شـتـا

اليوم .. اخر قصة من القصص الثلاث الفائزة بجائزة مركز طلعت حرب الثقافى

شــتـــا

***

يضع فنجان الشاى الساخن على المكتب ويمضى نحو النافذة .. الشوارع أرضيتها الأسفلتية مبتلة بفعل المطر .. العصافير صوتها مكتوم على الأشجار المبتلة أيضا ..

السماء لا تزال ملبدة بالغيوم .. يعود لمكتبه.. يضئ المصباح .. يمسك ورقة بيضاء وقلما خشبيا .. يرتدى نظارته الطبية فى هدوء .. ينظر لفنجان الشاى الساخن .. يمسكه ويرشف منه رشفة قصيرة .. يقوم بتشغيل جهاز الراديو .. أغنية ((شتا)) لمحمد منير يسمعها عبر الراديو .. كأنها لوحة معبرة عن واقعه .. لا يدرى ماذا يكتب ؟؟

يكتب أخيرا بعد تردد استمر لبضع لحظات ...

فى الصباح التالى استيقظ حارس العمارة الأسمر على صوت بائع الصحف وهو يقول : ( الأستاذ مش بيفتح الباب ليه يا عم محمد ؟) ...

فى اليوم التالى .. مانشيت كبير فى الصفحة الأولى للجريدة الكبرى ....

((انتحار الأستاذ فلان )) .. !!



16 comments:

Mafrousa said...

ياتري كان بيفكر فى ايه؟؟
ياترى كتب ايه بالقلم الخشبي
وصيته
ولا انتحر ليه؟
و يعدين يا فوكس اللى عاوز ينتحر يسمع اغاني؟؟؟؟؟
ده رااااايق اوي
يالله انا لله و انا اليه راجعون

Foxology said...

واحدة مفروسة

مهو هو ده اللى المفروض اللى يقرأ القصة يقعد يفكر فيه :)

اللى عاوز ينتحر ممكن يعمل اى حاجة :))

شكرا لمرورك وتعليقك :)

Eno said...

عجبتني اوي اسلوبها عشان بتدي فرصه للقارئ انه يشغل دماغه شويه في الاحداث رغم صغرها

تسلم ايدك والف مبررروك وعقبال الجايزه الاولي :)

تحياتي :)

Foxology said...

Eno

ايوة يا اينو المفروض الواحد يشغل دماغه كدة ويتخيل الأحداث ويحط نهاية افتراضية بناء على تخليه للأحداث دى :)

تسلمى .. الله يبارك فيكى وعقبال الجايزة الأولى السنة الجاية ان شاء الله :)

نورتى الكيت كات يا اينو :)

شمس النهار said...

قصه لكل انسان
ياتري لو خير الانسان ان يكتب شئ ما قبل الرحيل هيكتب ايه ؟
قصه جميله بل اكثرالثلاثه روعه
بس دي القصه دي لوحدها تستاهل الجائزه الكبري

Foxology said...

شمس النهار

قبل الرحيل فعلا ممكن الواحد يكتب ايه ؟؟؟؟

شكرا بجد على تعليقات حضرتك المشجعة دى والحمد لله انها بتعجب الناس اللى بيزرونى

شكرا لمرورك وتعليقك :)

الميكروباص said...

أفضل شيء فيها انها ليست طويله
بس انا ملاحظ ان الجو كان مساعد على الانتحار
كآبة الشتاء
مطر موجود
يعني مفيش ناس في الشارع
الدنيا هادئه جدا والجو كئيب
يمكن تجمعت عليه الهموم في الجو ده وصحت فيه الاحزان دفعته إلى انه يلقي بنفسه من الشباك

حاسوباتيه said...

حلوه طبعا جدا وبرضو غريبه بس القصتين الي قبل كده كانوا احلى بصراحه تحياتي

Foxology said...

لورنس العرب

مهى مش طويلة علشان قصة قصيرة :)

الجو زى ما ناس شايفاه كئيب ومساعد على الأنتحار ناس بتشوفه جميل جدا وكله صفاء وهدوء نفسى :)

ومين اللى قالك انه رمى نفسه من الشباك ؟؟؟؟ :))

مبسوط انها عجبتك وانك تخيلت النهاية واسباب الأنتحار :)

شكرا لمرورك وتعليقك :)

Foxology said...

حاسوباتية

هى غريبة خصوصا النهاية مع سير الأحداث :)

اللى قبل كدة احسن من وجهة نظرك دى اكيد وجهة نظر لا املك الا احترامها :)

شكرا لمرورك وتعليقك :)

Unknown said...

يا سلاااااااااااام اعز انا ابطال القصص المنتحرين اوى جدا خالص

الله ينور

Foxology said...

enjy

المهم هو انتحر ليه ؟؟؟؟ انا نفسى بحاول الاقى سبب :)

شكرا لمرورك وتعليقك :)

Bant EL7ag Dracula said...

ياااااااااا حرامم عليك

طب انا فضولى هيمتنى واعرف كتب ليه

ومات اززززى

ونبى لو عرفتن حاجه قولى

بوست جامد ويموت من الفضول
باى

Foxology said...

Bant El7ag Dracula

هى دى الفكرة .. هو مات ازاى ؟ وليه وكتب ايه قبل ما يموت ؟؟؟

الفضول قتل القط واحيانا الأنسان :)

شكرا لمرورك وتعليقك :)

على باب الله said...

حلوة فعلاً

Foxology said...

على باب الله

شكرا لمرورك وتعليقك :)