اقلع غماك يا تور وارفض تلف

القاهرة (ا ف ب) - قال مصدر في مديرية وزارة التعليم في مدينة الاقصر (صعيد مصر) الاثنين ان طالبا مصريا احتجز عدة ساعات وحرم من تكملة بقية امتحانات نهاية المرحلة الثانوية بعد ان وجه في ورقة اجابة امتحان الرياضيات انتقادات "للحاكم الظالم".
واوضح المصدر الذي طلب عدم ذكر اسمه ان "الطالب صفوت احمد محمد الذي يدرس في مدرسة التعليم الفني الثانوي الصناعي قسم اصلاح وصيانة المعدات الكهربائية كان يؤدي في التاسع من حزيران/يونيو الجاري امتحان الرياضيات في اللجنة 19 في الاقصر وكتب في ورقة الاجابة انتقادات ل(الحاكم الظالم) و(الشعب الجبان)".
واضاف المصدر انه "صدر القرار رقم 265 من مديرية التعليم بالاقصر في 15 حزيران/يونيو (امس) بحرمان الطالب من اداء بقية الامتحانات هذا العام".
واكد انه تم احتجاز الطالب من قبل اجهزة الامن في الاقصر عدة ساعات واستجوابه بعد ان كتب هذه العبارات في ورقة الاجابة.
وقال المصدر ان "الطالب وهو من اسرة فقيرة تصور ان المراقبين لن يسمحوا له بالغش في الامتحان وسيسمحون لزملائه الاخرين لان اهاليهم يقومون بمجاملات للمراقبين في حين ان والديه ليس لديهم الامكانيات المالية لذلك".
لكن المصدر لم يوضح السبب الذي استند اليه قرار حرمان الطالب من استكمال الامتحانات.
المصدر ... موقع مصراوى بتاريخ 16/6/2008

17 comments:

واحدة مفروسة said...

طيب بزمتك انا لما اقري بوست الساعه 12 منتصف الليل
اتفرس انا ولا ما اتفرسش
اتفرست على الآخر

دعاء مواجهات said...

يشرفنى اول تعليق


انت كنت مختفى فين؟؟

حاسة كدة انى بتفرج على فيلم هندى بصرااحة

يعنى حبكت مالاقااش غير امتحان الرياضة بصراحة لا وقتة ولا مكانة وهيضيع نفسة وخلاااص

طب كان يخليهاف العربى كانت تبقى مبلوعة شوية


تحياتى لييك

نورتنى

واحدة مفروسة said...

صباح الخير
انامتهيألي اني جيت امبارح و سبت تعليق
يا اتنشل يا انت مركب المصفى
انا حعرف دلوقتى

Eno said...

عااااااااااااادي وايه الجديد في كده

مهو احنا عارفين انه اللي بيقول كلمة الحق بيتعمل فيه ايه

يبقي الغبي اللي يضيع سنه من عمره وهو عارف اخرتها ايه !!!

نعكشة said...

يعني هوه من اسرة فقيرة
وفي ثانوية عامية
و في مصر
وسايب كل دة
ومتضايق بسسسسسسسس
انه مش عارف يغش انما صحابو بيغشوا

إيه ياختي الحلاوة دية

وبعدين إية علاقة الرياضيات بالشكاوي و الاقتراحات
طب ما يكتبها في موضوع التعبير

...........
^^^^

أصلا اصلا هوه لا يحق له انه يكتب حاجة فيالورقة غير الامتحان و إلا يتصحح في لجنة خاصة

إنما يحجزوة
ويحطوة ف يالقسم

لية

دة حتي كتب شوية كلام

يجو يشوفوا المدونات و الجرايد للي شغلة تبهدل ف يالحكومة
بيتشطروا علي طالب

الله يسامحهم
بس هوه معندوش حق برضو

يبقي يغش بالزهود الجاتية
يبقي يكتب علي ايدو و عالمسطرة

لا حول ولا قوة إلا بالله

دمت سالم

سلامون عليك

Foxology said...

Eno ...

على رأيك ... عااااااادى

الغبى وانتى الصادقة اللى ميعرفش يعمل اللى ف دماغه من غير ما يأذى نفسه ويطلع منها سليم ... وش بيغمز

Foxology said...

واحدة مفروسة

طب وانا اعمل ايه ؟؟ منا كمان اتفرست وقلت لازم تتفرسو معايا وعلى رأى عادل امام ... يا نعيش عيشة فل يا نموت احنا الكل

ايوة انا مركب فلتر مفيش حاجة بتضيع هنا :))

نورتى الكيت كات :)

Foxology said...

دعاء مواجهات

مش اول تعليق يا دعاء معلش اوفسايد :)

انا موجود بس بكتفى بالمشاهدة احيان كتيرة :)

هو ده اللى انا كنت اقصده من الرد على الغالية اينو ان الواحد يعمل اللى هو عاوزه بس من غير ما يمسكو عليه حاجة هى دى الشطارة هو اللى طلع غبى والله اعلم بظروفه برضه

نورتى الكيت كات :)

Foxology said...

نعكشة

ايوة فعلا ورقة الأمتحان للأمتحان وبس عاوز تعبر عن غضبك فى كذا طريقة تانية انما فين الدماغ بأة ؟؟

طبعا حجزوه بالقسم للأستجواب بخصوص الكلام اللى كتبه اكيد مش عشان سواد عيونه يعنى وياعالم اتعمل فيه ايه

نورتى الكيت كات فى اول مرور :)

عاشقة الحب said...

بصراحةالطالب عندو حق
شكرا على الاخبار

تحياتي

Foxology said...

عاشقة الحب

هو عنده حق بس معندوش حق ف انه يضيع مستقبله بالطريقة دى فى طرق اكثر امان من الطريقة اللى عملها

نورتى الكيت كات فى أول زيارة :)

enjy said...

مع احترامى الكامل لرايه بل وموافقتى عليه لكن ورقة امتحان الثانوية العامة مش هى المكان الصح اللى يعبر فيه عن رايه وللا اييييييه؟؟؟ بس دة ما يمنعش انه تعسف انه يضيعوا سنة من عمره

tarek momen said...

طب يعني حلال الغش في المنيا حرام علي الأقصر
دي حتي مدينة السياحة الأولي في العالم يعملوا حساب لطلابها
بالمناسبة لك واجب عندي رجاء المرور علي المدونة لتاخذه

واحدة مفروسة said...

فوكس
تعالى هنا
http://faransaraayek.blogspot.com/
و ادخل معانا سباق التعليقات
انا عندي احساس خير اللهم اجعله خير ان ممكن يكون دمك خفيف
و ان طلع يلطش
ايك و حزارى تجيب سيرة اني عزمتك
ههههههههههههههههه

Foxology said...

Enjy

كلامك مظبوط يا انجى تمام مفيش اى اعتراض عليه لكن المشكلة فعلا اننا مش بقينا بنفكر صح المهم اننا نعمل اللى ف دماغنا وخلاص مش مهم النتيجة اللى بتيجى على دماغنا فى الآخر

نورتى الكيت كات :)

Foxology said...

Tarek Momen

مش كدة يا استاذ طارق ؟؟ والله حاجة غريبة بجد وتفقع

كلك واجب يا استاذنا هعدى واخد الواجب بتاعى الف شكر مقدما

نورتنى :)

Foxology said...

واحدة مفروسة


حاضر هعدى واشوف موضوع المسابقات ده مع انى حظى مش لذيذ فى حكاية المسابقات بس مش هقول انك انتى اللى عازمانى :))