الـــواجــــب

استاذنا .. الأستاذ طارق ادانى يا جماعة واجب ولازم احله علنى كدة على عينك يا تاجر يلا استحملو بأة الغلطات الأملائية وغير الأملائية اصلى بقالى سنين معملتش الواجب
السؤال الأول : اذكر اسم من طلب منك حل الواجب
الأجابة : الأستاذ طارق طبعا
السؤال الثانى :اذكر القوانين المتعلقة بهذا الواجب .. جارى الكتابة والتدوين
السؤال الثالث :تحدث عن ستة اسرار قد لايكتشفها من يقابلك للمرة الأولي
الأجابة : اوباااااا كدة الناس هتعرفنى على حقيقتى .. هاهاها
1-مرح جدا بالرغم من الملامح الجادة جدا جدا اللى توحى ساعات احم احم بالرخامة والدم الواقف
2-قليل النوم
3-غيور جدا واسألو اينو
4-بتضايق وبكتم ف نفسى
5-مبحبش ازعل حد مهما عمل معايا لكن بتجنبه
6-قليل الأصدقاء القريبين جدا جدا جدا
السؤال الرابع : حول هذا الواجب الي ستة مدونين واذكر اسماءهم مع روابط مدوناتهم في موضوعك
الأجابة :
وسبت تعليقات عند الناس دى اقولهم تعالو خدو الواجب بتاعكم وحلوه
بس خلاص

16 comments:

Eno said...

كلام جميل يافوكس
والله انا بشكر استاذ طارق انه خلاني عشت وشوفتك بتعمل الواجب :))

مرسي علي التمرير :)

Foxology said...

Eno

ربنا يخليكى مرورك هو الأجمل اكيد :)

ماشى يا ستى طيب كنتى قولى انك نفسك تشوفينى بعمل الواجب وانا كنت اعمل الواجب :))

العفو :)

نورتى الكيت كات كالعادة :)

m.sobhy1990@gmail.com said...

ماشى ياغالى
عُلم وينفذ

tarek momen said...

شاطر شاطر
وانا اكتشفت سر كمان عندك انك تؤمن بالقول المأثور
خير الكلام ما قل و دل
تحياتي

Foxology said...

محمد صبحى

تمام يا مجند شوف شغلك :))

نورت الكيت كات :)

Foxology said...

tarel momen

يعنى نجحت يا استاذ طارق ؟؟

انا فعلا بحب اوجز فى الكلام بيحث اوصل المعنى بأقل الكلمات الممكنة دفعا للملل وضياع المعنى :)

نورتنى :)

Mafrousa said...

foxology
-------
مش عارفة ليه الدزفوار ده فيه حاجه غلط
مش عارفه هيه يه؟؟؟؟
لأ عيده تاني و حسن خطك
ههههههههههههههه
فوكس البتاعه بتاعة التعليقات المنبوذه لوحدها ديه ما بتفتحش عند ناس كتيره...
بس ملحوسه صغننه

و بما انك دمك خفيف ميه
تعالي و رينا الشطارة فى مدونة فرنسا و الرايق اللي انا و حماتي ملاك رحنا إعارة هناك
ههههههههههه

Alkomi said...

غيور جدا و اسالوا اينو

ايه يا شيخ حسني

بتحب معتز اينو

و الا اكمنه بيرمح زي الاعمى في الملعب و انت عايز تشتغله زي ما اشتغلت الشيخ عبيد

الله يخرب بيت ده مكن يا شيخ

Foxology said...

واحدة مفروسة

ايه ؟؟؟ ايه الدزفوار ده ؟؟ دى اكلة دى ولا ايه معشل اصلى ثقافتى صومالية معلش :))

والله انا خطى وحش فعلا فى العربى بسبب الكلية والشغل اللى كله انجليزى × انجليزى يلا الحمد لله :))

جارى العمل على مشكلة البتاعة بتاعة التعليقات المنبوذة حاضر احنا يهمنا راحة الزوار برضه :))

هاجى حاضر ثوانى :)

نورتى الكيت كات :)

Foxology said...

محمد الكومى

لالالالا فهمتنى غلط يا معلم هرم انا اقصد اينو خطيبتى صاحبة مدونة رقة الأحساس ( وش مكسوف بأة وكدة ) مش معتز اينو ولا حاجة :)

نورت الكيت كات يا محمد باشا :)

دعاء مواجهات said...

اية دا........

انا اسمى مكتوووب؟؟؟

اووكى وااجب مقبووول

منورنى ديما

بيس

Foxology said...

دعاء مواجهات

ايوة اسمك مكتوب وباقى على زمن الأجابة دقيقة واحدة :))

نورتى الكيت كات :)

Anonymous said...

اااااااااه انا برضو اللي بيشوفني لأول مرة يحس ان دمي واقف مشكلة دي

بس شاطر يلا حط الكراسة فالشنطة وادخل نام عشان تصحى الصبح فايق للمدرسة

المـــفـــــــقــــــــوعـــــة مــرارتـهــا said...

بص بقي
انا كتاب مفتوح
وماعنديش اسرار
اكتب ايه
انا قلت كل حاجة عني
لدرجة ان المدونين يشوفوني دلوقتي يعرفوني لوحدهم من غير مااتكلم

Foxology said...

نورة الخشن ...

غلط طبعا ان الواحد يحكم على الشخض من مظهره ده كمان فى مثل شعبى بيقول :

-تعرف فلان؟
- اه اعرفه
-عاشرته وعاملته ؟
-لالالالالا
-يبقى متعرفوش !

شكرا للمرور والتعليق

Foxology said...

المفقوعة مرارتها

لالا المفروض تحلى الواجب فى البلوج بتاعتك :)

نورتى الكيت كات :)