي قبر اخوانك
ارمي السلام ولا تسبهم
فلما تسبهم
فهنا يرقد
جنودا ضحوا بارواحهم
من أجل أن يأكل طفل جائع
او يستشفي مريض
------------
فحسبي ربي في الظالمين
وشكرا للتنويه
وقد بدأت حملة علي الإيوتيوب لمشاهدة فيديو الضرب حتي يعم جميع من في العالم ماذا يصنع هذا المغتصب الغاشم الصهيوني في العالم فلتهنأ أمريكا ولتهنأ معها الشوارب العربية ..


حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل

خواطر شابة said...

طيب انا متفقة معك في النقط جميعا لكن مفهمتش اخر نقطة بتاعة مصر تاني ما المقصود بها
هذه المرة على الاقل بفتح مصر للمعبر لاجل غير مسمى انهت موجة الاحتجاجات التي كانت ستطالها وأغلقت الباب على الكثير من الانتقادات التي كانت ستوجه لها وعلى هجوم الاعلام عليها

enjy said...

كلنا هنروح فى داهية باذن الله

لورنس العرب said...

كل الامور في يد أمريكا
اليهود لم يضربوا الاسطول إلا بعد اخذ الاذن منهم
عندما تقرر امريكا رفع الحصار سيتم رفعه
وعندما تقرر امريكا فتح المعبر سيتم فتحه
وعندما ترى امريكا عن تركيا ستجعلها تفعل ما تشاء
كله في يد امريكا
وكل البلاد التي ذكرتها بما فيها مصر عباره عن عرائس في يدها

Foxology said...

MR.PRESIDENT

الأبيات الحقيقة اثرت فيا ويا خسارة الشهدا اللى رووا تراب سيناء

شكرا لمرورك وتعليقك وتنويهك على حملة اليوتيوب

Foxology said...

خواطر شابة

مصر فتحت المعبر علشان فعلا موجة الاحتجاجات اللى بتتصاعد ضدها يوم بعد يوم خصوصا بأة الاحتجاجات والمظاهرات الداخلية خاصة برضه ان اليومين دول النظام الحاكم عاوز الامور الداخلية تكون هادئة جدااا علشان انتخابات مجلسى الشعب والشورى وبعد سنة الانتخابات الرئاسية

مصر عملت كدة علشان تبان انها ليها كلمة فى المنطقة وانها مش مستنية اوامر من امريكا او اسرائيل زى ما اتقال وبيتقال بخصوص فتح المعبر !! مصر فعلا بقت ملطشة وانا بقصد الكلام ده بناء على موضوع المعبر ان القرارت مش سيادية داخلية لان السيد الرئيس قال بنفسه من فترة ان فتح وغلق المعبر مش قرار مصرى فردى دى بتحكمه اتفاقية السلام مع زفت الطين اسارئيل يعنى لما اسرائيل توافق على الفتح مصر تفتح والعكس صحيح

حسبنا الله ونعم الوكيل

Foxology said...

enjy

شعور متعاظم مصرى اصيل

شكرا لتأكيدك

Foxology said...

لورنس العرب

اتفق معاك تماما وبرضه موضوع تركيا ده حاسس انه لعبة على كبير اوى علشان امريكا تقدر تحافظ على توازن القوى فى الشرق الاوسط يبقى فى قوة كبيرة تقف قدام ايران :)))))

تحياتى على تعليقاتك المنيرة

صوت من مصر said...

لنا الله يا فوكس

Foxology said...

صوت من مصر

ملناش غيره فعلا

شكرا لمرورك وتعليقك