ايام من المزيكا



اليومين دول بعيش حالة انتشاء بقالى كتير مش عيشتها وسبب الأنتشاء ده هما سببين الحقيقة


السبب الأول : صدور البوم نجمى المفضل محمد منير بعد سلسلة طويلة معقدة من التأجيلات والألبوم بجد تحفة فنية منير ابدع الحقيقة فيه وخرج حاجات حلوة اوى اوى ويستاهل فعلا ان الواحد يستنى ويصبر على نزول الألبوم سنتين تلاتة كمان طالما هيخرج بالشكل الرائع ده وانا من مكانى هنا بقول لمـنـيــر .... شـــــــــكــــــــــرا




تحميل الألبوم من هــنـــا

السبب التانى : افتتاح واطلاق مدونة موسيقية تهتم بالموسيقى العصرية الراقية لأصحاب الذوق الرفيع والراقى فى محاولة لـتنضيف اذن المستمعين من اشباه الألحان واشباه المطربين ، المدونة دى اسسها صديقى العزيز محمد صبحى وسماها أوتـربـى ومحدش يسألنى يعنى ايه علشان انا لحد دلوقتى معرفش اسألو محمد



ياريت الحالة دى تفضل لأنها حلوة اوى الحقيقة وعلى فكرة البوست ده انا كنت عاوز اكتبه من يوم الجمعة لكن كنت مكسل اكتب واسيب البوم منير وموسيقى اوتربى ومش عاوز حاجة تشغلنى عن انى اسمع وبس

20 comments:

Mafrousa said...

fox
مبروك ياباشا لمحمد منير
وواضح انك جبت الشريط
استجدع ونزلهولنا
ههههههههههههههه
طيب اغنيه واااحده

Foxology said...

واحدة مفروسة ...

الله يبارك فيكى وفينا نحن عشاق منير

لا الحقيقة انا نزلته من النت لأنى معنديش كاسيت :)

حاضر هحط لينكات للتحميل على طول وكل الألبوم بالكافرات بتاعته كمان مش اغنية واحدة بس :)

نورتى الكيت كات :)

Eno said...

كنت مستنيه البوست ده يافوكس والله من ساعة مالبوم منير نزل

بوست جميل والبوم جميل واللي كتب وسمع
اجمل واجمل

وكمان مدونة محمد الجديده رائعه فعلا

الا قولي يافوكس يعني ايه انتشاء ؟؟؟؟:D

Foxology said...

eno ...

منا كنت مكسل بأة :))

ربنا يخليكى يا اينو وفعلا مدونة محمد اللى مش عارفين معنى اسمها دى حلوة اوى وان شاء الله هتبقى مشهورة اوى :)

انتشاء كما قال البعض هو الحالة المزاجية العالية او كما نقول نحن ان الواحد مبسوط ومزاجه رايق وعالى وعامل دماغ حلوة :))

نورتى الكيت كات :)

tarek momen said...

طيب يا سيدي ربنا يديمها عليك نعمة الأنتشاء
بس" مش عشتها " دي شرقاوي ..صح ولا انا غلطان
عموما انا برضه من محبي محمد منير من ايام زمان
تحياتي

Foxology said...

Tarek Momen ...

ربنا يخليك يا استاذ طارق

هى فعلا لكنة شرقاوية بس انا مش شرقاوى الفكرة انى لما بييجى حرف الشيت والتاء ورا بعض فى اى كلمة مبعرفش اقولها :)) فبقى مضطر انى اقول مش كذا معرفش عادة بأة :)

تمام يا استاذ طارق منير يتحب فعلا

نورت الكيت كات :)

دعاء مواجهات said...

صبااح الخيراات فوكس باشا

انا كمان عرفت حكاية مدونة محمد

بس لسة مستمتعتش بيها

منورنا ياكبيير

Foxology said...

دعاء مواجهات

صباح النور يا دعاء
اه مدونة محمد حلو ةاوى على فكرة حملى التراكات هتعجبك ان شاء الله :)

نورتى الكيت كات :)

صيدلانيه طالعه نازله said...

مبروك و كويس انك قولتلى انه نزل لانى مستنياه من زمان
عارف انا عشت حياتى كلها فى اسوان
الناس هناك بتعشك محمد منير والد ووالدتى اصحاب اخواته تخيل اخوه سمير صوته احلى من منير و مع ذلك من كتر حبه لمنير مبيرضاش يغنيله اى حاجه عشان ميقارنهوش بيه
حلاوه منير انه اما يغنى لمصر تحسه بيغنى عن حبيبته و اخته و امه يعنى اغانيه بتروح لكل واحد حسب ما يحبها
مبروك تانى

Foxology said...

صيدلانية طالعة نازلة ...

الله يبارك فيكى ومبروك عليكى الألبوم كمان :)

فعلا منير لما بيغنى كل واحد بيتخيل انه بيغنى بالنيابة عنه بيغنى لبلده لحبيبته او اى حاجة تانية الواحد بيحس بيها

نورتى الكيت كات :)

Anonymous said...

اه اه اه عظيييم بحب انا الموسيقى الراقية وبعز منير عالااخر
بس حلوة الحالة اللي انت فيها دي خليك كده

Foxology said...

نوره الخشن ...

اهلا بيكى فى اول زيترة للكيت كات

شكرا للمرور والتعليق :)

Alkomi said...

شوف انا جاي على اسم البلوج

و بعدين نتفاهم

بس المهم دوقتي

الشيخ حسني يوم الحد 15 يونيو على ايه ار تي افلام واحد الساعة تسعة مساء بتوقيت مصر

خد بالكم يا راجل من الميعاد و اوعى تنسى

حاكم انا ماحبش اللي يطنش الشيخ حسني و هو شغال

سلامو عليكو يا راجل

Foxology said...

محمد الكومى

نورتنى ونورت الكيت كات يا هرم

ده انت راجل عجيب يا رمضان

هفوتها للأسف علشان معنديش ايه آر تى بس طبعا الفيلم عندى على الجهاز وتقريبا بتفرج عليه اكتر من مرة كل شهر :)

نتفاهم بعدين يا محمد باشا

نورتنى بجد :)

عليكم السلام :)

حاسوباتيه said...

يارب دايما تكون في الحاله المفرحه دي انا بصراحه لسه ماسمعتش الالبوم بس دخلت مدونات كتير كاتبه عنده اكيد جامد مش محمد منير

Foxology said...

حاسوباتية

شكرا على تعليقك لكن دوام الحال من المحال مستحيل الواحد يفضل عايش بشعور واحد منتظم طول حياته والا ميبقاش انسان او كائن حى من الأساس :)

اللبوم فعلا جميل لما تسمعيه هتتأكدى بنفسك :)

شكرا للمرور :)

Unknown said...

اه والله يا ابنى عندك حق شريط منير تحفة سمعت سؤال ومعاكى ومش محتاج اتوب؟ الشريط اكتر من رائع

Foxology said...

enjy

اه طبعا تحفة مش زى البنى آدم العجيب اللى قابلته امبارح بيقولى شريط منير ايه الأعجاز اللى فيه ؟ يعنى ايه يونس ؟؟ وكنت هضربه

سمعت الألبوم كله وهو طبعا حدوتة جديدة من حواديت منير

نورتى الكيت كات :)

m.sobhy1990@gmail.com said...

والله العظيم ياأحمد مش عارف أعمل معاك إيه؟؟

بس سامحنى بجد أنا عارف إنى كنت مقصّر معاك الفترة اللى فاتت

بس والله مش بايدى ياصاحبى


الألبوم جامد طبعا مع إن ليا ملحوظة صغيرة كده على أغنية من أغانيه


هامش: بعد كده إبقى نبهنى
مش أدخل البلوج الاقى حاجة عنى وأنا مارديتش

يبقى شكلى وحش قوى
:)

يلا سلام أنا وجعت دماغك بالرغى ده

Foxology said...

محمد صبحى

متقولش كدة يا محمد ربنا معاك ولا يهمك يا باشا :)

الألبوم جامد فعلا وهبقى اكلمك علشان اعرف الملحوظة دى :)

حاضر هبقى انبهك واقولك وانت زى القمر شكلك مش وحش ولا حاجة :)

سلام يا صاحبى ونورتنى بجد :)