الفوضى العارمة والفضيحة المنتظرة

طبعا الأيام دى الفوضى كتيرة اوى اوى من اول موضوع التشويش على بث قنوات الجزيرة لكأس العالم واتهامها للنايل سات بتعمد التشويش وفجأة تعاون الاتنين علشان يكشفو اللى ورا التشويش

لحد طبعا موضوع شهيد الوطن شهيد الاسكندرية الشاب المصرى ( الصالح ) خالد محمد سعيد والاحتجاجات الكبيرة اللى موجودة فى القاهرة و الاسكندرية وقرار النائب العام باعادة تشريح الجثة واعادة فتح التحقيقات واللى انكشفت فيها (عورة) وزارة خطيرة وسيادية

لحد الجديد بأة وهو فضيحة جديدة من طراز فضيحة (شركة مرسيدس) لكن المرة دى شركة المانية متخصصة فى الحديد والصلب دفعت رشاوى لمسؤول حكومى كبير لتسهيل عملها مع هيئة مصرية كبيرة

والمصيبة الكبيرة او الفضيحة المنتظرة وهو ان عدد مهول من السفن الحربية الأمريكية والاسرائيلية عبرت فجر الجمعة من قناة السويس قادمة من البحر المتوسط وذاهبة للخليج العربى فى مشهد متكرر يفكرنا باستعدادات الحرب على العراق المسكين لكن المرة دى الاستعداد لايران وناس تقولك النظام المصرى بيورط نفسه اكتر واكتر وبيشوه صورته قدام العالم العربى قبل العالمى وناس تقولك قناة السويس مكان دولى ملوش سيادة من حد ومصر لو منعت هتتضرب وحاجات تانية كتيرة وفتاوى ولا فتاوى الفضائيات

سيبكم من كل ده ... شباب اسكندرية رجالة بجد

13 comments:

MR.PRESIDENT said...

فعلا شباب اسكندرية رفعوا راس الجميع
شرفوا المصريين بصبرهم
وهمتهم
وتحديهم للأوامر السافرة من الوزارة السافرة
اللي بستقوي علي المواطن العادي ..
بس للأسف مصر كلها اصبحت في فوضي عارمة

صوت من مصر said...

سيبك انت
احنا
بطيخ بجد

Foxology said...

MR.PRESIDENT

وكمان الشباب اللى اعتقلوا امبارح من وسط البلد واترموا فى الصحرا برضه رجالة

تحياتى وشكرا لمرورك وتعليقك

Foxology said...

صوت من مصر

بطيخ شليان وحياتك كل بطيخة قد الكرة الارضية

شكرا لمرورك وتعليقك

خواطر شابة said...

ضاقت فلما استحكمت حلقاتها
فرجت وكنت أظنها لا تفرج
اكيد القادم أفضل ان شاء الله

Foxology said...

خواطر شابة

نتمنى وعسى الله ان يكشف الغمة على ايدينا

شكرا لمرورك وتعليقك

سومه...مجنونه فى بلد عاقل said...

ولسه وحنشوف اكتر وكله من عمل ايدنا

Foxology said...

سومه...مجنونه فى بلد عاقل

ياما ف الجراب يا حزب يا وطنى .. قصدى يا حاوى واهو كله بحرف الحاااااء

شكرا لمرورك وتعليقك

sun of free dom said...

انا مش عارفة احنا ازاى صابرين فى البلد دى
ربنا ينتقم من الظلمة

Foxology said...

sun of free dom

احنا صابرين عملا بالمبدأ الشهير : الصبر مفتاح الفرج

شكرا لمرورك وتعليقك

الازهرى said...

ترجع بالسلامة يا صاحبى

لورنس العرب said...

البرنس راح فين؟

Foxology said...

لورنس العرب

موجود الحمد لله بس واخد هدنة كدة مؤقتة اشم فيها نفسى شوية ومعتزل كل حاجة الا الشغل للأسف :))

الف شكر على السؤال يا باشمهندس معتز :)