ايه فى أمل


ايه فى امل

البوم السيدة فيروز ... الحقيقة مش هقدر اقول مقدمة لأن المطربة هى فيروز .. صوت السماء بالنسبة لى .. صوت هدوء النهر وقوة البحر وصفاء الذهن فى كوكتيل عجيب غريب لما بسمع صوتها بحس انى انا .. فعلا دى حقيقة برجع لنفسى اوى لما بسمعها كأنى سامع نفسى من جوة نفسى

ايه فى امل كان رسالة واضحة اوى للى بيفهم وللى بيحب فيروز .. ناس تفسر العنوان بأنه تحدى من فيروز وعشاقها للناس اللى حاولت تكتم صوتها اللى زى ماهو متغيرش ولا اتأثر بسنين عمرها الطويلة ربنا ينعم عليها بالصحة والعافية ، وناس تانية هتفسره انه تحدى لكل ظالم وكمان شعاع امل لكل يائس انه لسه فى امل طالما فينا نفس

السيدة فيروز ... لما غنيتى حسيت فعلا يعنى ايه غنا بعد ما كنت قربت انساه من العك اللى بنسمعه اليومين دول باستثناء قلة قليلة جداااااااااا لدرجة انى عن نفسى بطلت اسمع اغانى واكتفيت بالموسيقى الراقية وبس

تحياتى ليكى يا عظيمة

8 comments:

tarek momen said...

فيروز .. هو في زي فيروز قيثارة السماء اللي لو قالت ريان يافجل هانحبه من أداءها

Foxology said...

tarek momen

الحقيقة حضرتك عندك حق كفاية انها محتفظة بقوة صوتها ونقائه لحد دلوقتى

شكرا لمرورك وتعليقك

شمس النهار said...

فيروز بالنسبه لي اكتر من مغنيه
هي بالنسبة لي تاريخ شكلني وجدانيا

صوت ناعم بقوة

زي الحرير ناعم وقوي

انبسطت جدا انها عملت البوم

اكبر رد علي اللي قالوا انها مش هتعرف تغني تاني

:))

Foxology said...

شمس النهار

فيروز فعلا قيمة معنوية كبيرة اوى خصوصا للشعب المصرى مش عارف ليه

الألبوم فعلا حسسنى انه اقوى رد على الناس اللى حاولو انهم يمنعو صوتها

شكرا لمرورك وتعليقك وامنياتى باستماع جميل :)

Unknown said...

صوت السماء الملائكى تلك هى فيروز
مواقف
ازمات
سنون
تمر ومازالت تشجينا وتمتعنا

Foxology said...

نهر الحب

فعلا صوت ملائكى والألبوم الأخير كان تحدى للكل الحقيقة

شكرا لمرورك وتعليقك

Eno said...

الالبوم رائع واكثر من الرائع بجد وبالنسبة لقيمة فيروز انا اصغر سننا من اني اقيمها لانها قيمة كبيرة اووووووووووووووي:)

تحياتي

Foxology said...

eno

ومين يقدر يقيم فيروز ؟؟؟؟

دى كانت منحة من السما بجد وسط العك اللى بنسمعه اليومين دول

شكرا لمرورك وتعليقك