ما بين جائزة مركز طلعت حرب والأضراب السنوى


السبت 4 ابريل 2009

حفل توزيع جوائز مركز طلعت حرب الثقافى بالسيدة نفيسة والتابع لصندوق التنمية الثقافية فى مسابقة القصة القصيرة
تم بحمد الله تكريمى فى الحفل بعد ان حصلت على المركز الثالث على مستوى المسابقة وفى حضور لجنة التحكيم من كبار النقاد والشعراء وعلى رأسهم الأستاذ فؤاد حجاج الشاعر الكبير وأيضا الناقد الكبير الدكتور سيد البحراوى وغيرهم

حصلت على الجائزة عن ثلاث قصص قصيرة قمت بتأليفها مؤخرا وتحمل عناوين :
فنجان من
القهوة مع حلم
صاحبة العيون الزجاجية
شتا

اهداء الفوز والتكريم كان لزوجتى العزيزة ايــنـــو التى حرصت على الوجود فى هذا اليوم الهام فى حياتى بالأضافة الى حرصها الدائم على تشجيعى فى كل وقت لبذل كل مجهود يكلل بالنجاح فى النهاية

شكرا زوجتى العزيزة




الأثنين 6 ابريل 2009

الموعد السنوى للأضراب !! العام الماضى كانت النتيجة اعتقالات على خلفية احداث المحلة وخلو الشوارع تقريبا من البشر مع تجمعات صغيرة للشباب فى الميادين الكبرى بالقاهرة والمحافظات بالأضافة الى حشود ضخمة من الأمن

اليوم ... زحام اكثر من اى يوم مضى .. كل فى طريقه للعمل ... اكثر ما لفت نظرى هو قصيدة اسمها : آسف ابريل .. لشاعر شاب يعتذر فيها لشهر ابريل بانه لن يقوم بالأضراب وبدلا من الأضراب سيقاوم الرشوة وسيعمل لوقت اضافى ايضا حتى يفيد ويستفيد

فكرة ايجابية لماذا لا نقوم بتطبيقها ؟؟؟؟


13 comments:

Empress appy said...

الف مبروك الجايزة انت تستاهل كل خير بجد فرحت علشانك
وبجد منى لاينو بالرغم من انى معرفكوش انتم الاتنين بس بجد بدعى من قلبى ليكوا على طول تبقوا مع بعض ويكرمكوا يا رب

اما عن بقى الاضراب فانطباعك هو نفس اللى عندى واللى كتبته وفكرتك صح وهو ده اللى بتكلم فيه

Eno said...

مرسي علي الكلام الرقيق ده يافوكس

انا جايزتي وصلت فعلا بنجاحك وبجد كل نجاح ليك نجاح ليا انا كمان والله

ربنا يخليك ليا بجد
والف مبرووووووووووك كمان مره :)

بالنسبه للاضراب
الصبح سمعت كلام انه البلد اللي اتخرب فيها السنه اللي فاتت في الاضراب اتعمله ميزانيه انه يتصلح
والسنه دي غير السنه اللي فاتت لاني الاقتصاد مافيش والميزانيات مافيش وبالتالي التخريب اللي هيحصل هيفضل زي ماهو والله واعلم !
الشعر جميل اوي علي فكره :)
والفكره كمان :)

دمت بكل سعاده ونجاح :)

Foxology said...

Eno

العفو يا اينو ده اقل حاجة اقدر اقولها كفاية وجودك معايا وكفاية انك كنتى صاحبة السبق الصحفى ونشرتى الموضوع عندك الأول :)

الله يبارك فيكى :)


الأضراب بأة نكتة سخيفة اوى مش عارف ليه والتخريب خلاص معادش فيه المثل اللى يقولك اللى انكسر يتصلح :)

تحياتى ونورتى البلوج :)

شمس النهار said...

اولا الف الف مبروك علي الجائزه
فعلا فعلا فرحت بيك جدا يااحمد
واحب اقراهم ياتري اجدهم فين
انت تستاهل كل خير
واضم صوتي ليك بدل مااعمل اضراب احاول اغير من نفسي ومن اللي حواليه

Unknown said...

حلوة فكرة اسف ابريل
والله حلوة بجد بجد

مبروك الجايزة والله فرحتلك جدا ربنا يخليك انت وزوجتك لبعض

Foxology said...

شمس النهار

الله يبارك فيكى يا شموسة وان شاء الله هنزلهم هنا فى البلوج فى بوست لوحدهم واشوف رأيى الناس ايه :)

التفكير الأيجابى اكيد مفيد :)

شكرا لمرورك وتعليقك ونورتى الكيت كات :)

Foxology said...

enjy

الفكرة فعلا حلوة وجديدة وافيد من الأضراب

الله يبارك فيكى ويتقبل دعائك

شكرا لمرورك وتعليقك ونورتى الكيت كات :)

Che_wildwing said...

مبروك يا حاج احمد
وعقبال المركز الاول
معلش بقى مبعرفش ازغرد

Foxology said...

Che_wildwing

الله يبارك فيك يا باشا ولا يهمك :)

شكرا لمرورك وتعليقك :)

صوت من مصر said...

مبروك الجايزه يا فوكس باشا
بجد الله يزود من جوايزك وتشرفنا كمان وكمان
لاننا عيله
انا عارف انى ؟؟؟؟؟؟

Foxology said...

صوت من مصر

الله يخليك يا محمد باشا واكيد عيلة طالما من مصر :))

شكرا لمرورك وتعليقك :)

حاسوباتيه said...

الف الف مبروك على الجايزه وياريت تنشر القصص دي لانيبحب القصص القصيره جدا او لو ممكن نشتريهم وعقبال المركز الاول المره الجايه يارب
بالنسبه للاضراب فانا مانزلتش اليوم ده بس اخواتي قالولي كان في مظاهرات في الجامعه بس عادي مش مهم

Foxology said...

حاسوباتية

الله يبارك فيكى وان شاء الله هنزل القصص التلاتة فى بوست كدة لوحدهم :)

الأضراب فعلا كان فى مظاهرات فى الجامعات وكان فيه مصادمات مع الشرطة بس مش زى السنة اللى فاتت

شكرا لمرورك وتعليقك :)